Mandela: Əsas olan hər dəfə yıxılanda qalxmaqdır"

07:51 19-07-2019 | icon 178 | Maraqlı
Mandela: Əsas olan hər dəfə yıxılanda qalxmaqdır"

Sonuncu mogikanın aforizmləri: Azadlıq "qismən" verilmir

Bu gün Cənubi Afrika Respublikasının ilk qaradərili prezidenti və Nobel Sülh Mükafatı laureatı Nelson Mandelanın doğum günüdür. Versus.Az kulis.az -a istinadən Mandelanın həyatdan öyrəndiklərini təqdim edir.

 

Mənim ölkəmdə adamı birinci həbsxanaya göndərirlər, sonra prezident seçirlər.

Əmin oldum ki, cəsarət qorxunun olmamağı deyil, ona qalib gəlməkdir. İgid insan – qorxu hissi olmayan yox, onunla mübarizə aparandır.

 

 

 

Afrika musiqisinin möcüzəvi gözəlliyi ondadır ki, o, kədərli əhvalatı belə sənə şən təqdim edir. Sən kasıb ola, qutulardan qurulan evdə yaşaya, işini itirə bilərsən, bax, onda bircə bu musiqi sənə ümid verər.

Image result for Nelson Mandela

Cəmiyyəti dəyişmək elə də çətin deyil. Çətini özünü dəyişməkdir.

Həbsxanada keçirdiyim 27 ilə minnətdaram, çünki mənə fikrimi cəmləməyə imkan yaratdı. Azadlığa çıxandan mən bu imkanı itirmişəm.

Azadlıq “qismən” ola bilməz.

Həbsxanada zibillikdə işləməyi sevirdim. Hərdən ordan qəzet səhifələri tapırdım. Həbsxanaya qəzet göndərmirdilər, ona görə mən də o səhifələri təmizləyir, axşam otağımda oxuyurdum. Nə vaxtsa mətbuatı bu qədər qiymətləndirəcəyim ağlıma gəlməzdi.

Related image

Çətinliklər və səfalət bəzilərini məhv etsə də, başqalarını yaradır.

İnsan doğulanda ürəyində kiməsə rənginə, irsinə və dininə görə nifrətlə doğulmur. İnsanlar nifrət etməyi sonradan öyrənirlər, ona görə də həmin adamlara sevməyi öyrətmək lazımdır, çünki sevgi insan qəlbinə daha doğma hissdir.

Biz vaxtdan ağılla istifadə etməliyik və bilməliyik ki, doğru bildiyimiz işə istənilən vaxt başlamaq olar, heç nə üçün gec deyil.

İnsanla başa düşdüyü dildə danışanda, sən onun beyni ilə danışırsan. Öz dilində danışanda, sən onun ürəyi ilə danışırsan.

Heç vaxt yıxılmamaq – həyatındakı ən böyük uğur deyil. Əsas olan hər dəfə yıxılanda qalxmaqdır.

Dünən mənə terrorist deyirdilər, amma həbsxanadan çıxandan sonra çoxları, o cümlədən düşmənlərim də məni qəbul eləməyə məcbur oldular. Ümumiyyətlə, azadlıq uğrunda vuruşanların çoxunu terrorist adlandırırlar. Məncə, kiminsə kimisə terrorizmdə ittiham etməyi hansı tərəfin qalib gəlməyindən asılıdır.

Related image

Bir nəfər mənim haqda belə demişdi: “Doğulanda adı Polixlaxla (“əsən ağaclar” mənasını verir) idi, sonra o, Nelson Mandela oldu və dünyanı sarsıtdı”. Mənim bu cür təqdimatlardan xoşum gəlmir. İstəyirəm ki, hamı məni Mandela kimi tanısın, hamı kimi zəif cəhətləri olan Mandela.

Ən diqqətsiz insana belə məlumdur ki, ABŞ dünya üçün təhlükədir.

Unuda bilmərəm, amma bağışlaya bilərəm.

Müntəzəm tibbi müayinədən keçməyi sevirəm. Çox vaxt da həkimlərdən bu sözü eşidirəm: “Cənab Mandela, bu həftə də ölməyəcəksiniz!”

 

Versus.Az

Xəbər lenti

InvestAZ

Ən çox oxunan xəbərlər

“GülSam” Əlillərin Reablitasiya İctimai Birliyi Prezident və Vitse-Prezidentə müraciət etdi

Rayonlara giriş-çıxış məhdudlaşdırılıb

Dövlət Xidməti Koronavirusla Mübarizəyə Dəstək Fonduna vəsait köçürüb

Müəllimlər üçün online təlimlər təşkil edilir

Azərbaycanlı rəssam-heykəltəraş koronavirusla bağlı əsər hazırlayıb

Rayonlarda hava kəskin dəyişəcək

"Qalatasaray"ın daha bir vitse-prezidenti koronavirusa yoluxub

Millimiz FİFA reytinqində geriləyib

Gürcüstan Çindən sürətli koronavirus testlərinin idxalı ilə bağlı müqaviləni ləğv edib

Dünyada 509 mindən çox insanda koronavirus aşkarlanıb

Onlayn sınaq imtahanları pulsuz olacaq - SİYAHI

Karantin günlərində küçədə rəqs edən Səmra tənqid olundu - VİDEO

#EvdəQal

“Fövqəladə vəziyyət haqqında” Fərmanda dəyişiklik edildi

“Mançester Siti”də Qvardiaolanı əvəzləməyə əsas namizəd bəlli olub