...cinayətkar erməni rejiminin xeyrinə addım atması qəbuledilməzdir

“ATƏT-in Minsk Qrupunun həmsədrləri Azərbaycanın işğal altında olan torpaqları ilə bağlı qətiyyətli mövqe nümayiş etdirməlidirlər. Bu təxribatlara ad verilməlidir”.

Versus.Az-ın xəbərinə görə, bunu jurnalistlərə açıqlamasında Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev deyib.

Onun sözlərinə görə, heç bir xalq silah gücü ilə digər xalqın müqəddəratını təyin edə bilməz: “Torpaqlarımızın işğalı bütün dünyaya bəllidir. Eyni zamanda bütün beynəlxalq təşkilatlar mövqelərini bildirib ki, Azərbaycanın Dağlıq Qarabağda yaşayan əhalisinə qarşı etnik təmizləmə siyasəti həyata keçirilib və hazırda Dağlıq Qarabağda heç bir azərbaycanlı yaşamır".

R. Rzayev əlavə edib ki, hazırda qaçqın və məcburi köçkünlər Azərbaycanın 59 şəhər və rayonunda məskunlaşıb: “Belə olan halda ATƏT-in Minsk Qrupunun həmsədrlərinin cinayətkar erməni rejiminin xeyrinə addım atması qəbuledilməzdir. Biz bunu pisləyirik və ATƏT-in Minsk Qrupunun həmsədrləri olan dövlətlərdən buna mövqe bildirməsini gözləyirik".

Versus.Az