Azərbaycan təhsilində ilk - 5 ixtisas akkreditasiya qazandı

09:03 18-04-2018 | icon 838 | Təhsil
Azərbaycan təhsilində ilk - 5 ixtisas akkreditasiya qazandı

Azərbaycan təhsil sistemındə ilk dəfə olaraq Azərbaycan Dövlət Neft Sənaye Universitetinin Biznesin idarə olunması-BA (MBA,BBA,ZU) Proqramları üzrə 5 ixtisas Beynəlxalq Akkreditasiya Agentliyi olan FIBAA (Foundation for International Business Administration Accreditation) tərəfindən akkreditasiya olunmuşdur:

 

- Business Informatics (B.Sc)

- Computer Engineering (B.Sc.)

- Industrial Engineering (B.Sc.)

- Computer Information Systems (MBA)

- Operations Management (MBA)

 

1994-cü ildə Almaniyanın Bonn şəhərində yaradılmış FİBAA Almaniya Akkreditasiya Şurası (German Accreditation Council) tərəfindən qəbul olunan ilk akkreditasiya agentliyidir. Bu agentliyin əsas prinsipi keyfiyyətin təkmilləşdirilməsi, təhsilin Avropa və Beynəlxalq standardlara uyğunluğunun təmin edilməsidir. Cari ilin 24-26 oktyabr tarixlərində Azərbaycanda ilk dəfə olaraq BA Proqramlarında FİBAA-nın nümayəndə heyəti tərəfindən Beynəlxalq Akkreditasiya yoxlanılması keçirildi. Nümayəndə heyəti arasında Erfurt, Albştad–Ziqmaringen,Osnabrük kimi nüfuzlu universitetlərin professorları vardı.

 

ADNSU-dan versus.az-a verilən məlumata görə, bu yoxlama zamanı Proqramda tədrisin bütün strukturları, bütün tədris materialları, dərs vəsaitləri, kurrikulumlar, sillabuslar və s. hərtərəfli yoxlanıldı. İnzibati heyət, professor-müəllim heyəti, tələbələrlə, məzunlarla görüşlər keçirildi, geniş müzakirələr aparıldı. Sonrasında davam edən prosedurlar nəticəsində BA Proqramlarında yuxarıda adları çəkilən 5 ixtisas akkreditasiya qazandı. Bu uğur ən yeni tədris metodologiyaları, texniki vəsaitlər, ingilis dilində yüksək səviyyəli təhsilə əsaslanan BA Proqramlarının təhsil standartlarının Avropa və beynəlxalq standatlara uyğun olmasının ən aydın göstəricisidir.

 

Proqramların keyfiyyəti və universitetdə yaradılmış təlim-tədris mühiti tələbələrin ADNSU-ya diqqətini artırır. Proqramlar həm təhsil, həm də əmək bazarı ilə rəqabət apara bilmək qabiliyyətinə malikdir. Proqram tələbələrə zəruri nəzəri və metodoloji bilikləri və eyni zamanda gələcək uğurlu karyera üçün vacib olan əsas xüsusiyyətləri verir.

 

Proqramları tam qiymətləndirdikdən sonra FİBAA belə qənaətə gəlmişdir ki, ADNSU-nun BA Proqramlarının inkişafı üçün müəyyənləşdirilmiş keyfiyyət hədəfləri vardır və onların icrasını müntəzəm olaraq qiymətləndirir. Onun keyfiyyətə təminat sistemi davamlı keyfiyyətin təmin edilməsi və təşkilatın təkmilləşdirilməsi üçün hərtərəfli şəkildə tətbiq edilirr. Eyni zamanda sistematik şəkildə proqramların keyfiyyətinə davamlı nəzarət və monitorinq üçün istifadə edilən inkişaf prosedurları da mövcuddur.

 

SEVDA
Versus.az

Xəbər lenti

InvestAZ

Ən çox oxunan xəbərlər

Millət vəkili AŞPA-da mədəniyyətlərarası dialoqla bağlı suallar səsləndirib

Himnimizə münasibət – FLƏŞMOB

“Məni agentlikdə ittiham etməklə...”

Partiya sədrindən nazirə açıq məktub

Pensiyalar artıb

Mühacirət müxalifəti üzərindən oynanan oyunlar

"Bu suala cavab verməyə çətinlik çəkirəm"

Onları cərimələyəcəklər

Tıxaca səbəb olan sürücülərə müraciət edildi

"Bu, bütün müxalifətin çarəsiz etirafıdır"

SƏM milli dövlətçilik tərəfdarlarını təmkinli davranmağa çağırıb

"Müstəqilliyimizi necə qazandıq?" - AXCP-də MÜZAKİRƏ

"Hər kəs eyni qaydada dəfn mərasimi keçirəcək"

Bu məhkumlarla bağlı qanun dəyişir

Azərbaycanın ilk orqanik şərabı – “Meysəri”