Kənd yerlərində əlilliyi olan şəxslərə hüquqi xidmət göstəriləcək
Azərbaycan Respublikası Əlil Təşkilatları İttifaqı (ƏTİ) “UNİVERSAL DİZAYN” Əlillik Adaptasiya Avadanlıqları MMC ilə birgə əməkdaşlıqla Niderland Krallığının Xarici İşlər Nazirliyi tərəfindən maliyyələşdirilən və Qafqaz Tədqiqat və Resurs Mərkəzi – Gürcüstan təşkilatı tərəfindən icra olunan “Vətəndaş Cəmiyyətinə Dəstək Proqramı” çərçivəsində “Kənd yerlərində əlilliyi olan şəxslərə hüquqi xidmətin göstərilməsi” fəaliyyətini həyata keçirir.
Bu barədə Əlil Təşkilatları İttifaqının (ƏTİ) Mətbuat Xidmətindən Versus.Az-a verilən məlumatda bildirilir.
Məlumata görə, fəaliyyətin əsas istiqaməti İsmayıllı, Quba, Bərdə rayonlarının ucqar kəndlərində əlilliyi olan şəxslərə səyyar hüquqi xidmətlərin göstərilməsindən ibarətdir.
Qeyd edək ki, xidmət çərçivəsində Bərdə rayonunun Yenidaşkənd (ətraf kəndlər daxil olmaqla), Bacirəvan (ətraf kəndlər daxil olmaqla) 10 kəndində əlilliyi olan şəxslərlə görüşlər keçirilib. Əsas məqsəd ehtiyaclarının, əsasən hüquqi yardıma vacib ehtiyac olan sahələri aydınlaşdırmaqdan ibarət olub.
Qeyd olunan ərazi vahidlərində yaşayan 32 nəfər əlilliyi olan şəxsin, onların valideyin və qohumları, səhiyyə işçiləri ilə fokus qruplar təşkil olunmaqla ehtiyaclar öyrənilib.
Vəziyyət qiymətləndirildikdən sonra səyyar hüquqi xidmətlərin təşkili nəzərdə tutulur.
Versus.Az
Xəbər lenti
Hadrutdan yeni GÖRÜNTÜLƏR
Turizm sahəsində geniş potensiala malikdir