Peşə təhsili müəssisələrində oxuyanlar təcrübə müddətində əməkhaqqı ala bilərlər
İstehsalat təlimi və təcrübəsinə cəlb olunan təhsilalanlara minimum aylıq əməkhaqqından az olmamaq şərti ilə əməkhaqqı ödənilir.
Versus.Az xəbər verir ki, təhsilalanlar peşə təhsili müəssisələrinin təlim-istehsalat, təsərrüfat sahələrində, o cümlədən özəl müəssisə və təşkilatlarda istehsalat təlimi və təcrübəsi keçirlər.
Belə təcrübələr peşə təhsili və təlimi proqramının praktiki hissəsinin mənimsənilməsi məqsədilə keçirilir.
Məlumata əsasən, təcrübə zamanı işəgötürənin təklifi əsasında həmin müəssisə və təşkilatlarda istehsalat təlimi və təcrübəsi keçənlər təhsil müəssisəsinin iştirakı ilə üçtərəfli qaydada iş yerində təcrübə müqaviləsi bağlana bilər.
Bu müqavilə əsasında istehsalat təlimi və təcrübəsinə cəlb olunan təhsilalanlara onların ixtisaslarına uyğun yerinə yetirdikləri iş və xidmətlərə görə minimum aylıq əməkhaqqından az olmamaq şərti ilə əməkhaqqı ödənilir.
On beş yaşına çatmayanlarla iş yerində təcrübə müqaviləsi onların valideynləri və ya digər qanuni nümayəndələrinin razılığı ilə bağlanılır.
Qeyd edək, iş yerində təcrübə müqaviləsinin nümunəvi forması müvafiq icra hakimiyyəti orqanı tərəfindən müəyyən edilir və müqavilə əsasında təhsilalanlar müəssisənin işçi heyətinin siyahısına daxil edilmir.
Versus.Az
Xəbər lenti
Keniyanın müdafiə naziri helikopter qəzasında öldü
5 sərnişin həlak olub, daha 3 nəfər tibb müəssisələrinə aparılıb