"Dialoqun mövzusu, dialoqa çağıran şəxsin səlahiyyəti olmalıdır"

17:33 11-09-2019 | icon 376 | Siyasət
"Dialoqun mövzusu, dialoqa çağıran şəxsin səlahiyyəti olmalıdır"

Tamilla Qulami: "Bu görüşə iqtidar-müxalifət dialoqu adı verib də kimsə özünü aldatmasın"

 

"Bu gün "iqtidar-müxalifət dialoqu" adı verilən bir neçə siyasi partiya görüş keçirib. Təəssüflə qeyd edim ki, bəzi KİV-lər nədənsə bu görüşü "İqtidar-müxalifət dialoqu" kimi təqdim edir. Bəzi partiyalar da "bizi dəvət etmədi" deyib sinəsini döyür".

 

Versus.Az-ın məlumatına görə, bu sözləri bu gün Bakıda siyasi partiya nümayəndələrinin iştirakı ilə “Azərbaycandakı siyasi proseslərə xarici müdaxilələrin yolverilməzliyi” mövzusunda keçirilən "dəyirmi masa" ilə bağlı açıqlamasında Ümid Partiyasının sədr müavini Tamilla Qulami deyib:

 

"Əvvəla qeyd edim ki, Ümid Partiyasını da dəvət etməyiblər və dəvət etsəydilər belə, iştirak etməyəcəkdi. Belə ki, dialoqun mövzusu, dialoqa çağıran şəxsin səlahiyyəti olmalıdır. Fəzail Ağamalı isə hakimiyyət nümayəndəsi deyil, hakimiyyətin dəstəkçisidir. Və... Kimsə bundan özü üçün təbliğat, piar məqsədi kimi də istifadə etməsin ki, təkcə bizi dəvət etməyiblər. Dəvət edilməyənlərdən biri də Ümid Partiyasıdır. Əgər dəvət olunmamaq müxalifətçilikdirsə, bu ayrı mövzudur, yox, əgər dəvət olunmamaq həm də başqa bir şeyə bağlıdırsa, hər kəs özü-özlüyündə bunu aydınlaşdırsın, daha müxalifətçilik sertifikatı kimi sırımasın kimsəyə, heç dəvət olunmağı da".

 

Tamilla Qulami hesab edir ki, Ümid Partiyasını iştirak etməyəcəyini öncədən bildikləri üçün dəvət etməyiblər:

 

"Dəvət etməyiblərsə də, bu o demək deyil ki, iqtidar-müxalifət görüşü baş tutdu. Ona görə də bu görüşə iqtidar-müxalifət dialoqu adı verib də kimsə özünü aldatmasın. Hakimiyyət yetkilisi ilə Ana Vətən Partiyası adlı dəstəkçisinin fərqini bilməyənlərə də keçmiş olsun".

 

Versus.Az

Xəbər lenti

InvestAZ

Ən çox oxunan xəbərlər

Siyasətçinin oğlu ŞƏHİD OLDU

"Sərraf və onun bacanağına qarşı məhkəmə prosesi başladı" - VİDEO

ilk dəfə bədənindəki çapığı göstərdi - FOTO

Narkokuryerlər şəbəkəsinə rəhbərlik edən 90 yaşlı nənə saxlanılıb

“Hitleri narkotikə otuzduran həkim” 

Onun təbii görünüşü pərəstişkarlarını heyran qoydu - FOTO

Milyonluq villa məşhurları qarşı-qarşıya gətirdi

Türkiyədən Azərbəyacana dəstək, Ermənistana sərt reaksiya

Bir sıra kəndlərimiz azad edilib

“Azərbaycanla hədə-qorxu dili ilə danışan bundan peşman olacaq”

Mətbuat Şurasından KİV təmsilçilərinə MÜRACİƏT

Ərdoğan Azərbaycan Prezidentinə telefonla zəng etdi

“Azərbaycan Ordusu düşmənin ön xəttini yarıb”

"Jurnalistlərimiz öz missiyasını layiqincə yerinə yetirməlidir” - Müsahibə

Ali Baş Komandanın “Qarabağ Azərbaycandır!” – Zəfər əmri!