"Bakı Metrpoliteni" daha bir yarımstansiyanı istifadəyə verdi

17:44 10-07-2019 | icon 17 | İqtisadiyyat
"Bakı Metrpoliteni" daha bir yarımstansiyanı istifadəyə verdi

“Bakı Metropoliteni” QSC-nin “Nərimanov” elektrik deposunda daha bir elektrik yarımstansiyası istifadəyə verilib.

 

Versus.Az Trend-ə istinadən xəbər verir ki, qurumun mətbuat xidmətinin rəhbəri Bəxtiyar Məmmədov açıqlamasında bildirib ki, bununla metropolitenin istismar fəaliyyətinin təşkilində xüsusi rol oynayan və lokomotiv parkının elektrik təchizat sisteminin müasir standartlar səviyyəsində yenidən qurulması başa çatdırılıb:

 

“Bakı Metropoliteni” QSC-nin “Bakımetrolayihə” İnstitutunun layihəsi əsasında inşa olunmuş yarımstansiya iki mərtəbəli binadan ibarətdir. Birinci mərtəbəsi xidməti otaqların və elektrik xətlərinin əsas daşıyıcı sahəsidir. İkinci mərtəbədə idarəetmə personalının avtomatik iş yeri və elektrik təchizatını təmin edən avadanlıqlar yerləşir.

2018-ci ildə “Nərimanov” elektrik deposu ərazisində istismara verilmiş daha bir alçaldıcı yarımstansiyada olduğu kimi, burada da bu sahədə ixtisaslaşmış “Siemens” şirkətinin avadanlıqları və sistemləri quraşdırılıb. Eyni istehsalçının avadanlıq və sistemlərindən istifadə olunması yarımstansiyanın işini daha səmərəli və keyfiyyətli qurmağa kömək edir, eləcə də avadanlığın istismarı və qulluğu asanlaşır.

Avtomatik iş yerinin qurulmasında dövrün tələbləri nəzərə alınıb və idarəetmə müasir mikroprosessor sistemli telemexanika şkafı ilə aparılır və dispetçer idarəetməsinə tabe etdirilib".

 

B.Məmmədov bildirib ki, yarımstansiyada, hərəsindən iki ədəd olmaqla, 1000 kVA-lıq güc, 630 kVA-lıq işıqlandırma, işarəvermə sistem və qurğuların tələbatı üçün nəzərdə tutulmuş 40 kVA-lıq transformatorlar quraşdırılıb:

"Bununla daha bir əhəmiyyətli nailiyyət əldə olunaraq, şəbəkələrin bir-birindən ayrılması depoda elektrik təchizatının sabitliyini və etibarlığını daha yüksək səviyyədə təmin etməyə imkan verib.

Yeni yarımstansiyada 6 kV-luq komplekt paylayıcı və 4 ədəd 0,4/0,23 kV-luq paylayıcı qurğular da qoyulub. Bu qurğuların üstünlüyü onların avtomat mexanizmli bölmələrdən ibarət olmasıdır. Bununla gələcəkdə bölmələrin yenisi ilə əvəzlənməsi mümkün olacaq.

Burada yeni standartlar səviyyəsində gel əsaslı hermetik akkumulyatorlar sahəsi, sabit cərəyan lövhəsi, qəza-işıqlandırma bölməsi yaradılıb, ventilyasiya sistemi quraşdırılıb.

Ümumiyyətlə, aparılan yenidənqurma tədbirləri nəticəsində “Nərimanov” elektrik deposunun funksionallığı artmaqla yeni istismar, istehsalat, təmir və yenidənqurma sahələri yaradılıb. Bu sırada yeni inşa olunmuş vaqonların əsaslı təmiri sexi və yeni anbar təsərrüfatı sahəsi, yenidən qurulmuş və infrastrukturu müasir tələblər səviyyəsinə çatdırılmış vaqonların cari təmiri sexi xüsusi qeyd oluna bilər. Hazırda depoda yeni tipli mərkəzləşmə məntəqəsi, fərqli istehsalat sahələrinin tələblərini optimallaşdıran təmir-bərpa sexlərindən ibarət mərkəzləşmiş emalatxanalar şəbəkəsi yaradılır. Yeni yarımstansiya elektrik təchizatına olan tələbatın ən yüksək standartlar səviyyəsinə çatdırılmasını təmin edib".

 

Versus.Az

Xəbər lenti

InvestAZ

Ən çox oxunan xəbərlər

Partiya sədrindən rektora AÇIQ MƏKTUB

14 iyul 1959-cu il - Kərkük soyqırımı...

“Bu infeksion xəstəlik insandan insana keçir”

"Sovet İttifaqında doğulan hər kəs Rusiya vətəndaşlığı ala bilər" - BƏYANAT

Şəkidə çoxəsrlik çinar ağacı necə aşdı? /VİDEO/

“Nə yazıq ki, “Kərkük soyqırımı” ilə bağlı heç bir film çəkib səsimizi dünyaya duyura bilmədik”

713-cü batalyonun şəhidləri

ZİYASIZ ZİYALILAR...

Tələbə rektordan diplomunu oynaya-oynaya aldı - QEYRİ-ADİ TƏQDİMAT /VİDEO/

“Səddam rejimi türkçülüklə, dillə bağlı hər şeyi yasaq etdi”

Füzuli Rzaquliyev Azərbaycan Xalq Cümhuriyyəti yaranması yubley medalı ilə təitif edilib

Azərbaycana sızan Rusiya “sevgisi”

Kəsik qolların harayı və "Amerika idealizmi"

Yasəmən Qaraqoyunlu Türk soyqırımlarının tarixi-siyasi səbəblərini açıqladı

Avrasiya Universitetində “Ərəbşünaslıq mərkəzi”nin açılışı olub