"Federasiya Kuboku 2019” yarışlarının qalibləri mükafatlandırılıb

11:39 16-09-2019 | icon 736 | İdman
"Federasiya Kuboku 2019” yarışlarının qalibləri mükafatlandırılıb

Yelkənli İdman Federasiyası (SFA) sentyabr ayının 13-15-i tarixlərində "Federasiya Kuboku"na start verib. Yarış Yelkənli İdman Federasiyasının yelkənçiləri, “Xəzər Dəniz Gəmiçiliyi” Qapalı Səhmdar Cəmiyyəti “Xəzər Yelkənli Qayırlar İdman Klubu və “Dənizçi” Yelkən İdman klubunun yelkənçiləri arasında keçirilib.

 

SFA-dan Versus.Az-a verilən məlumata görə, yarış Yelkənli İdman Federasiyasının idman meneceri Burcu Algon Giorgianninin baş hakimliyi, Federasiyanın baş məşqçiləri Seyhun Yıldız, Tuğçə Subaşının, məşqçi Anton Vilyayevin, “Xəzər Dəniz Gəmiçiliyi” Qapalı Səhmdar Cəmiyyəti “Xəzər Yelkənli Qayıqlar İdman Klubunun direktoru Tatyana Srebnayanın hakimliyi ilə reallaşdırılıb.

 

Optimist, Laser4.7, Laser Radial, Laser Standart sinifləri üzrə keçirilən yarışlarda 30 idmançı iştirak edib. İdmançılardan 18 nəfəri Optimist sinifi, 5 nəfəri Laser 4.7, 3 nəfəri Laser Radial, 4 nəfəri isə Laser Standart sinfi üzrə iştirak edirdi.

Gün ərzində ən azı 3 dəfə açıq dənizə çıxan yelkənçilər "Federasiya Kuboku" uğrunda gərgin mübarizə aparıblar. Peşəkar idmançıların iştirakı ilə keçirilən yarışda çətin hava şəraitində yüksək bacarıq nümayiş etdirilib. Yelkənçilərin göstərdikləri şücaət, nümayiş etdirdikləri professionallıq məşqçi və hakimlərin rəğbəti ilə qarşılanıb.

Yarışın son günü qaliblərin mükafatlandırılması mərasimi keçirilib.

Yarışın nəticələrinə görə, Optimist sinifi üzrə Murad Hacı-Zadə (SFA) 1-ci yer, Ayla Babayeva (SFA) 2-ci yer, Fidan Ağazadə (SFA) 3-cü yerin qalibi olub.

Optimist sinifi qızlar arasında keçirilən yarışda Ayla Babayeva (SFA) 1-ci yer, Fidan Ağazadə (SFA) 2-ci yer, Kristina Kərimova (SFA) 3-cü yerin qalibi olub.

Laser4.7 sinifi üzrə yelkənçilər Murad Allahverdi (SFA) 1-ci yer, İsmayıl Kərimov (SFA) 2-ci yer, Fərid Cəfərov (Dənizçi) isə 3-cü yerin qalibi olub.

Laser Radial sinifi üzrə Cavid Kərimov (SFA) 1-ci yer, Aslan Məmmədov (Xəzər) 2-ci yer, Rauf Abdullayev (Xəzər) 3-cü yerin qalibi olub.

Laser Standart sinifi üzrə Mixail Protasov (Xəzər) 1-ci yer, Nikita Vilayev (Dənizçi) 2-ci yer, Vaqif Qasımov (Xəzər) 3-cü yerin qalibi olub.

 

Mükafatlandırılma mərasimində, həmçinin yay məktəbində iştirak edərək məşqlər zamanı yüksək nəticə əldə edən iştirakçılara sertifikatlar və hədiyyələr təqdim olundu. Qeyd edək ki, Yelkənli İdman Federasiyasının (SFA) 3 ay ərzində təşkil etdiyi yay məktəbində 16 uşaq iştirak etmişdi. Bunlardan 7 nəfər isə yüksək nəticə göstərə bilmişdi.

 

Qeyd edək ki, dünya çempionatlarında fotoreportajların hazırlanlamasında yaxından iştirak edən peşəkar fotoqraf Joao Kosta Ferreira Bakıda keçirilən yelkən yarışında qonaq qismində iştirak edib. Bu dəfə Joao Kosta Ferreria Azərtbaycanda keçirilən yelkən yarışından maraqlı, diqqətçəkən fotoreportajlar hazırlayıb.

 

Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

İtlər hətta simvolları da anlayırlar

Ən sürətli qol

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin