“Vətənpərvərlik verilişlərinin sayı və keyfiyyəti yetərli deyil” - MÜSAHİBƏ

13:47 16-05-2019 | icon 105 | Siyasət
“Vətənpərvərlik verilişlərinin sayı və keyfiyyəti yetərli deyil” - MÜSAHİBƏ

Əlabbas Məhərrəmli: “Nümayiş etdirilməlidir ki, Azərbaycan dövləti və xalqı işğal faktını qəbul etməyəcək”

 

Siyasi ekspert Əlabbas Məhərrəmlinin Versus.Az-a müsahibəsi

 

- Əlabbas bəy, Azərbaycan torpaqları artıq 27 ildir ki, işğal altındadır və bu gün beynəlxalq təşkilatların "sülh tələbi"nə əməl olunaraq münaqişə ilə bağlı danışıqlar uzanır. Necə hesab edirsiniz, sizcə Azərbaycan televiziyaları günümüzün nəbzinə uyğun olaraq təbliğatını lazımı formada qura bilirmi?

 

- Sözsüz ki, istənilən münaqişədə üstünlüyün təmin olunması həm də informasiya müstəvisində düzgün fəaliyyətin qurulması ilə şərtlənir. Yəni beynəlxalq müstəvidə, həm də daxili ictimai rəyin yönləndirilməsində bu amilin təsiri misilsizdir. Azərbaycan televiziyalarına gəldikdə, onların bu yöndə fəaliyyətlərinin tamamilə olmadığını söyləmək çətindir. Ancaq hazırlanan veriliş və proqramların təsir və effekt məsələsi mübahisəlidir. Bilirsiz ki, bir neçə dildə yayımlanan telekanallarda Qarabağ həqiqətlərini əks etdirən verilişlər, süjetlər və müsahibələr verilir. Lakin mənə belə gəlir ki, o verilişlər daha effektli hazırlanmalı, auditoriyanın düşüncəsinə təsir gücündə olmalıdır.

 

- Televiziayalarımızda işğal günləri haqqında hazırlanan verilişlərin kəmiyyət və keyfiyyəti hansı səviyyədədir?

 

- Çox təəssüf ki, əsasən, özəl telekanallar işğal və hüzn günlərində belə ənənəvi proqramlarını dəyişmirlər və ya bunu sadəcə unudurlar. Bilirsiz ki, belə hallar dəfələrlə təkrarlanıb və geniş ictimai narazılıq doğurub. Açıq deyək ki, telekanalların vətənpərvərlik verilişlərinin sayı və keyfiyyəti yetərli deyil. Hər halda, telekanalların reytinq gətirən verilişlərlə yanaşı, bu məsələyə də diqqət yetirmək lazımdır.

 

“Hər diplomluya ziyalı deyilmir”

 

- Bu qədər böyük problemi olan ölkədə ziyalıların problemlərin qabardılmasında iştirak etməmələri, hadisələri sakitcə kənardan izləyərək, laqeyd münasibət sərgiləmələri, görməzdən gəlmələri nəyin ifadəsi ola bilər?

 

- Yox, mən hesab etmirəm ki, ziyalılarımız ucdantutma laqeydlik nümayiş etdirirlər. Əksinə, belə neqativ hallara qarşı səsini ucaldan yetərincə ziyalımız var. Onlar həm elm, həm də sənət cameəsini təmsil edirlər. Milli yanğısı olan ziyalılarımız heç vaxt və heç nəyə laqeyd qalmırlar. Hər diplomluya isə ziyalı deyilmir.

 

- Necə hesab edirsiniz, son günlər beynəlxalq müstəvidə düzənlənən “mədəniyyətlərarası dialoqlar” Azərbaycanı dünyaya hansı yandan tanıda bilir?

 

- Belə tədbirlərin təşkili müxtəlif aspektlərdən faydalıdır. İnanın ki, dünya bizi azı bizim qədər tanıyır. Ancaq qlobal siyasətin öz qaydaları və böyük dövlətlərin öz maraqları var. Azərbaycan bu mürəkkəb sistemdə öz maraqlarını təmin edəcək xətlə getməlidir. Yəni dediyiniz tədbirlərdə özümüzü nə qədər yaxşı tanıtsaq da, bu, böyük dövlətlərin öz siyasətlərini dəyişməsinə təsir etmir. Bu yolu özümüz seçməliyik.

 

- Əlabbas bəy, istənilən nəticəni əldə etmək istəyən sülhsevər, eyni zamanda torpaqlarını işğaldan azad etməyə borclu olan xalq olaraq, televiziya, media məkanı öz işini hansı "notlara" kökləməlidir. Biz ictimaiyyət olaraq, hansı ponaramanı yaratmalı və daha çox nəyə fokslanmalıyıq?

 

- Bütün müstəvilərdə dünyaya nümayiş etdirilməlidir ki, Azərbaycan dövləti və xalqı işğal faktını qəbul etməyəcək. Bu mövqe bütün platformalarda dəqiq və sərt şəkildə ifadə olunmalıdır.

 

- Qarabağ mövzusunda çəkilən filmlər sizi qane edirmi?

