“Azərbaycan Xarici İşlər Nazirliyi müstəvisində buna ciddi reaksiya verməlidir”
Fikrət Sadıqov: “Abidələrimizi dağıdıb üzərində özləri üçün kurort sahələri açırlarsa, cavabsız qala bilməz”
“Bu, Azərbaycana qarşı təhqir olaraq qiymətləndirilməlidir. Azərbaycan tərəf Xarici İşlər Nazirliyi müstəvisində buna ciddi reaksiya verməlidir”.
Versus.Az “Üç nöqtə”yə istinadən xəbər verir ki, bunu politoloq Firkət Sadıqov, ermənilərin işğal altında olan torpaqlardakı yerləşiminin Qarabağa, ümumiyyətlə Azərbaycanın ərazi bütövlüyünə təhdidləri ilə bağlı açıqlamasında bildirib.
Qeyd edək ki, iyunun 2-də Xankəndindəki terrorçu dəstənin başçısı Bako Saakyanın iştirakı ilə Azərbaycanın 27 ildir işğal altında qalan Kəlbəcər rayonu ərazisində istirahət zonası açılıb. Erməni mətbuatının yaydığı məlumatda bildirilib ki, “Ari Rezort” adlı kurort zonası Kəlbəcərin Yeni Çaykənd kəndində salınıb. Bunun turizmin inkişafı üçün böyük stimul yaradacağını iddia edirlər.
Politoloq hesab edir ki, erməninin bu cinayətləri cavabsız qalmamalıdır. Onun sözlərinə görə, uzun müddət davam edən erməni həyasızlığına qarşı təkcə bəyanatlar verməklə deyil, məsələnin beynəlxalq təşkilatlar qarşısında qaldırılması ilə ciddi reaksiyanın təşkilinə çalışmaq lazımdır. F.Sadıqov deyib ki, ermənilərin işğal altında saxladıqları torpaqlarımızda turizmi hansı şərtlərlə inkişaf etdirmək istədikləri də qıcıq doğuran bir məsələdir:
“Təbii ki, bi istirahət guşəsinin aktiv işləməsi insanların ora nə dərəcədə kütləvi şəkildə cəlb edə biləcəyinə bağlıdır. Aydın məsələdir ki, Kəlbəcər işğal altındadır və turistlərin ora cəlb olunması yeni problemlər yarada bilər. Ermənilərin Qarabağda, işğal altında olan digər torpaqlarımızda rahat gəzməsinə imkan verməməliyik. Biz ermənilərin təxribatlarına 2016-ci ildə olduğu kimi ciddi reaksiya verilməliyik. Atəşkəsi pozub bizim insanlarımızı vururlarsa, abidələrimizi dağıdıb üzərində özləri üçün kurort sahələri açırlarsa, bu cavabsız qala bilməz. Düzdür, Azərbaycan tək ermənilərlə vuruşmur. Amma ermənilərə cavab verilmədikcə azğınlaşırlar”.
Versus.Az
Xəbər lenti
Keniyanın müdafiə naziri helikopter qəzasında öldü
5 sərnişin həlak olub, daha 3 nəfər tibb müəssisələrinə aparılıb