Filarmoniya bağına da ziyan dəydi
701 |
Gündəm
Güclü küləklə əlaqədar Azərbaycan Dövlət Filarmoniyasının qarşısındakı bağda 3 ağacın budaqları sınıb, 1 ağac isə kökündən çıxıb.
Bunu Versus.Az-a Bakı Şəhər İcra Hakimiyyətinin Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov deyib.
Onun sözlərinə görə, artıq sınmış budaqlar və kökündən çıxmış ağaclar doğranaraq daşınmaq üçün hazır vəziyyətə gətirilib.
O.Məmmədov bildirib ki, indiyədək Bakıda 20 ağacın budaqları sınıb, 10 ağac kökündən çıxıb.
Şöbə rəisi hazırda birliyin gücləndirilmiş iş rejimində çalışdığını, qurumun əməkdaşlarının fəsadların aradan qaldırılması üçün hadisə baş verən ərazilərə səfərbər olunduğunu söyləyib.
Qeyd edək ki, bu gün Abşeron yarımadasında küləyin sürəti saniyədə 23-28, bəzən 30-35 metrədək çatır.
Xəbər lenti
"Sosial işçilər həmin şəxsi tapıb ona yardım göstərsin"
"Öz vəzifə borcunu layiqincə yerinə yetirən məmurlar da var"
