Arif Paşa istintaqdan gizlətdiyi sirri illər sonra açdı

17:48 08-10-2019 | icon 218 | Qarabağ
Arif Paşa istintaqdan gizlətdiyi sirri illər sonra açdı

“Qubadlı və Adil Həşimov mənim üçün tamamlanmış, eyniləşmiş anlayışalar idi. Hər ikisini sevirdim! Hər ikisi həyatımın acılı-şirinli anlarında mənimlə idi. Sonra ikisi də qəlbimə köçdü. Əvvəl biri, sonra o birisi. Oz yerlərində nisgil, köz kimi yandıran ağrı-acı qoyub getdilər”. 

 

Versus.Az xəbər verir ki, bunu Laçın Alayının sabiq komandiri, polkovnik Arif Paşa Qubadlı batalyonunun sabiq komandiri Adil Həşimovun qəfil ölümündən danışarkən deyib.

A.Paşa bildirib ki, 41 illik kişi dostluğunun bu dünyadakı ömrü beləcə başa çatıb: 

“İlk gəncliyin ən mərhəm hislərinin bölüşdürülməsi ilə başlayan, azadlıq, vətən, millət yolunda savaşlardan keçən, mənim zindan həyatımın çətinliklərini birlikdə addımlayan dostluğun!”. 

 

Sabiq komandir uzun illərdir gizli saxladığı və hətta istintaqa da məlum olmayan sirri açıb: 

“Mənə qarşı açılan saxta cinayət işində istintaqçıların ciddi-cəhdlə axtardığı “məni gizlədən tanımadığım adam”ın adını daha deyə bilərəm - Adil Həşimov. Daha rahatam. Əliniz catmaz! Ürəyinin böyüklüyünə həmişə həsəd apardığım qardaşım! Nə qədər sağam, qəlbimdə yasayacaqsan! Şəhid olsam, görüşəcəyik...

Daimi məskənin canından çox sevdiyin Azərbaycan xalqının qəlbidir! Ruhun şad olsun, şərəfli Azərbaycan zabiti!”

 

Xatırladaq ki, A.Paşanın barəsində söhbət açdığı istintaq 90-cı illərdə MTN-dən sirli qaçışla bağlıdır. A.Paşa ona yer verən şəxsin adını nə istintaqa, nə də illər sonra mətbuata açıqlayıb. O, 2009-cu ildə yerli mətbuata müsahibəsində MTN-dən qaçdıqdan sonra ancaq Azərbaycan ərazisində olduğunu deyib: 

 

“Yerimi və bəzən də görkəmimi müəyyən qədər dəyişirdim. Elə olurdu ki, avtobusda tanıdığım adamla və ya hüquq-mühafizə orqanı əməkdaşı ilə yan-yana otururdum. Ancaq tanımırdılar. Bəzən təəccüblənir və təəssüflənirdim ki, gör Azərbaycan necə təhlükəli vəziyyətdə yaşayır. Deməli, hansısa düşmən kəşfiyyatçısı da gəlib buarada sərbəst hərəkət edə bilər. Bir müddət gizli yaşayandan sonra Milli Məclisə məktub yazdım. Məktubda şərtlər qoydum. Şərt qoydum ki, mənim məhkəmə prosesim açıq və qərəzsiz keçirilməlidir. Müraciətim qəbul olundu. Gəldim Xalq Cəbhəsinin qərargahına. Təşkilatın rəhbərliyinin müşayiəti ilə getdim Ali Məhkəməyə. Məhkəmədə mənə qarşı irəli sürülən ittihamlar sübuta yetirilmədi və bəraət aldım. Günahsız həbs olunduğumu bilən adam həbsdən qaçırsa və onun günahsızlığı məhkəmədə sübut olunursa, həmin şəxs qaçdığı üçün cəzalandırılmır. Məni də həmin vaxt buna görə həbs etmədilər. Lakin üç ay sonra - Ələkrəm Hümbətov həbs olunduqdan 4-5 gün sonra məni yenidən sorğu-suala tutdular. Kimlərin evində gizləndiyimi öyrənmək istədilər. Dedim ki, mən türk kişisiyəm. Türk kişisi dar gündə ona evini verən, kömək edən adamları satmaz. Dedim ki, mənə güllələnmə verilsə də, o adamların adını çəkmərəm. Çox cəhd etdilər. Ancaq istəklərinə nail olmadılar. Ona görə də məni təcridxana rejimini pozmaqda və cəzaçəkmə yerindən qaçış ittihamı ilə həbs edib 5 il iş verdilər. Beləliklə, mən bəraət almağıma rəğmən təcridxanadan qaçandan 1 il 2 ay sonra yenidən həbs edildim. 1 ildən bir qədər çox qanunsuz həbsdə saxlanandan sonra amnistiya ilə azad olundum".

 

İndi isə məlum olur ki, Arif Paşa MTN-dən qaçırıldıqdan sonra ona evində yer verən şəxs məhz bu günlərdə dünyasını dəyişən Adil Həşimov olub.

 

Versus.Az

Xəbər lenti

InvestAZ

Ən çox oxunan xəbərlər

“Ermənilərə yeni bir "APREL SİLLƏSİ" vurulmalıdır” - MÜSAHİBƏ

28 ildir işğalda qalan Laçının deputatı niyə bu gün susdu?

“Mən istədim, Elçibəy prezident oldu” deyən Surət Hüseynova sərt REAKSİYA

Sağ qabırğa altında, qarının yuxarı hissəsində baş verən ağrılar...

Elmar Məmmədyarov istefa versin! - ÇAĞIRIŞ

Bu Qərar 2020-ci il oktyabrın 1-dək qüvvədədir

“Onlar məndən Laçının necə olduğunu soruşanda dilim söz tutmur, gözlərim dolur”

Avropa Xalq Partiyası Aİ və “Şərq Tərəfdaşlığı” ölkələrinə çağırış edib

Bu gündən bu bölmələr üzrə uşaqlar onlayn müsahibədə iştirak edəcək

Şuşa inauqurasiyası, mən, qarğalar…

Kanadanın ABŞ-la olan sərhədlərin açılmasının daha 30 gün uzadılmasına razılıq verilib

Ukrayna tərəfinin "qeyri-diplomatik addım"ı kimi dəyərləndirildi

“Milli Məclisin ayrıca bir ittihamçı BƏYANATına ehtiyac var”

Poroşenko dövlətə xəyanətdə ittiham olunur

“Azərbaycan ultimatumla danışmağı məqbul saymır” - MÜSAHİBƏ