Boksçularımız “Batumi-2019” beynəlxalq turnirin qalibi olublar
Gürcüstanın Batumi şəhərində Azərbaycan boksçularının da iştirak etdiyi yeniyetmə və kadetlər arasında “Batumi-2019” beynəlxalq turnir keçirilib.
Versus.Az Azərtac-a istinadən xəbər verir ki, yarışlarda Azərbaycanı Əməkdar məşqçi Rəhim Allahverdiyevin rəhbərliyi ilə 1 saylı Respublika İxtisaslaşdırılmış Olimpiya Ehtiyatları Uşaq Gənclər İdman Məktəbinin və “Qızıl Əlcək” idman klubunun yetirmələri təmsil ediblər.
Turnirdə boksçularımız 14 qızıl, 3 gümüş,4 bürünc medal qazanaraq komanda hesabında fəxri kürsünün ilk pilləsində qərarlaşıblar və “Batumi-2019” kubokuna layiq görülüblər. Yarışda öz çəkisindən ağır, 44 kiloqram çəki dərəcəsində bütün rəqiblərinə qalib gələn boksçumuz Amin Məmmədzadə (36 kiloqram) qızıl medalla yanaşı, həm də turnirin ən texnikali boksçusu adını qazanıb.
Versus.Az
Xəbər lenti
İctimai-iaşə obyektlərinin sahiblərinə ÇAĞIRIŞ
"Havaya normadan artıq tullantı atılmasına yol verməsinlər”