Şəki və Oğuzda mineral gübrələrin güzəştli şərtlərlə səyyar satışı keçiriləcək
Sentyabr ayından etibarən “Aqrolizinq” ASC tərəfindən rayon mərkəzindən uzaq məsafədə yerləşən kəndlərdə mövsümi mineral gübrələrin, ammofos və nitroammofoska gübrəsinin güzəştli şərtlərlə səyyar satışına başlanılıb.
Versus.Az ASC-nin saytına istinadən xəbər verir ki, səyyar satışın həyata keçirilməsində əsas məqsəd gübrələrin alışında vətəndaşların sərf etdikləri zaman, məsafə itkisinin və əlavə məsrəflərin qarşısının alınması, həmçinin vətəndaşlara cəmiyyətin əlçatanlığını, yaxınlığını təmin edərək vətəndaş məmnuniyyətinə nail olmaqdır.
Mineral gübrələrin güzəştli şərtlərlə növbəti səyyar satış xidməti Oğuz və Şəki rayonlarında həyata keçiriləcək. Belə ki, sentyabr ayının 17-də Oğuzun Padar və 18-də Xaçmaz kəndlərində, Şəki rayonu üzrə sentyabr ayının 17-də Qayabaşı, 18-də Kiçik Dəhnə və 19-da Baş Layısqı kəndlərin baş tutacaq.
Səyyar satış zamanı həm adı çəkilən, həm də ətraf kəndlərin sakinləri tələb olunan sənədləri - torpaq aktı və ya çıxarış, icra nümayəndəsindən ərizə-məlumat formasını və şəxsiyyət vəsiqəsinin surətini təqdim etməklə, 70% güzəştdən yaralanaraq mineral gübrəni əldə edə bilərlər.
Səyyar satış xidmətlərinin təşkil ediləcəyi yerlər barəsində məlumat almaq üçün 1652 çağrı mərkəzi, yaxud (+99451) 2559383 və (+99451) 2293207 əlaqə nömrələrinə müraciət edə bilərsiniz.
Versus.Az
Xəbər lenti
Ermənistan və bir sıra xarici ölkələrin mediasında Azərbaycanla bağlı YALAN MƏLUMATLAR
"Bu, sistemli dezinformasiya hücumlarının tərkib hissəsidir"