BANM məzunları Azərbaycanı ABŞ-da qlobal yarışmada uğurla təmsil edib

13:14 21-11-2019 | icon 196 | Təhsil
BANM məzunları Azərbaycanı ABŞ-da qlobal yarışmada uğurla təmsil edib

Bakı Ali Neft Məktəbinin (BANM) iki məzunu Azərbaycanı “Üç dəqiqəlik tezis” (“3MT” – “Three Minute Thesis”) adlı qlobal yarışmada uğurla təmsil edib.

 

Ali Məktəbin Kimya mühəndisliyi ixtisasının məzunu Rauf Mahmudzadə və Neft-qaz mühəndisliyi ixtisasının məzunu Asiman Seyidzadə hazırda Luiziyana Dövlət Universitetində (Lafayet) magistratura pilləsində təhsil alırlar. Hər iki məzun yarışmanın universitet üzrə keçirilmiş ilkin mərhələsində qalib olaraq final mərhələsinə vəsiqə qazanıb.

 

Yarışmanın əsas məqsədi tələbələrin tədqiqat və akademik kommunikasiya bacarıqlarının inkişaf etdirilməsi, eləcə də qısa zaman ərzində onların effektli təqdimat vərdişlərinin formalaşdırılmasıdır. Yarışmanın qaydalarına əsasən, iştirakçılar 180 saniyə ərzində hazırladıqları elmi işi o sahəyə aid olmayan auditoriya qarşısında lakonik formada təqdim etməlidirlər.

 

Hər il “Üç dəqiqəlik tezis” beynəlxalq yarışı dünyanın 200-dən artıq universitetində magistratura və doktorantura tələbələri üçün keçirilir. İlk dəfə 2008-ci ildə Avstraliyada keçirilmiş yarışma sonradan digər ölkələri də əhatə edib. Builki yarışma zamanı Luiziyana Universitetindən (Lafayet) cəmi 7 nəfər finalçı adını qazanıb. Yarışın universitet üzrə final mərhələsi 2020-ci ilin yanvar ayında keçiriləcək və qalib ABŞ üzrə seçim turuna qatılmaq hüququ qazanacaq, daha sonra yarışın beynəlxalq mərhələsində iştirak edəcək.

 

Xatırladaq ki, ötən il yarışmada iştirak etmiş BANM-in Neft-qaz mühəndisliyi ixtisasının məzunu Camal Əhmədov “People Choice Award”-a layiq görülüb.

Xəbər lenti

InvestAZ

Ən çox oxunan xəbərlər

“Hafiz Hacıyev danışanda Fəzail Ağamalı və digərləri harda idi?!” - MÜSAHİBƏ /FOTO/

İspaniya klubu baş məşqçi və idman direktorunu qovdu

NATO Əfqanıstanla bağlı Rusiyaya çağırış etdi

Azərbaycanlı aparıcı birnəfəsə litryarımlıq suyu içdi - VİDEO

ABŞ Türkiyədən “S-400” ləri ala bilər

Azərbaycan idmançısına 144 aylıq cəza verildi

Sevgilisinin meyitini itlərə yedirən keçmiş futolçunun paylaşımı diqqət çəkdi - FOTO

Futbolçular himni dizi üstə və göz yaşları ilə dinlədi - VİDEO

ZİYALI AXTARANLARA - ÇAĞIRIŞ

Prezident sərhədlərin nə vaxt açılacağından DANIŞDI

Bu ölkədə koronavirus 9 minə yaxın şəxsi öldürdü

Bəhramı EKMO cihazından ayırdılar - süni tənəffüs aparatına qoşdular

ÜST koronavirusun sürətlə yayıldığını bildirib

Şuşada da koronavirus TAPILDI

Prezident Türkiyə ilə vacib sazişi TƏSDİQLƏDİ