Xalq şairinin yubilyar qızı - Xatirə xanım

12:34 17-06-2019 | icon 105 | Cəmiyyət
Xalq şairinin yubilyar qızı - Xatirə xanım

Hər zaman yenilik yaratmaq eşqi ilə yaşayır…

 

ELMAN ELDAROĞLU

/ABŞ, Miçiqan/

 

Gənclik təravəti hələ də onu tərk etməyib. Daxilən zəngin olduğundan siması çox nurludur. Uşaq təki saf, müdriklər kimi təmkinlidir. Baxışlarından qəribə bir hikmət süzülür. Nitqi rəvan, iti zəkalı, dərin təfəkkürlü, istedadlı xanımdır. Üzücü standartlar ruhuna yaddır. Aktiv olmağı xoşlayır. Hər zaman yenilik yaratmaq eşqi ilə yaşayır…

 

Haqqında söhbət açdığım Xatirə xanım xalq şairi Nəriman Həsənzadənin ailəsində dünyaya gəlib. Bülbül adına Orta ixtisas musiqi məktəbində təhsil alıb. 1978-1982-ci illərdə indiki Bakı Musiqi Akademiyasının tarix-nəzəriyyə fakültəsində oxuyub. 1983-cü ildən həmin ali təhsil ocağında pedaqoji fəaliyyətlə məşğuldur. “Türk xalqlarının mahnılarında intonasiya əlaqələri” mövzusunda dissertasiya müdafiə edərək sənətşünaslıq üzrə fəlsəfə doktoru alimlik dərəcəsinə yiyələnib. Hazırda “Qafqaz Albaniyasının musiqi mədəniyyəti” adlı doktorluq dissertasiyası üzərində işləyir. Eyni zamanda rəssamdır…

Deyir ki, - “Artıq iyirmi yeddi ildir pedaqoji fəaliyyətlə yanaşı rəssamlıqla da məşğulam. Bu sənətə gəlişim gözlənilmədən olub. Hər gün yeni ideyalar tapırdım. Onlar beynimə təsvir kimi yox, hekayə kimi gəlirdi. Qız qalasının, Misir piramidalarının sirrlərini əsərlərimdə açmaq istəyirdim. Bir gün hiss etdim ki, mən bunu bacarıram”…

Onun rəngli qrafik əsərləri az deyil, amma daha çox ağ-qara rəsmlər çəkir. Heç zaman çəkəcəyi rəsmi əvvəlcədən planlaşdırmır. Yalnız sonda məlum olur ki, nə çəkib. Sərgilərinin birində ondan hansı üslubda çəkdiyini soruşurlar, cavab verməyə çətinlik çəkir. Xalq rəssamı Rasim Babayev bildirir ki, bu yeni üslubdur. Qeyri-adi istedadı olan bu xanm, qrafikanın məlum üslublarını dəf edərək əlavə bir cığır açıb. İndiyədək xeyli sərgiləri də təşkil olunub. Onu bir rəssam kimi təqdim etsəm də, Xatirə xanım həm də musiqişünasdır. Bir musiqişünas alim kimi də əməyi az olmayıb. Uzun illərdir ki, Azərbaycan mədəniyyətinə xidmət göstərir…

İyunun 17-si Xatirə xanım Həsənzadənin yubiley günüdür. Yəqin ki, doğmaları, əzizləri bu münasibətlə təşkil olunan tədbirdə onun xidmətlərindən söhbət açıb, ağız dolusu danışacaqlar. Mən isə uzaq Amerikadan bu təvazökar, istedadlı Azərbaycan xanımına ehtiramımı bildirir, Onu yubileyi münasibəti ilə təbrik edirəm. 
Yeni yaşınız mübarək, Xatirə xanım!

Xəbər lenti

InvestAZ

Ən çox oxunan xəbərlər

QHT LAYİHƏYƏ START VERDİ

Müalicəsiz buraxılmış bu xəstəlik çox ağır fəsadlar verə bilər

AXH: Hakimiyyətdən bu cür siyasətinə son qoymasını tələb edirik

AXH Qurultaya hazırlaşır

Qan testi ilə ölüm tarixini öyrənmək mümkün olacaq

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

Jurnalistin qardaşının evi yenə qarət edildi

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

"Asma körpü"nün bərpasi ücün rayon rəhbərliyinə müraciət edirəm

Dövlət komitəsi Məhərrəmlik ayı ilə bağlı müraciət etdi

Qənirə Paşayeva Kamerun, Nigeriya və Konqonun qadın nazirləri ilə görüşüb

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

23 avqust - Cəbrayıl və Füzuli rayonlarının işğal olunduğu gündür

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi