Bu gün Dünya Fəlsəfə Günüdür

18:10 21-11-2019 | icon 136 | Maraqlı
Bu gün Dünya Fəlsəfə Günüdür

Dünya Fəlsəfə Günü UNESCO-nun təşəbbüsü ilə 2002-ci ildə təsis edilib.

 

Versus.Az xəbər verir ki, bu günün məqsədi insanları fəlsəfi irslə tanış etmək, gündəlik düşüncələrə yeni fikirlər gətirmək və cəmiyyətin üzləşdiyi problemlər barədə ziyalılar və vətəndaş cəmiyyəti arasında ictimai müzakirələri stimullaşdırmaqdır.

 

Dünya Fəlsəfə Günü 2019-cu ildə müxtəlif regional kontekstlərdə fəlsəfənin əhəmiyyətini vurğulamağı hədəfləyir. Məqsəd sosial dəyişiklikləri dəstəkləyən müasir çağırışlarla bağlı qlobal debatlara regional töhfələr verməkdir.

 

UNESKO-nun Baş direktoru Odre Azule Dünya Fəlsəfə Günü ilə əlaqədar dünya ictimaiyyətinə müraciət ünvanlayıb. Müraciətdə qeyd olunur ki, fəlsəfə dünyaya və varlığımıza təəccübdən doğulur. Fəlsəfənin tərifləri arasında ən diqqətçəkənlərindən biri Artur Şopenhauerin “Dünya iradə və təsəvvür kimi” əsərində verilib. Əsərdə fəlsəfə dünyanın sübut kimi qəbul edilmədiyi, lakin bilinməyən bir şey kimi verilən sualların əbədi bir təqdimatıdır. İnanclara meydan oxuyan fəlsəfə bu dünyanı bütün zənginliyi və mürəkkəbliyi ilə dərk etməyi təklif edir. Bu təəccübləndirmək bacarığı 3000 il əvvəl Çin, Orta Şərq və Qədim Yunanıstanda yaranan minillik ənənəsinə qayıdır. Hətta minilliklər keçməsinə baxmayaraq fəlsəfi suallar öz aktuallığını itirməyib.

 

Müraciətdə vurğulanır ki, fəlsəfə dəyişiklik haqqında düşünmək üçün dəyərli bir vasitədir, eyni zamanda, dialoq və dözümlülük üçün qapı açır. Bütün bu səbəblərə görə UNESKO həmişə fəlsəfənin dostu olub.

 

UNESCO-nun baş direktorunun müraciətinin geniş mətni ilə bu təşkilatın saytında tanış olmaq mümkündür.

 

Azərbaycan dünya elminə böyük töhfələr bəxş edən ölkələr sırasındadır. Azərbaycanda fəlsəfi fikrin inkişafını izləmək üçün keçmişin mühüm yazılı abidələri – Avesta, pəhləvi mətnləri, qədim yunan filosofları və tarixçilərinin əsərləri, orta əsrlərin yazılı abidələri, ölkə ərazisindəki arxeoloji qazıntıların materialları, dil və şifahi ədəbiyyat tarixinin tədqiqi və s. araşdırmalar geniş imkanlar yaradır. Bu gün Azərbaycan elmi-fəlsəfi fikrinin dünya elminə inteqrasiyası qarşıda duran ən aktual vəzifələrdən biridir.

Xəbər lenti

InvestAZ

Ən çox oxunan xəbərlər

Vətənin və Ramil Səfərovun haqqı

Dünya kubokunun azərbaycanlı qalibi Ramil Səfərova şahmat əsəri YAZDI

Ramil Səfərovla bağlı iddiaları qitə məhkəməsi qəbul etmədi

Azərbaycanla Türkmənistan arasında səfirlikər üçün torpaq sahəsi ilə bağlı saziş TƏSTİQLƏNDİ

“Beşiktaş” “Mançester Yunayted”in müdafiəçisini istəyir

MƏNİ BAĞIŞLA, ÖVLADIM!

Uşaqlarla bağlı 2020-2030-cu illər üçün Strategiya təsdiqləndi

Sosial şəbəkələrdən zillət çəkən təkcə Tramp deyil

Bakıdan təyyarə biletləri satışa çıxarıldı

Türkiyə viza müddətini 90 günədək uzatdı

Tibbi maskadan məcburi istifadə edilməli yerlər - SİYAHI

Hava pisləşəcək - XƏBƏRDARLIQ

Qarabağın Azərbaycanlı icması təxribatlara çevik reaksiya verir

Nazirlikdən müharibə veteranları ilə bağlı yeni TƏKLİF

İşğal altında olan ərazilərimizdə koronavirusa yoluxanların sayı artıb