Şəhid zabitin qələmi Qənirə Paşayevaya təqdim edildi

14:39 23-05-2019 | icon 226 | Cəmiyyət
Şəhid zabitin qələmi Qənirə Paşayevaya təqdim edildi

Tovuz rayonunda şəhid zabitimiz Orxan Hümmətova həsr edilmiş “Qızılqaya qartalı” kitabının təqdimat mərasimi keçirilib.

 

Versus.Az xəbər verir ki, tədbirdə Tovuz rayon İcra Hakimiyyətinin başçısı Məmməd Məmmədov, Dini qurumlarla İş üzrə Dövlət Komitəsinin sədri Mübariz Qurbanlı, kitabın ön sözünün müəllifi Avrasiya Beynəlxalq Araşdırmalar İnstitutu İB-nin rəhbəri, millət vəkili Qənirə Paşayeva, kitabın müəllifləri Çingiz Qəribli və Ramiz Çıraqlı, şəhidin ailə üzvləri, rayon ictimaiyyətinin nümayəndələri iştirak edib.

 

Kitabda zabit O.Hümmətovun həyat yolundan bəhs edən sənədli povest və xatirələr toplanıb.

Q.Paşayeva təqdimatda çıxış edərək gənclərimizi qəhrəman şəhidlərimizin vətənpərvərliyindən nümunə götürməyə çağırıb. Millət vəkili kitabın məktəblərə, gənclər evlərinə, kitabxanalara pulsuz təqdim ediləcəyini bildirib:

 

“Bu cür kitabların nəşrinə və təbliğinə dəstək verməyimiz bizim vəzifəmizdir. Biz o zaman söylədik ki, vətənimizin tarixi və insanlarımızın qəlbində yaşayacaq bütün dəyərli şəhidlərimiz, o cümlədən Orxan Hümmətov heç bir zaman unudulmayacaq, onun haqqında kitab yazılacaq və anım tədbiri keçiriləcək.

Hər bir azərbaycanlının, o cümlədən torpaqlarımızın işğaldan azad edilməsi uğrunda şəhid olan dəyərli şəhidlərimizin ən böyük arzusu işğal altında olan bütün torpaqlarımızın işğaldan azad edilməsidir. İnşallah, bu kimi tədbirləri Ali Baş Komandan cənab Prezident İlham Əliyevin rəhbərliyi altında işğaldan azad edəcəyimiz Dağlıq Qarabağda, Şuşada, Xankəndində və digər gözəl guşələrimizdə keçirək”.

 

Tədbirdə Tovuz rayon İcra Hakimiyyətinin başçısı Məmməd Məmmədov, DQİDK sədri M.Qurbanlı, Tovuz rayon Ağsaqqallar Şurasının sədri İsa Cavadov, rayon Qarabağ müharibəsi əlilləri, şəhid ailələri ictimai birliyinin sədri Əli Əliyev və kitabın həmmüəlliflərindən olan şair-publisist Ramiz Çıraqlı da çıxış edərək şəhid zabitimiz O.Hümmətov haqqında fikirlərini bölüşüb, gənclərimiz arasında vətənpərvərlik ruhunun güclənməsi istiqamətində bu kimi tədbirlərin keçirilməsinin əhəmiyyətini vurğulayıblar.

 

Şəhid zabitimiz Orxan Hümmətovun atası Bayram Hümmətov oğlu haqqında yazılan kitaba görə təşəkkürünü bildirib, vətən üçün canından keçən oğlu ilə qürur duyduğunu deyib. B.Hümbətov şəhid zabitin qələmini Q.Paşayevaya təqdim edib.

 

Versus.Az

Xəbər lenti

InvestAZ

Ən çox oxunan xəbərlər

Onlayn sınaq imtahanları pulsuz olacaq - SİYAHI

Karantin günlərində küçədə rəqs edən Səmra tənqid olundu - VİDEO

#EvdəQal

“Ermənistan savaş istəmirsə, ordusunu Qarabağdan çıxarsın!” - MÜSAHİBƏ

“Fövqəladə vəziyyət haqqında” Fərmanda dəyişiklik edildi

"Sizə Azərbaycanın istiqlaliyyəti yerinə məzarlıq bəxş edəcəyəm"

“Mançester Siti”də Qvardiaolanı əvəzləməyə əsas namizəd bəlli olub

Astronavt kosmosda ağlamağın nə ilə nəticələnəcəyini göstərdi - VİDEO

Səs dalğaları xərçəngin diaqnostikasına kömək edə bilər - VİDEO

Cavan qalmağın mexanizmi hazırlanıb

Yoluxduğunuzdan şübhələnirsinizsə, həkimi evə çağırın

Abort edənlər üçün koronavirusun ölümcül təhlükəsi açıqlanıb

Virus birbaşa ürəyin əzələ hüceyrələrli ilə təmas edir?

#Evdeqal prinsipi ilə...

Koronovirusla bağlı faktlar və dəlillər...