ALDP bəyanat verdi

Azərbaycan Liberal Demokrat Partiyasının (ALDP) sədri Fuad Əliyev Sədr Aparatının iclasını keçirib. İclasda ictimai-siyasi vəziyyət, partiya sədrinin ABŞ-a işgüzar səfərin nəticəsi, mətbuat nümayəndələrinə təzyiqlər və bəzi təşkilatı məsələlər müzakirə olunub.

Fuad Əliyev toplantı iştrakçılarına ABŞ səfərində keçirdiyi görüşlərlə bağlı ətraflı məlumat verdi.

Toplantıda mətbuat nümayəndələrinə polis tərəfindən əsasız polisə çağırılışlar və orda olan təzyiqlər pisləndi. Bununla bağlı bəyanat qəbul olundu.

Bəyanatda deyilir:

Son vaxtlar müstəqil mediya nümayəndələrin polis bölmələrə çağırılması, onlara orda edilən təzyiqlər, tədbirlərdən çəkilən materialların silinməsi və s. kimi qanun pozuntuları haqqında məlumatlarla tanış oluruq. Belə ki, jurnalistlər Fərid İmran, Gülnaz Qənbərli, Nurlan Cəfərli, Sevinc Sadıqova və Nizaməddin İbadovu öz peşə fəaliyyətlərini yerinə yetirərkən polis tərəfindən saxlandığı və çəkiliş materiallarının polislər tərəfindən pozulduğu ilə bağlı məlumatlara malikik. Jurnalistləri təkrarən polis bölmələrinə çağırılması dolayısı ilə təzyiq formasinin bir hissəsidir.
ALDP jurnalistlərə qarşı qanuna zidd olan hərəkətlər pisləyir və mətbuat nümayəndələrinə təzyiqlərin son qoyulmasını tələb edir.
Bu Azəraycvanda söz və mətbuat azadlığının pozulması, jurnalist fəaliyyətinin məhdudlaşdırılması və nəzarətə alınmasıdır.

Versus.Az