Yunanıstanlı təhsil işçiləri ADU-da olublar

20:32 28-10-2019 | icon 124 | Təhsil
Yunanıstanlı təhsil işçiləri ADU-da olublar

Yunanıstanın təhsil işçilərindən ibarət nümayəndə heyəti Azərbaycan Dillər Universitetində (ADU) tələbələrlə görüşüb.

 

Universitetdən Versus.Az-a verilən məlumata görə, ADU-nun rektoru, akademik, Xalq yazıçısı Kamal Abdulla qonaqları universitetdə və ölkəmizdə görməkdən məmnun olduğunu bildirib.

 

O, Yunanıstanın Azərbaycan üçün xüsusi əhəmiyyətə malik olan ölkələrdən olduğunu deyib. Yunan dilinin tədrisində həmkarlarının böyük rolu olduğunu deyən rektor əməyi keçən şəxslərə təşəkkürünü bildirib. Kamal Abdulla Azərbaycanın dünya dəyərlərinə, mədəniyyətinə açıq ölkə olduğunu deyərək, Yunanıstanla birgə əməkdaşlıq nəticəsində mədəniyyətə, elmə, təhsilə yeni töhfələr verməyin mümkünlüyündən danışıb. Akademik, həmçinin özünün Afina səfərindən xatirələrini iştirakçılarla bölüşüb.

 

ADU-nun Beynəlxalq əlaqələr üzrə prorektoru dosent Jalə Qəribova universitetin Yunanıstan universitetləri ilə qurduğu əlaqələrdən söz açıb. O, tədbirin təşkilini yüksək qiymətləndirərək təhsil, elm, mədəniyyət üzərindən qurulan körpülərin heç zaman yox olmadığını diqqətə çatdırıb.


“Arqo” Yunan Cəmiyyətinin sədri Səidə Mehdiyeva görüşün məqsədi və əhəmiyyəti haqqında danışıb. O, həmçinin yunan dilinin tədrisi ilə bağlı görülən işlərdən söz açıb.

 

Yunan dili müəllimi Mariya Delaki Azərbaycan-Yunanıstan arasındakı bənzərliklər, Yunanıstan Təhsil Nazirliyinin təhsil məsləhətçiləri Yuli Xronopulu Ritorika, Efstathia Xristopulu Yunanıstanın milli bayramlarından biri olan “Oxi” (yunancadan tərcüməsi “Yox” deməkdir) günü haqqında təqdimatlarla çıxış ediblər.


Daha sonra ADU-nun tələbələri Azərbaycan və yunan dillərində “Evlərinin önü yonca” mahnısını ifa ediblər, hər iki dildə milli mahnılar söyləyib və rəqslər nümayiş etdiriblər.

 

Tədbir tələbələri maraqlandıran sualların cavablandırılması ilə yekunlaşıb.

 

Versus.Az

Xəbər lenti

InvestAZ

Ən çox oxunan xəbərlər

“Müdafiə naziri Paşinyanın vertalyotunu vurmalıydı” - MÜSAHİBƏ

“Sərhədi keçsən səni vuracağıq” quru bəyanatı da vermədilər - VİDEO

“İşğal altındakı ərazilər şüur altında sağalmayan ağrı kimi  qalır” - MÜSAHİBƏ

Cəbhədə silhalar susmur

Futbol klubunun prezidentinə qarşı araşdırma aparılır

Tanınmış məşqçimiz Həbib Nurməhəmmədovun atası ilə güləşir - FOTO/VİDEO

Mədəniyyət Komitəsinin sədri Xalq artisti ilə görüşüb

Neftin qiyməti bahalaşır

Bu dərman ölüm riskini artırır

“Biz birlikdə güclüyük” layihəsi çərçivəsində aztəminatlı tovuzlulara edilən yardıma görə TƏŞƏKKÜR

Çempionlar Liqasının 10 ən yaxşı baş məşqçisi kimlərdi?

"Spartak" azərbaycanlı futbolçunu qovdu

Əli Həsənov, Vüqar Səfərli və Əflatun Amaşov həbs edilir?

Küçə itinə hücum edən pitbulu yalnız təzyiqli su sakitləşdirə bildi - VİDEO

Acun Ilıcalı “Instagram”da dünya rekordunu yenilədi - FOTO