"Əhalinin siyahıya alınması ilə bağlı hazırlıq işləri yekunlaşır"
Əhalinin siyahıya alınması ilə bağlı hazırlıq işləri demək olar ki, başa çatdırılıb və metodoloji baza hazırlanıb.
Versus.Az xəbər verir ki, bunu jurnalistlərə Dövlət Statistika Komitəsinin sədri Tahir Budaqov deyib.
T.Budaqovun sözlərinə görə, sınaq siyahıyaalma işləri də həyata keçirilib:
"Bildiyiniz kimi, keçən il Qəbələdə sınaq siyahıyaalınma həyata keçirilib. Hazırda sorğu, siyahı vərəqələrinin yerlərə çatdırılması işlərini həyata keçiririk. Eyni zamanda, avqustun sonu, sentyabrın əvvəlində siyahıyaalma işinə cəlb olunacaq işçilərin təlimatlandırılması prosesinə başlanacaq".
DSK rəhbəri bildirib ki, artıq hər bir rayon üzrə təşkilati planlar işlənib:
"Təşkilati planlar hər bir rayon İcra Hakimiyyəti ilə razılaşdırılıb. Nazirlər Kabinetinin qərarı ilə normaya görə hər 300 nəfərə 1 sayıcı müəyyən edilib. 14 min əhali üçün bir siyahıyaalma məntəqəsinin yaradılması, hər 5 sayıcı üçün isə 1 təlimatçı-nəzarətçinin müəyyən olması üçün işçilərin cəlbi planlaşdırılır".
Versus.Az
Xəbər lenti
Kirəcləşmə, duzlaşma oynaq xəstəliyi - osteoartrit
“Qığırdaq aşındıqca oynaq yükdaşıma, hərəkət kimi funksiyalarını itirir”