Baş redaktordan AÇIQLAMA: Arif Əliyevin yeni saytında onlar işləyəcək  

13:41 16-09-2019 | icon 177 | KİV
Baş redaktordan AÇIQLAMA: Arif Əliyevin yeni saytında onlar işləyəcək  

Xəbər verdiyimiz kimi, tanınmış jurnalist, “Yeni nəsil” Jurnalistlər Birliyinin sədri  Arif Əliyev "pressclub.az" adlı xəbər saytı açıb.

 

Versus.Az Modern.az-a istinadən xəbər verir ki, bu barədə məlumat verən Arif Əliyev saytın necə olacağına, orada kimlərlə çalışacağına da aydınlıq gətirib:

“Bir müddət əvvəl Azərbaycan mediası yanğından çıxmış meşəni xatırladırdı. Amma “meşənin ruhu” diri olanda “yağış” damcısı da həyatın yenidən cücərməsinə bəs edir. Bir neçə jurnalist həbsdən çıxdı, “Turan” işini bərpa etdi, “Zerkalo” hərəkətə gəldi, “Ayna” dirçəldi. İndi Bakı Mətbuat Klubunun dönmək vaxtıdır.
Simasını dəyişmiş media məkanına Klubumuz fərqli formatda, yeni təqdimatla qayıdacaq. Yəni, bu, keçmişə donüş yox, gələcəyə qayıdış olacaq”,-deyə o bildirib.

A.Əliyevin sözlərinə görə, dünya qloballaşır, həyatla ayaqlaşmaq üçün biz də təfəkkürümüzün, onunla bərabər mediamızın sərhədlərini genişləndirməliyik:

“Əslində bu, “köhnəzehinlilərin” müqavimətindən asılı olmayaraq baş verir. Dünənə qədər birgə çalışdığımız həmkarlarımızın sorağı bu gün qitənin o başından, okeanın o tayından gəlir. Pressklub saytı aradakı sədləri götürməyə, bütün potensialı həm mediamızın, həm Azərbaycanın xeyrinə yönəltməyə çalışır. Amal budur və biz həmkarlarımızın çağırışa cavab verəcəyinə inanırıq”.

A.Əliyev deyib ki, Bakı Mətbuat Klubunun saytı Azərbaycanın media professionalları ilə yanaşı, başqa ölkələrdə yaşayan və eyni sahədə çalışan həmvətənlərimizi, habelə Azərbaycana peşəkar maraq göstərən xarici jurnalistləri bir araya gətirəcək platformadır.

“Təbii ki, virtual Klub üz-üzə əyləşib çay süfrəsi arxasında söhbətləşmək imkanı vermir. Amma o, ünsiyyət qurmaq, bilikləri artırmaq, fikir və təcrübə mübadiləsi aparmaq istəyən şəbəkə üzvlərinə hər cür şərait yaradır. Burada hər kəs ehtiyac duyduğu köməyi tapacaq: Klubun mühüm funksiyalarından biri də media işçilərinə professional baxımdan dəstək olmaqdır.
Mətbuat Klubu onun “qapısını” döyənlərin üzünə açıqdır. Buraya daxil olarkən sizdən nə yaşınızı, nə cinsinizi, nə milliyyətinizi soruşacaqlar; boyunuz və çəkiniz heç bir əhəmiyyət kəsb etmədiyi kimi, siyasi baxışlarınız da kimsədə sual doğurmayacaq. İkicə şey: media mənsubu olmağınız və Azərbaycanla bağlılığınız, yaxud ona maraq göstərməyiniz kifayətdir. Bu marağı mümkün qədər dolğun təmin etmək üçün isə sayt, şəbəkə üzvlərinin birbaşa ünsiyyətinə şərait yaradan Forum bölümündən başqa, müxtəlif rubrikalar təklif edir”

A.Əliyev əməkdaşlarının ən maraqlı, mühüm, bəzən diqqətdən kənarda qalan mövzularda araşdırmalar edəcəyini söyləyib.

O, pressklub.az saytının “qapıları”nın sentyabrın 17-si saat 12-dən etibarən açıq olacağını bildirib.

A.Əliyev saytın kollektivi sırasına Arif Əliyev, Elçin Şıxlı, Qulu Məhərrəmli, Mehman Əliyev kimi tanınmış simaların eləcə də Ayxan Şıxlinski, Rauf Orucov, Aytən Əliyeva, Eldar Quliyev, Nicat Əliyev, Ülviyyə Şahin, Səbuhi Salamovun daxil olduğunu qeyd edib.

 

Versus.Az

Xəbər lenti

InvestAZ

Ən çox oxunan xəbərlər

“Ermənilərə yeni bir "APREL SİLLƏSİ" vurulmalıdır” - MÜSAHİBƏ

28 ildir işğalda qalan Laçının deputatı niyə bu gün susdu?

“Mən istədim, Elçibəy prezident oldu” deyən Surət Hüseynova sərt REAKSİYA

Sağ qabırğa altında, qarının yuxarı hissəsində baş verən ağrılar...

Elmar Məmmədyarov istefa versin! - ÇAĞIRIŞ

Bu Qərar 2020-ci il oktyabrın 1-dək qüvvədədir

“Onlar məndən Laçının necə olduğunu soruşanda dilim söz tutmur, gözlərim dolur”

Avropa Xalq Partiyası Aİ və “Şərq Tərəfdaşlığı” ölkələrinə çağırış edib

Bu gündən bu bölmələr üzrə uşaqlar onlayn müsahibədə iştirak edəcək

Şuşa inauqurasiyası, mən, qarğalar…

Kanadanın ABŞ-la olan sərhədlərin açılmasının daha 30 gün uzadılmasına razılıq verilib

Ukrayna tərəfinin "qeyri-diplomatik addım"ı kimi dəyərləndirildi

“Milli Məclisin ayrıca bir ittihamçı BƏYANATına ehtiyac var”

Poroşenko dövlətə xəyanətdə ittiham olunur

“Azərbaycan ultimatumla danışmağı məqbul saymır” - MÜSAHİBƏ