Azərbaycan jurnalistikasının İradəsi...

09:07 01-09-2019 | icon 264 | KİV
Azərbaycan jurnalistikasının İradəsi...

Gözlərindən boylanan baxışları qəlbinin dərinliyindən pərvazlanıb, simasına xüsusi gözəllik verir. Payına düşən qadın gözəlliyi zövqləri tilsimləyib, onu daha cazibədar göstərir. 


Özünü yaxşı tanıdığından əzmlə irəliləməyi bacarır. Daha doğrusu, qazandığı hər bir uğuru zirvəyə qalxmaq üçün növbəti pillə hesab edir. Vicdanlı, dürüst jurnalistdir. Mükəmməllik onun ən böyük dəyər verdiyi göstəricilərdən biridir. Süstlük, tənbəllik ruhuna yad olan əlamətlərdir. Əsas amalı insanlığa xidmət, cəmiyyəti daha çox maarifləndirməkdən ibarətdir. Səbirli, müdrik xanımdır…

Deyir ki,- “Jurnalistikaya 25 yaşında gəlmişəm və gəlişim gec olub. Bakı Dövlət Universitetinin Jurnalistika fakültəsini bitirmişəm. Magistr dərəcəm var, hazırda aspiranturada təhsil alıram, sonuncu kursdayam, elmi işlə məşğulam və elə BDU-da dərs deyirəm. Ailəli olduğum üçün yoldaşım işləməyə icazə vermədi. 2005-ci ildə isə Səhiyyə Nazirliyinin “Şəfqət” qəzetində, sonra AzTV-də müsabiqədə qalib gəldim və dövlət televiziyasının son diktorlarındanam. Orada səhər efirlərinə çıxırdım. Sonra İctimai kanalda fəaliyyətimi davam etdirdim. İTV-də Xəbərlər proqramında həm redaktor kimi çalışdım, həm də “Yeni gün” proqramında işlədim. Sonda “Azərbaycanlılar” adlı veriliş hazırladıq və veriliş çox bəyənildi. Niyəsə İTV-də mənə problem yaratdılar. Əslində səbəbini bilmirəm. Televiziyada elə simalar var ki, ona hər sözü deyirlər, amma işləmək üçün qalır, hər şeyə dözür. Mən isə tez inciyən, küsən adamam. “Yaxşı at özünə qamçı vurdurmaz” deyə mənə söz gəlməsindən çox qorxuram və gəlməməsi üçün də əlimdən gələn hər şeyi edirəm. Hər 3 telekanalda heç kim deyə bilməz ki, hansısa iclasda məni ayağa qaldırıb hamının içərisində danlayıblar. Tapşırılan işi həmişə yaxşı icra etməyə çalışmışam”…

…Hər şeydən öncə ailəsinə çox bağlıdır. Evdə səliqə-səhmanı xoşlayır. Dostluqda sədaqəti ən mühüm amil hesab edir. Parlaq ağılı, iti zəkası sayəsində insanları ətrafına cəlb edə bilir, pərəstişkarları az deyil. Daha çox tənqidçi, narazı adam kimi görünsə də, hər kəsi olduğu kimi qəbul etməyi bacarır...

 

…Ömür-gün yoldaşı Yaşar İsakov ixtisasca jurnalistdir. Yunis adlı on beş yaşında bir oğlu var…

Gözəllik aşiqidir. Harada, nədə, kimdə gördüsə təbii gözəllikdən zövq alır. Daha dəqiqi, gözəlliyi sadəcə görmür, həm də duyur, dərk edir…

 

Bəli, “sehirli qutu”dan maraqlı verilişləri ilə tanıdığımız televiziya jurnalisti İradə İsak zəhməti, istedadı ilə ölkəmizdə nüfuz qazanan xanımlardan biridir.
Sentyabrın 1-i onun doğum günüdür. Onu bu münasibətlə təbrik edir, ona möhkəm can sağlığı, yaradıcılıq uğurları arzulayırıq.


Ad gününüz mübarək, İradə xanım!

 

Elman Eldaroğlu

Versus.Az 

Xəbər lenti

InvestAZ

Ən çox oxunan xəbərlər

Şimşək, külək, yağış, leysan…

Azərbaycan - Türkiyə birgə genişmiqyaslı taktiki təlimləri davam edir - FOTO

Qənirə Paşayevanın vətənpərvərliyini yox, qolunu müzakirə obyektinə çevirənlər…

Operativ Qərargah rayonlara gediş-gəliş qadağası ilə bağlı qərar verdi

Azərbaycanda karantin rejimi yumşaldılır

Avqustun 31-dək qüvvədə qalacaq -Sərt karantin

Azərbaycanda daha 647 nəfər COVID-19-dan sağaldı, 241 nəfər yoluxdu

“Kökəlmələr, artıq cəkilər uşaqlıqdan başlayır”

“Ximioterapiya xroniki toksaplazmozun müalicəsində effektli deyil”

"Məktəblər 3 növbə sisteminə keçməlidir"

Şəhid Xəyyam Məmmədovun ata ocağı ziyarət edilib

Çılpaq ekstrim həvəskarı çaya baş vurmağa cəhd etdi - VİDEO

DİM rezidentura imtahanında iştirak edəcək şəxslərə müraciət edib

Xaricdə doktorantura təhsili ilə bağlı sənəd qəbulunun müddəti uzadıldı

Çinin aparıcı həkimləri Bakıda