 

- Bu da ağrılı yerlərimizdən biridir. Fikrimcə, Azərbaycan hərbçilərinin Qarabağda göstərdikləri şəxsi və toplu igidliklərlə bağlı çox təsirli ekran əsərləri yaratmaq olar. Ancaq təəsüf ki, bunun şahidi olmuruq. Qarabağ müharibəsindən bəhs edən bir-iki filmi çıxmaq şərtilə, qalanları həm məzmun, həm də texniki cəhətdən qüsurludur.

 

“Mərhəmət, bağışlama, dostlaşma, mehribanlaşma görünməkdədir”

 

 - Ramazan ayındayıq, oruc tutursunuzmu və belə aylarda ictimai-siyasi fəallığı olan və müəyyən imkanlara malik insanlardan hansı addımların atılmasını istərdiniz?

 

- Bəli, şükür Allaha, oruc tuturam, ibadətin edirəm, nəticəsin cənab Allah bilər. İnsanlar öz fəaliyyət növlərindən asılı olmayaraq, Ramazan ayında yaxşı əməllərindən, barışcıl mövqelərindən kənara çıxmamalıdırlar.

 

- Bu ayda ölkənin həyatında, daha doğrusu insanların bir-birinə yanaşmasında hansı diqqəti çəkən nüanslar müşahidə olunur?

 

- Bilirsiz, 11 ayın sultanı adlandırılan Ramazan müqəddəs aydır. Müqəddəs Quran Ramazan ayında nazil olub. İslam dinində Ramazan ayının cox dərin mənası var. Ölkəmizin həyatında da insanların bir-birlərinə münasibətində mərhəmət, bağışlama, dostlaşma, mehribanlaşma görünməkdədir.

 

- Əvvəlki illərlə müqayisədə oruc tutanların çoxaldığı sirr deyil, bu nəyin ifadəsidir?

 

- Bəli, əvvəlki illərə nisbətən oruc tutanların sayının artdığı müşahidə olunur. Mən sizə bir söz deyim, fikrimcə, oruc tutmamaq yanlışlıqdır. Kimlərsə deyə bilər ki, bu, hər kəsin öz işidir, hər kəs özü Allah qarşısında cavab verəcək... Amma Allahın biz bəndələrinə buyurduğu, vacib bildiyi şərtlərdən biri də oruc tutmaqdır. Səbəbsiz yerə oruc tutmamaq başa düşülən deyil...

 

T.Qafarlı
Versus.Az

Xəbər lenti

“Dağlıq Qarabağ münaqişəsinin hərbi yolla həlli yoxdur"

Pyotr Şvitalski: “Avropa İttifaqının Dağlıq Qarabağ münaqişəsinin həlli üzrə mövqeyi dəyişməz olaraq qalır"

Dünya tarixinə damğa vuran ilk türk hökmdar qadın Tomrisin həyatı filmə çevrilib – VİDEO

Qarabağ Komitəsi BŞİH ilə razılaşmadı

Beynəlxalq olimpiada mükafatçısı: “Qəbul imtahanında iştirak etmədim, çünki...”

“Jurnalistika” ixtisasına qəbul olmaq istəyənlərin nəzərinə - Qeydiyyat başlayır

Hazırda həkim işləyənlər rezidenturaya ərizə verə bilərlər?

Azərbaycan milli mətbuatının 144 yaşı tamam olur

Qəbul imtahanlarında ümumilikdə bu qədər abituriyent qovulub - RƏSMİ

 "I ƏKİNÇİ KUBOKU" mini futbol turniri başa çatıb

Türkiyədə daşınmaz əmlak alan Azərbaycan vətəndaşlarının sayı artıb

"Buxovlardan qurtulan milli mətbuatımız möhtərəm Prezidentimiz İlham Əliyevin rəhbərliyi ilə..."

Mədəniyyət naziri jurnalistləri təbrik edib
 

Prezident İlham Əliyev qəzetlərə 1 milyon manat ayırdı

Baş nazirin müavini: "Azərbaycanda mətbuatın sərbəst fəaliyyəti üçün heç bir maneə yoxdur"

Komediya aktyoru səhnədə öldü

Bakıda çimərlikdə DƏHŞƏT YAŞANDI

İrəli
InvestAZ

Ən çox oxunan xəbərlər

İqbal Ağazadə hökumətə səsləndi-VİDEO

“Belə mətbuatın nəyini təbrik edəsən?” - MÜSAHİBƏ

Leyla Yunus Elçibəyi KQB agenti adlandırdı

713-cü batalyonun döyüşçüləri Şəhidlər Xiyabanında olub

DGKA rəisi abituriyentlər və valideynlərlə görüşdü

Bu xəstəliyin ilkin mərhələsində həkimə müraciət mütləqdir

İnanılmaz: dənizdə boğulub "ölən" gənc ayıldı

“Azərbaycan mətbuatının ictimai fikrə təsir yükü var” - MÜSAHİBƏ

Xarici diplomat AXH-nin ofisinə polis basqısı ilə maraqlanıb

Sosial şəbəkədə “qocalıq” trendi: Əyləncəli görünən təhlükələr

İqbal Ağazadədən Keçikçidağ hadisəsi ilə bağlı sərt mövqe

Əl quruması - iflici nədir və müalicəsi varmı? /FOTO-VİDEO/

Azərbaycanın Keçişçidağ qalmaqalı və sərinləşən münasibətlər

Polis leytenantı özünü güllələdi

ALDP Keçikçidağ ilə bağlı bəyanat verdi