Azərbaycan kinosunun tarixinə adı qızıl hərflərlə yazılan şəxs

22:34 24-05-2019 | icon 246 | Mədəniyyət
Azərbaycan kinosunun tarixinə adı qızıl hərflərlə yazılan şəxs

Doğum gününüz mübarək, Ramiz Novruz!

 

ELMAN ELDAROĞLU

/ABŞ, Miçiqan/

 

Azərbaycan kinosunun tarixində XX əsr intibah dövrü kimi yadda qalıb. Həmin dövrdə elə filmlər ərsəyə gətirilib ki, qərb ögey münasibət göstərməsəydi, yəqin ki, “Oskar” mükafatına layiq görülənləri də olardı. Bizim Adil İsgəndərov, Lütfəli Abdullayev, Əliağa Ağayev, Ağasadıq Gəraybəyli, Nəsibə Zeynalova, Həsən Məmmədov, Şahmar Ələkbərov, Həsənağa Turabov, Yaşar Nuri kimi kinoda möcüzə yaradan aktyorlarımız olub. Onların yaratdıqları obrazlar heç də dünyada tanınan aktyorların yaratdıqlarından geri qalmır. 
Kim deyir ki, Azərbaycanda əsl aktyor qıtlığı yaranıb, heç də elə deyil. Hacı İsmayılovun oynadığı “Mustafa” rolu, Rasim Balayevin “Nəsimi”si, Nurəddin Mehdixanlının “Cavad xan”ı məgər dünya standartlarına uyğun deyilmi?..

 

Bu gün mən sizə Azərbaycan kinosunun tarixinə adı qızıl hərflərlə yazılan, istedadı ilə insanların rəğbətini qazanan bir aktyordan danışmaq istəyirəm, xalq artisti Ramiz Novruzdan. Onun şəxsi keyfiyyətlərindən, siyasi düşüncələrindən xəbərsizəm, amma bir sənətkar kimi yaratdıqlarına söz ola bilməz. Son zamanlar çəkildiyi teleserialda da ifa etdiyi obrazı tamaşaçılara sevdirə bilib. Yeri gəlmişkən, Ramiz Novruz 1955-ci ildə Biləsuvar rayonuunun Səmədabad qəsəbəsində dünyaya gəlib. 1974-1978-ci illərdə M.Əliyev adına Azərbaycan Dövlət İncəsənət İnstitutunun Dram və kino aktyorluğu fakültəsində ali təhsil alıb. Təyinatla H. Ərəblinski adına Sumqayıt Dövlət Dram Teatrına göndərilib. 1981-ci ildən isə Azərbaycan Akademik Milli Dram Teatrında çalışır. Teatr sənətindəki xidmətlərinə görə 1993-cü ildə əməkdar artist, 1998-ci ildə xalq artisti fəxri adlarına layiq görülüb. 2018-ci ildən Prezidentin fərdi təqaüdünü alır…

 

Onun “Sizi dünyalar qədər sevirdim” bədii filmində yaratdığı obraz isə bir başqa aləmdir. İkinci cahan müharibəsində qəhrəmancasına döyüşüb, həlak olan general Həzi Aslanovu biz onun ifasında yaxından tanıdıq, onun simasında sevdik. Bu sevgidən ona da pay düşdü. İnsanların ürəyində yuva qurmağı bacardı. Bəli, bu gün Ramiz Novruzun adı çəkiləndə Azərbaycanın qəhrəman oğlu Həzi Aslanov ilk yada düşür...

Mayın 25-i xalq artistinin doğum günüdür. Onu uzaq Amerika qitəsindən, dəfələrlə “Oskar” mükafatına layiq görülən Leonardo Di Kaprionun vətənindən təbrik edir, ona möhkəm can sağlığı, yaradıcılıq uğurları arzulayırıq.


64 yaşınız mübarək, Ramiz Novruz!

Xəbər lenti

InvestAZ

Ən çox oxunan xəbərlər

Köhnə nazirlər - Kimlər gedib, kimlər qalıb...

Azərbaycan və Türkmənistan prezidentləri arasında telefon danışığı olub

"Ermənistan yenidən təxribatlara əl atarsa, cavabı layiqincə veriləcək"

İlham Əliyevdən Qurban Bayramı ilə bağlı paylaşım - FOTO

Rayonlara gediş-gəliş bərpa edilir?

Birgə təlimlərdə iştirak edən hərbi qulluqçular üçün Qurban bayramı tədbiri təşkil olunub - VİDEO

Şimşək, külək, yağış, leysan…

Azərbaycan - Türkiyə birgə genişmiqyaslı taktiki təlimləri davam edir - FOTO

Qənirə Paşayevanın vətənpərvərliyini yox, qolunu müzakirə obyektinə çevirənlər…

Operativ Qərargah rayonlara gediş-gəliş qadağası ilə bağlı qərar verdi

Avqustun 31-dək qüvvədə qalacaq -Sərt karantin

Azərbaycanda karantin rejimi yumşaldılır

Azərbaycanda daha 647 nəfər COVID-19-dan sağaldı, 241 nəfər yoluxdu

Koronavirusdan sağalanların sayı 11 milyonu keçdi

“Kökəlmələr, artıq cəkilər uşaqlıqdan başlayır”