37 saylı Laçın məktəblilərinin növbəti ekskursiyası

00:19 15-05-2019 | icon 870 | Təhsil
37 saylı Laçın məktəblilərinin növbəti ekskursiyası

2-ci və 3-cü sinif şagirdləri üçün nağıl kimi muzey gəzintisi

 

Xəbər verdiyimiz kimi, Ağcabədi şəhər, Taxta körpü qəsəbəsində yerləşən Laçın şəhər 37 saylı tam orta məktəbin direktoru Səxavət Məmmədovun təşəbbüsü ilə müəllim kollektivi və məktəblilərinin ekskursiyaları təşkil olunub. Artıq ikinci həftədir davam edən ekskursiya hər gün üç və ya dörd sinif olmaqla Heydər Əliyev Mərkəzi, Bayraq Muzeyi və Tarix-Diyarşünaslıq Muzeyində həyata keçirilib.

 

Versus.Az-ın məlumatına görə, 2a, 2b və 3b siniflərin şagirdləri öz sinif rəhbərlərinin nəzarəti ilə növbəti ekskursiyada iştirak ediblər.

 

Şagirdlər başda məktəbin dərs hissə müdiri Kənan Quliyev olmaqla Bayraq Muzeyi, Tarix-Diyarşünaslıq Muzeyi və sonda Gənclər Mərkəzi adlı uşaqlar üçün əyləncə mərkəzində olublar.

 

Muzeydəki eksponatlara diqqət kəsilən balacalar üçün olduqca maraqlı görünən tarixin nişanələri haqqında ətraflı məlumat verilib. Uşaqlar sanki sehirli aləmə düşübmüş kimi, ətrafı maraqla izləyiblər.

 

2b sinifinin sinif rəhbəri Elyanə Zeynalova deyir ki, Bayraq Muzeyində uşaqların, eyni zamanda müəllimlərin diqqətini daha çox şəhid olmuş bir əsgərin döyüş paltarları və sahibinə çatmayan əl boyda kiçik bir torbada bayram sovqatı olub. Hər kəsi kövrəldən bu mənzərə çox güman ki, şagirdlərin yaddaşına əbədi həkk olacaq.

Müəllimlər şagirdlərin xatirəsində dərin iz buraxacaq bu ekskursiyanı daha maraqlı etmək üçün onların eksponatlarla şəkil çəkdirmək istəklərini də reallaşdırıblar.

 

Şagirdlər ekskursiyadan olduqca razı qalıblar. Onlar bu gəzintidən Ağcabədinin tarixi qədim yaşayış məskənləri, təbiət görüntüləri, qədim daş dövründən müstəqillik dövrünə kimi olan tarixi inkişafı haqqında dolğun məlumatlarla geri dönüblər.

 

A.Zeynallı
Versus.Az

 

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Ramazan ayının dördüncü gününün imsak, iftar və namaz vaxtları

Bu qadınlar pensiyaya daha tez çıxa biləcəklər