"Qarabağ"ın bu qələbəsinin siyasi əhəmiyyəti də böyükdür"
"Azərbaycanın "Qarabağ" komandası Avropa Liqasının pley-off mərhələsində Şimali İrlandiyanın "Linfild" komandasına qalib gələrək qrup mərhələsinə yüksəldi. Bu qələbə milyonlarla futbol azarkeşinə, Azərbaycan vətəndaşına sevinc bəxş etdi".
Versus.Az xəbər verir ki, bunu millət vəkili, AFFA-nın I vitse-prezidenti Rauf Əliyev deyib.
Deputatın sözlərinə görə, "Qarabağ"ın bu qələbəsinin siyasi əhəmiyyəti də böyükdür: "Bu qələbə son vaxtlar Ermənistan rəhbərliyinin Xankəndidə verdiyi sərsəm bəyanatlara tutarlı cavabdır. "Qarabağ"ın bu qələbəsi, Avropa Liqasının qrup mərhələsinə yüksəlməsi Qarabağ həqiqətlərinin dünyaya çatdırılması ilə bağlı Azərbaycanın Ermənistana qarşı apardığı informasiya müharibəsinə böyük töhfədir. "Qarabağ" bütün dünyada Azərbaycanı təmsil edir. Bu qələbə münasibəti ilə "Qarabağ" komandasının üzvlərini, məşqçi heyətini, komandanın rəhbərliyini təbrik edir və növbəti oyunlarda uğurlar arzu edirəm. Eyni zamanda, Azərbaycan ictimayyətini "Qarabağ" komandasına hərtərəfli dəstək göstərməyə çağırıram"./trend/
Versus.Az
Xəbər lenti
Kirəcləşmə, duzlaşma oynaq xəstəliyi - osteoartrit
“Qığırdaq aşındıqca oynaq yükdaşıma, hərəkət kimi funksiyalarını itirir”