Görkəmli meksikalı yazıçı David Toskana ilk dəfə Bakıda

01:48 27-11-2019 | icon 247 | Ədəbiyyat
Görkəmli meksikalı yazıçı David Toskana ilk dəfə Bakıda

Meksikanın Azərbaycandakı Səfirliyinin təşkilatçılığı ilə məşhur meksikalı yazıçı Azərbaycanda səfərdədir. İlk həftə ərzində hər iki ölkənin çağdaş ədəbiyyatların kəşf edilməsi, eyni zamanda David Toskana yaradıcılığı ilə tanış olmaq məqsədilə yazıçının iştirakı ilə bir sıra tədbirlər yer alır.

 

Bu xüsusda, noyabrın 25-də Meksikanın Azərbaycandakı səfiri Rodriqo Labardinin müşayiəti ilə yazıçı David Toskana Dövlət Tərcümə Mərkəzinin direktoru, yazıçı Afaq Məsud ilə görüşdü. Tərəflər David Toskananın əsərlərinin Azərbaycan dilinə tərcümə olunması imkanlarından söhbət açdılar, həmçinin milli ədəbiyyatların qarşılıqlı şəkildə təşviqi perspektivlərinə də toxundular.

 

Yazıçı David Toskananın iştirakı ilə tədbir və görüşlər davam etməkdədir. Yekun görüş meksikalı yazıçının yerli oxucularla canlı tanışlığına həsr olunacaq. Tədbir 29 noyabr saat 18:00-da, Bakı Kitab Mərkəzində baş tutacaq. Beləliklə, oxucular David Toskananın əsərləri və Meksika ədəbiyyatının hazırkı cərəyanları haqqında söhbətdə iştirak edə biləcəklər.


1961-ci ildə Monterrey şəhərində anadan olub. Tula Stansiyası, Sirkin Müqəddəs Məryamı, Lontananza, Miqel Pruneda acısı, Son oxucu, Parlaq ordu, Königsberg körpüləri, Şeytanın apardığı şəhər, Evanxelia və Oleqaroy kimi əsərlərin müəllifidir. David Toskana Ayova Universitetinin Beynəlxalq Yazıçılar Proqramı və Berliner Künstlerprogramm-da iştirak edib. Milli Yaradıcılar Sisteminin üzvüdür.

 

Onun "Son oxucu" romanı Antonin Artaud və Xose Fuentes Mares mükafatlarına layiq görülmüşdür; Parlaq ordu isə Amerika Evi tərəfindən təqdim olunan Xose Mariya Arqedas mükafatını almışdır. Oleqaroy, öz növbəsində, Xavyer Viyaurrutia 2017 və Elena Poniatovska adına Latın Amerikası mükafatlarına layiq görülmüşdür. David Toskananın əsərləri on dörd dilə tərcümə olunmuşdur.

Xəbər lenti

InvestAZ

Ən çox oxunan xəbərlər

Bakı metrosu iyulun 20-dək İŞLƏMƏYƏCƏK

Molla saxlanıldı - VİDEO

Kuznetsovdan Bakıya töhfə: “Qarabağ” kanalı açıldı

icaze.gov.az-da icazəsi ləğv olunanların nəzərinə!

Məşədi İbadla hambala heykəl qoyuldu - FOTO

I sinfinə qəbul üçün məktəb seçiminə start verilir

Sizə icazə verilib-verilmədiyini belə yoxlayın - YENİLİK

Jalə İsmayılın Rumıniyada kitabı çıxdı

Sakit okean sahillərində zəlzələ oldu

Tofiq Hüseynov bu gün torpağa tapşırılacaq

Keşikçiyə zərbə dövlətə, millətə zərbədir

LAÇINLI DÜNYA ÇEMPIONUNU İTİRDİK

İlham Əliyev və xanımı modul tipli hospitalın AÇILIŞINDA

İraqda ABŞ səfirliyi atəşə tutulub

Daşqınlarda ölü sayı 24-ə çatdı