"Adını çəkdiyim Anar Məmmədxanov əslində ermənişünas deyildi"

14:47 09-08-2019 | icon 636 | Geopolitika
"Adını çəkdiyim Anar Məmmədxanov əslində ermənişünas deyildi"

 

Erməni saytlarında tez-tez ölkə prezidenti başda olmaqla, Azərbaycan iqtidarı tənqid olunur. Düşmən mətbuatı Azərbaycanda baş verən inkişafı yanlış qələmə verir, təhrif olunmuş məlumatlar əsasında yazılı materiallar hazırlayır. Lakin son dövrdə ermənilərin Azərbaycanın müxalifət liderlərini tənqid etməsi halına rast gəlinmir. Ermənilər ölkədə fəaliyyət göstərən saytları, mətbuat orqanlarını, iqtidar siyasilərini hədəfə alsalar da, müxalifət haqqında bir cümlə də yazmırlar.

 

Versus.Az “Müsavat”a istinadən bildirir ki, politoloq Mübariz Əhmədoğlu məsələ ilə bağlı bir sıra nüansları açıqlayıb. M. Əhmədoğlu söyləyib ki,  ermənilər əslində hesab edirlər ki, bütün azərbaycanlılar eynidir: “Biz hesab edirik ki, ermənilər həmişə bir-birinə dəstək olur, onlar bir-birilərinin yanındadır. Ermənilərin fikirlərinə baxdıqda anlaşılır ki, onlar da azərbaycanlılarla bağlı oxşar düşüncədədirlər. Xüsusilə də hesab edirlər ki, erməni məsələsində Azərbaycanın iqtidar-müxalifəti yoxdur. Bu məsələdə onlar da düşünürlər ki, ölkənin iqtidar və müxalifəti bir araya gəlir, eyni şeyi düşünür, erməninin qarşısına birlikdə çıxırlar.  Müxalifətin içərisində elə şəxslər var ki, onlar ermənilərə qarşı nifrətlərini gizlətməyib, açıq şəkildə sərt ifadələrlə fikirlər bildirir, erməniləri yer üzündən silmək iddiası ilə yaşayırlar. Müxalifətin fəaliyyətində Ermənistan mövzusuna gəlincə isə burada mənzərə fərqlidir. Bəli, bu gün müxalifətin fəaliyyətində demək olar ki, erməni mövzusu yoxdur. Onlar erməni mövzusuna müraciət etmirlər. Lakin yaxşı olardı ki, onlar  vaxtaşırı erməni məsələsinə də həssas olsunlar. Bu, ümumilikdə hər kəsin işinin irəli getməsinə kömək edərdi. Qarabağ mövzusu ilə bağlı da fərqli mənzərə var. İqtidar müəyyən geosiyasi vəziyyətə uyğun olaraq hərbi əməliyyatlara keçməsə də, diplomatiya sahəsində bütün addımlar atılır. Ona görə də belə bir dövrdə Azərbaycan iqtidarının  Dağlıq Qarabağ məsələsində istənilən tərəfdən tənqidi işə zərər vura bilər”.

Mübariz Əhmədoğlu ile ilgili görsel sonucu

Politoloq bildirib ki, ermənilər son zamanlar azərbaycanlı ekspertlərə də istinadları azaldıblar: “Bu, bizim ekspertlərin zəifliyi ilə də bağlı ola bilər. Ancaq düşünürəm ki, Azərbaycan dövlətinin əsas məsələsi ermənilərə qarşı işləyən ekspertlərin sayını artırmaqdır. Keyfiyyətli ekspertlər yetişdirmək gərəkdir. Çünki ermənilərin bu regiondan köçürülməsi işi bizim gücümüz çatan məsələ deyil. Yəni o qədər güclü deyilik ki, erməniləri buradan köçürək. Ona görə də biz daimi olaraq ermənilərlə qonşuluq şəraitində yaşayacağıq. Bu isə o deməkdir ki,  nə zaman əllərinə imkan düşərsə, ermənilər Azərbaycana qarşı mübarizə aparacaqlar. Ona görə də strateji baxımdan düşünməliyik ki, gələcəkdə də ermənilərə qarşı mübarizə aparan ekspertlərimiz olsun. Son dövrlərdə hakimiyyət ideologiya və təbliğat sahəsində müəyyən addımlara başlayıb. Bunu mətbuat səhifələrindən də görmək olur. Düşünürəm ki, bu addımların tərkib hissəsi olaraq, ermənilərə qarşı çalışan ekspertlərin yetişdirilməsi məsələsi də öz həllini tapacaq. Ermənilər hədsiz çox yalan danışmağı bacaran millətdirlər. Onlar qaranı ağ, ağı da qara kimi təqdim etməyi bacarırlar. Xüsusilə də Avropa məkanında ermənilərin dediyi istənilən fikri qəbul edən adamlar, ekspert və siyasilər mövcuddur. Ona görə də açıq siyasi səhnələrdə, elmi konfranslarda da ermənilərə qarşı çıxış etməliyik. Təkcə virtual aləmlə, sosial şəbəkələrlə iş yekunlaşmalı deyil. Sosial şəbəkələrdə bizim çox yaxşı dövrümüz olub. Məsələn, rəhmətlik Anar Məmmədxanovun bir özfəaliyyəti var idi. Hər gün gəlirdi ki, filan ermənini sosial şəbəkədə tapıb, ona filan sözləri yazıb, tarixi həqiqətləri göndərirdi. İndi də bizim siyasilərin belə bir həyat tərzi olmalıdır. Adını çəkdiyim Anar Məmmədxanov əslində ermənişünas deyildi. Ermənilərə qarşı mübarizə aparmaq da onun siyasi fəaliyyətində birinci məsələ kimi yer almamışdı. Ancaq o, sadəcə olaraq, bir qeyrətli azərbaycanlı idi. Deyirdi ki, bütün azərbaycanlıların qarşısında duran ən ümdə məsələ budur və fəaliyyətini də qeyd etdiyim istiqamətdə aparırdı. İndi də bizim sosial şəbəkələrdə ermənilərə qarşı çox ağıllı işləyən gənclərimiz var. Sadəcə olaraq, onların sayı çox deyil. Ona görə də hesab edirəm ki, hazırda həm bu cür gənclərin arealını genişləndirmək, həm də saylarını artırmaq lazımdır”.

 

Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol