“Paşinyandan Qarabağ məsələsində cəsarətli addım gözləmək mənasızdır”

16:38 15-05-2019 | icon 267 | Geopolitika
“Paşinyandan Qarabağ məsələsində cəsarətli addım gözləmək mənasızdır”

Nikol Paşinyanın hakimiyyətə gəlməsinin bir ili tamam oldu. Cinayətkar Qarabağ klanı Ermənistanda hakimiyyətdən devriləndə belə ümidlər yaranmışdı ki, Paşinyan klanın təmsilçisi deyil, Qarabağda döyüşməyib, yeni düşüncəli və sülhə meylli siyasətçi ola bilər və nəticədə Qarabağ məsələsində ciddi addımlar atılar. Bir il ərzində Nikol Paşinyanla cəmi bir neçə dəfə Qarabağ danışıqları mümkün oldu. Ekspertlər bildirir ki, erməni iqtidarı danışıqlardan qaçır, status-kvonun bu cür qalmasına çalışır. Belə bir vəziyyətdə artıq Paşinyan Ermənistanı ilə sülh danışıqlarının mənasının qalmadığını qəti şəkildə söyləmək mümkünmü?

 

Versus.Az xəbər verir ki, politoloq Nəzakət Məmmədova bildirib ki, Paşinyan danışıqlardan yayınır və bunun bir sıra daxili və xarici amillərdən qaynaqlanan səbəbləri var. Əvvəla, nə Paşinyan müstəqil siyasətçidir, nə də onun başçılıq etdiyi dövlət azad, suveren deyil. Ermənistan üzərində hegemon olan dövlətlər hansı göstərişi verirlərsə, onun rəhbəri də həmin tapşırığı yerinə yetirir:

 

“Hazırda Ermənistan üzərində bir neçə dövlətin təsiri var: Ermənistanın prezidenti İngiltərəyə, baş naziri Amerikaya, ordusu Rusiyaya, diasporası Fransaya bağlıdır. Belə bir xaotik şəraitdə silahlı qüvvələrin ali baş komandanı konstitusiya dəyişikliyinə əsasən baş nazir olsa da, o, ordu üzərində heç bir səlahiyyətə malik deyil.

Məlumdur ki, Ermənistanda hazırda xarici güc mərkəzləri və onların yerli əlaltıları arasında aşkar mübarizə gedir. Rusiyanın Qarabağ klanından ona qarşı istifadə etməsinin qarşısını almaq üçün Paşinyan Rusiya ilə müəyyən yaxınlaşma siyasətinə cəhd göstərdi. Lakin onun Rusiyanı tamamilə neytrallaşdırdığını demək olmaz. Rusiya hər zaman Ermənistan SSRİ-dən ayrılandan bəri Qarabağ klanına istinad edib, bundan sonra da etməyə davam edəcək.

 

Qarabağa dair sülh danışıqlarının uzanması, nəticəsiz qalması isə Paşinyanın iradəsinə bağlı məsələ deyil. Paşinyan böyük güclərin Ermənistan siyasətində, obrazlı şəkildə ifadə etsək, burulğanın ortasına düşmüş sınıq qayıqçını xatırladır. Onun tək qayğısı hakimiyyətini möhkəmlətmək, ölkə üzərində bacardıqca çox sahələrə nəzarəti ələ keçirmək, onu hakimiyyətə gətirmiş xarici qüvvələrin tapşırığını yerinə yetirməkdən ibarətdir. Bu tapşırıq Qarabağ münaqişəsinin həlli ilə bağlı deyil, regional geosiyasi planlarla bağlıdır. Paşinyanın fəaliyyətinin yaxın perspektivdə əsas hədəfi İrana qarşı ABŞ-ın şimaldan Ermənistan istiqamətində səmərəli fəaliyyətinə şərait yaratmaq, Ermənistanı İrana qarşı ABŞ-ın siyasi-kəşfiyyat poliqonuna çevirmək, orta hədəfdə isə Rusiyanın Ermənistanda təsirini zəiflətməkdir".

 

Politoloqun sözlərinə görə, bütün bunları nəzərə aldıqda məlum olur ki, Qarabağ məsələsi ilə bağlı Paşinyandan hər hansı cəsarətli addım, dəyişiklik gözləmək mənasızdır:

 

“Qeyd etdiyimiz kimi, burada onun iradəsindən asılı olan çox cüzi şeylər var. Lakin o, ”Şəraiti dəyişə bilmirsənsə, ona olan münasibətini dəyiş" məsəlini əsas kredosuna çevirərək bu şəraitdən öz hakimiyyətini möhkəmələndirməyə çalışır.  O, ermənilərin şovinizmindən istifadə edərək ucuz piar şousu düzəldir, gah Şuşada yallı gedir, gah kortejin müşayiəti ilə velosipedlə işə gedir və sair. Bütün bunlar ucuz şoudan, səfalət içində yaşayan Ermənistan əhalisinin gözünə kül üfürməkdən başqa bir şey deyil. Eyni zamanda Qarabağ məsələsinin həllinə yardım etmir, əksinə, prosesə mane olur. Bununla yanaşı, həmsədrlərin bəyan etdiyi xalqların sülhə hazırlanması prosesinə ən böyük zərbəni vurur. Çünki Ermənistan əhalisini aldatmağa yönələn ucuz piar Azərbaycan əhalisi arasında onsuz da zəif olan sülhə etimadı sıfıra endirir"./Müsavat.com/

 

Versus.Az

Xəbər lenti

Xüsusi karantin rejimindən tədrici çıxışın növbəti mərhələsi elan edilib

"Bir tərəfdən karantin rejiminin müddəti iyunun 14-dək uzadılıb, digər tərəfdən isə bəzi məhdudiyyətlər yumşaldılıb"

İyunun 8-dən sonra Naxçıvana uçuşların və daxili uçuşların bərpası gözlənilir

Bağçaların və rayonlara gediş-gəlişin açılması hələlik nəzərdə tutulmur

"Operativ Qərargah rayonlara gediş-gəlişin bərpasını bu mərhələdə saxlamağı qərara alıb"

Hava XƏBƏRDARLIĞI

"Qaçqın və məcburi köçkünlərin sosial müdafiəsi hər zaman dövlətin diqqətindədir"

Deputatın təşəbbüsü ilə Tovuz rayonunun 20 kəndinə və Qovlar şəhərinə maska göndərilib

“Bu xəstəlik istənilən yaşda hər kəsi yaxalaya bilər”

Dünyada koronavirusa yoluxanların sayı 6 milyona yaxınlaşır

Azərbaycanın Britaniyadakı səfiri AİHM-ə Ramil Səfərovla bağlı CAVAB VERDİ

MDHP Ermənistan-Azərbaycan müharibəsi ilə əlaqədar BƏYANAT qəbul edib

Komitə sədri virtual konfranslarda gənclərə çağırış edib - FOTO

İDDA Dilqəmlə Şahbazın işinə baxılması üçün Avropa İnsan Hüquqları Məhkəməsinə müraciət etdi

İran parlamentində yerdəyişmə nədən xəbər verir?

Bu qabiliyyət imtahanları keçirilməyəcək

"Dövlətimiz əbədi, milətimiz uca olsun hər zaman"

İrəli
InvestAZ

Ən çox oxunan xəbərlər

“Müdafiə naziri Paşinyanın vertalyotunu vurmalıydı” - MÜSAHİBƏ

Partiya sədrindən RAMAZAN TƏBRİKİ

DADP sədri Azərbaycan xalqını təbrik etdi

"Şuşanıvur" heşteqi ilə qəzəbnak olmaq problemin həlli deyil

Ali təhsilli tibb bacısı ixtisası üzrə qəbul aparılacaq

İqbal Ağazadə QARABAĞIN AZADLIĞInı dilədi

Deputat Azərbaycan xalqını təbrik etdi

Pandemiyanın “ikinci dalğası” gözlənilir?

ALDP sədrindən RAMAZAN TƏBRİKİ

Mehriban Əliyeva Azərbaycan xalqını və dünya müsəlmanlarını TƏBRİK EDİB

Bu gün Ramazan bayramıdır

Güclü külək fəsadlar yaradıb

 

“Sərhədi keçsən səni vuracağıq” quru bəyanatı da vermədilər - VİDEO

“İşğal altındakı ərazilər şüur altında sağalmayan ağrı kimi  qalır” - MÜSAHİBƏ

Almaniya da Dağlıq Qarabağdakı separatçı rejimi tanımırı