Rusiya azərbaycanlıları Qarabağla bağlı təxribat xarakterli filmə etiraz ediblər

21:06 07-08-2019 | icon 122 | Qarabağ
Rusiya azərbaycanlıları Qarabağla bağlı təxribat xarakterli filmə etiraz ediblər

Rusiyanın Moskva vilayəti azərbaycanlılarının regional milli-mədəni muxtariyyəti ölkənin mədəniyyət naziri Vladimir Medinskiyə müraciət edib.

 

Versus.Az bu barədə “Report”un Rusiya bürosuna müxtariyyətin sədri Elşən İbrahimov bildirib.

 

Müraciətdə “Veqa Film” kino şirkətinə Dağlıq Qarabağla bağlı təbliğat xarakterli film çəkməyi qadağan etmək tələb olunur.

 

Qeyd edək ki, Rusiyanın “Veqa film” kino şirkəti tərəfindən Xankəndi şəhərindən olan erməni rejissor Robert Defin rəhbərliyilə “Walter” adlı film çəkiləcəyi haqqında KİV-də xəbər getmişdi. Baş rolda fransalı aktyor Bibi Nasirinin çəkiləcəyi ekran əsərində hadisələr 90-cı illərdə Dağlıq Qarabağ münaqişəsilə əlaqəli şəkildə baş verir. Hazırda bu film Rusiya Mədəniyyət Nazirliyinə təsdiqlənmək üçün təqdim olunub.

 

Nazirliyə ünvanlanan məktubda azərbaycanlı diaspora rəhbəri tanınmış aktyorları cəlb etmək yolu ilə bu filmin geniş ekranlara çıxarılmasının hədəfləndiyini, bunun da Dağlıq Qarabağ münaqişəsilə bağlı aparılan danışıqlara mənfi təsiri ola biləcəyini, bu məsələnin bütövlükdə qardaş Rusiya ilə Azərbaycan xalqları arasında ədavət toxumları səpmək məqsədi daşıdığı qeyd olunur.

 

“Biz Rusiyaya vergi ödəyənlər olaraq Mədəniyyət Nazirliyinin vəsaiti hesabına erməni separatizminə, Azərbaycan torpaqlarının işğalına dəstək nümayiş etdirmək məqsədi güdən bu layihənin həyata keçirilməsini yolverilməz hesab edirik... İşğalçı ölkə olan Ermənistan bu film vasitəsilə qarabağlı erməniləri yalnız vəziyyətin qurbanı qismində göstərir. Burada məqsəd tarixi faktlara, BMT qətnamələrinə baş qoşmayan dünya tamaşaçısını baxımlı ssenari, ürək parçalayan hekayə, qəm-qüssə, gözyaşları ilə tovlamaqdan ibarətdir”, - E.İbrahimovun məktubunda vurğulanır.

 

Versus.Az

Xəbər lenti

InvestAZ

Ən çox oxunan xəbərlər

O, yalnız seçkidən seçkiyə deyil, hər zaman seçicilərinin yanında oldu

Könül İsmayılovanın namizədliyi təsdiqləndi

Mehriban Sadıqovanın namizədliyi təsdiqləndi

İlahə Sadıqovanın namizdliyi təsdiqləndi

Məcburi köçkün məktəbinin olimpiada qalibi olan şagirdi

Fuad Əliyevin namizədliyi təsdiqləndi

Rauf Arifoğlunun kötükdən büt yapanları

101 saylı Göygöl-Daşkəsən seçki dairəsindən namizəd - HAFİZ HACIYEV

52 saylı Quba seçki dairəsindən namizəd - ƏLABBAS MƏHƏRRƏMOV

Doktorantura, sınaq, buraxılış və magistraturaya qəbul imtahanlarının vaxtı açıqlanıb

Eksternat imtahan keçiriləcək

Məktəblər üçün qış tətilinin vaxtı müəyyən edilib

Doktoranturaya qəbul qaydaları dəyişib

Sizi İqbal Ağazadənin seçki qərargahından salamlayıram

35 saylı Xətai Üçüncü Seçki Dairəsindən namizəd - İQBAL AĞAZADƏ