"Bakıya gəlməkdə məqsədimiz qələbə qazanmaqdır"
"Neftçi" çox güclü komandadır".
Versus.Az xəbər verir ki, bunu "Bney Yehuda"nın baş məşqçisi Yossi Abukassis deyib.
İsrail təmsilçisi Avropa Liqasının III təsnifat mərhələsi çərçivəsində sabah "Neftçi"nin qonağı olacaq. Oyunöncəsi mətbuat konfransında 49 yaşlı mütəxəssis bildirib ki, Bakı klubu "Arsenal"ı 3:0 hesabı ilə məğlub etməklə gücünü göstərib: "Bizim Bakıya gəlməkdə məqsədimiz qələbə qazanmaqdır. "Neftçi" güclüdür. Ancaq hər bir klubun məqsədi qalib gəlməkdir. Biz də buraya qalibiyyət üçün gəlmişik. Bu, futboldur, istənilən nəticə qeydə alına bilər. Bizim üçün önəmli olan hər iki görüşdə sərfəli nəticə qazanmaqdır".
O bildirib ki, "Neftçi"nin zəif və güclü cəhətlərini artıq öyrəniblər və sabahkı matçda bundan yararlanmağa çalışacaqlar: "Müdafiədə, yoxsa hücumda oynayacağımızı da sabah görəcəksiniz".
Qeyd edək ki, "Neftçi" - "Bney Yehuda" oyunu sabah saat 21:00-da başlayacaq.
Versus.Az
Xəbər lenti
Türkiyədə güclü ZƏLZƏLƏ
Yeraltı təkanların gücü 5,6 bal olub