İqbal Ağazadədən müxalifətə seçki mesajı
“Tək çarə seçki oldu.., siz deyin, siyasi partiyalar seçkiləri mütəmadi boykot etsəydi, seçici aktivliyi olardımı?” “Bilirsinizmi Əkrəm İmamoğlu niyə qalib gəldi? 17 ildir CHP və digər partiyalar heç seçkini boykot etmədilər ki? Şərtlər nə qədər ağır olsa da, AKP iqtidarı nə qədər seçki saxtakarlığı etsə də, seçkiyə qatılmamağı kimsə ağlına belə gətirmədi”.
Versus.Az xəbər verir ki, bunu Ümid Partiyasının sədri İqbal Ağazadə İstanbul Bələdiyyə seçklərinin ikinci turunda da qələbə çalan Əkrəm İmanoğlu təcrübəsini özünün "facebook"səhifəsində yazdığı statusunda önə çəkərkən bildirib.
İ.Ağazadə bununla da bütün siyasi partiyaların Azəbaycanda keçirilən seçkilərdə iştirakının vacibliyinə toxunub. O, bildirib ki, Türkiyədə Ergenekon həbsləri, səhnələşdirilmiş çevriliş teatrları saysız-hesabsız müxalifləri mübarizədən kənarlaşdırsa da, çoxsaylı jurnalistlər, azad düşüncəli insanlar həbs olunsa da, tək çarə seçki oldu:
“Və sonda... Ərdoğan da xalqın qarşısında geri çəkildi. Siz deyin, siyasi partiyalar seçkiləri mütəmadi boykot etsəydi, seçici aktivliyi olardımı?
....Azərbaycan Müxalifətinin böyük hissəsi isə 1998-də, 2004-də, 2008-də, 2009-da, 2015-də, 2018-də seçkiləri boykot edib. Sıra 2019 və 2020 seçkilərinindirmi? Yenə də boykot edək? Bəs bu ölkəni necə dəyişək?”
LƏMAN
Versus.Az
Xəbər lenti
Bakının mərkəzində yeni PUL TƏLƏSİ
İnsanlar müəyyən məbləğ ödəyərək, turnikə çıxır və...