“Bu, Paşinyanın növbəti siyasi həyasızlığıdır”
Əlabbas Məhərrəmli: “Azərbaycan artıq Ermənistanın və onun havadarlarının anladıqları güc variantının tətbiqinə qərar verməlidir”
“Paşinyan Brüsseldə verdiyi müsahibədə Ermənistanın Qarabağ münaqişəsində tərəf olduğunu bir daha bəyan edib. Onun işğalçılıq siyasətini pərdələyərək, münaqişənin həll olunmamasında Azərbaycanı günahlandırması isə növbəti siyasi həyasızlıqdır”.
Bunu Versus.Az-a Nikol Paşinyanın azadlıq radiosuna verdiyi müsahibəyə aşıqlamasında siyasi ekspert Əlabbas Məhərrəmli bildirib:
“Paşinyan Azərbaycan ücün mümkün olmayanın - Dağlıq Qarabağ separatçılarının danışıqlara cəlbinin vacibliyindən dəm vurub. Ermənistan baş nazirini belə bəyanat verməyə cəsarətləndirən həm də Avropa İttifaqının Azərbaycanın ərazi bütövlüyünə yolverilməz münasibətidir. Məlum olduğu kimi, Azərbaycanla Avropa İttifaqı arasında sazişin imzalanmamasının da səbəbi Avropa İttifaqının bu məsələyə qəbuledilməz yanaşmasıdır. Yəni Gürcüstanla Ukraynanın ərazi bütövlüyünü tanıyan Avropa İttifaqı Azərbaycana fərqli münasibət göstərir”.
Ekspert qeyd edib ki, Qərbin bu mövqeyindən ruhlanan Paşinyan isə Azərbaycana öz şərtlərini diqtə etməyə cəsarət göstərir:
“Paşinyanın bu açıqlaması neçənci dəfədir təsdiqləyir ki, danışıqlara sərf olunan zaman sadəcə itirilmiş vaxtdır. Məncə, Azərbaycan artıq qəti mövqeyini ortaya qoymalı, Ermənistanın və onun havadarlarının anladıqları güc variantının tətbiqinə qərar verməlidir. Bizə başqa seçim imkanı saxlanmayıb”.
LƏMAN
Versus.Az
Xəbər lenti
Türkiyədə güclü ZƏLZƏLƏ
Yeraltı təkanların gücü 5,6 bal olub