BSU-da Cəlil Məmməduqulzadənin 150 illik yubleyi ilə əlaqədar tədbir keçirilib

16:10 02-12-2019 | icon 164 | Təhsil
BSU-da Cəlil Məmməduqulzadənin 150 illik yubleyi ilə əlaqədar tədbir keçirilib

Azərbaycan Respublikasının Prezidenti cənab İlham Əliyevin 17 yanvar 2019-cu il tarixli Sərəncamına əsasən Azərbaycan ədəbiyyatının görkəmli nümayəndəsi, böyük yazıçı, dramaturq, publisist və ictimai xadim  Cəlil Məmməduqulzadənin 150 illik yubleyi ilə əlaqədar olaraq respublikamızda müxtəlif tədbirlərin keçirilməsi nəzərdə tutulub.

 

Noyabrın 28-də Bakı Slavyan Universitetinin (BSU) Azərbaycan filologiyası fakültəsinin və Pedaqoji fakültəsinin Pedaqogika və psixologiya kafedrasının birgə təşkilatçılığı ilə universitetdə Cəlil Məmməduquluzadənin 150 illik yubileyinə həsr olunmuş tədbir keçirilib.

 

Universitetin Mətbuat Xidmətindən Versus.Az-a verilən məlumata görə, tədbiri giriş sözü ilə açan Pedaqogika və psixologiya kafedrasının müəllimi Səbinə Cəfərova çıxışında Cəlil Məmmədquluzadənin Azərbaycan ədəbiyyatının yeni mərhələyə yüksəlməsində müstəsna rol oynadığını və bütöv bir ədəbi məktəb formalaşdıran qüdrətli şəxsiyyət olduğunu qeyd edib. S.Cəfərova bildirib ki, böyük yazıçı həyat həqiqətlərini, ictimai mühiti hərtərəfli əks etdirən rəngarəng obrazlar qalereyası yaradıb. S. Cəfərova vurğulayıb ki, Ana dilinin saflığı uğrunda daim mübarizə aparmış Cəlil Məmmədquluzadənin ərsəyə gətirdiyi qiymətli dram və nəsr əsərləri, parlaq publisistika dərin humanist məzmuna malik olub, özündə milli və ümumbəşəri dəyərlərin vəhdətini ehtiva edir.

 

Sonra tələbələrin ifasında Cəlil Məmmədquluzadənin və Həmidə xanımın məktubları əsasında hazırlanan səhnə nümayiş olunub. Azərbaycan filologiyası fakültəsinin tələbəsi Səidə İsmayılova Xalq şairi Söhrab Tahirin Cəlil Məmmədquluzadəyə həsr etdiyi şeirini səsləndirib.

 

Tədbirdə Azərbaycan filologiyası fakültəsinin tələbələrindən Şəlalə Kərimovanın “Qoca Şərqin güzgüsü Mirzə Cəlil”, Türkan Qasımovanın “Cəlil Məmmədquluzadənin pedaqoji və maarifçilik fəaliyyəti”, Nana Mustafayevanın “Cəlil Məmmədquluzadənin “Danabaş kəndinin məktəbi” əsərində didaktik prinsiplər və təlim metodları”, Aytac Xəlilovanın ““Anamın kitabı” əsərində ailə tərbiyəsi və dil məsələləri”, Əsmər Əhmədovanın “Ulu öndər Heydər Əliyevin Cəlil Məmmədquluzadənin yaradıcılığı haqqında fikirləri”, Aytac Həsənovanın “Cəlil Məmmədquluzadə irsində tərbiyə məsələləri”, Vəfa Allahverdiyevanın  “Cəlil Məmmədquluzadənin “Molla Nəsrəddin” jurnalının fəaliyyətində rolu” mövzusunda məruzələri dinlənilib.

         

Sonra Azərbaycan filologiyası fakültəsinin tələbəsi Sadəgül Baloğlanova Cəlil Məmmədquluzadənin “Olacaqsan” şeirini səsləndirib, tələbələrin hazırladıqları “Anamın kitabı” əsərindən səhnə nümayiş olunub. Tələbələrdən Murad  Osmanlı Cəlil Məmmədquluzadənin obrazını yaradaraq iştirakçılar qarşısında maraqlı çıxış edib.

         

Tədbirdə Pedaqogika və psixologiya kafedrasının müəllimi S. Cəfərovanın  “Ölü ikən dirilər – Kefli İsgəndər həqiqətləri” mövzusunda məruzəsi dinlənilib.

 

Azərbaycan filologiyası fakültəsinin dekan müavini Yaqut Baxışova çıxışında tədbirin tələbələrin maarifləndirilməsi istiqamətindəki əhəmiyyətindən danışıb, iştirakçılara uğurlar arzulayıb.

 

Sonda tədbirdə fəal iştirak edən tələbələrə təşəkkürnamə təqdim olunub.

LƏMAN
Versus.Az

Xəbər lenti

InvestAZ

Ən çox oxunan xəbərlər

Vətənin və Ramil Səfərovun haqqı

Dünya kubokunun azərbaycanlı qalibi Ramil Səfərova şahmat əsəri YAZDI

Ramil Səfərovla bağlı iddiaları qitə məhkəməsi qəbul etmədi

Azərbaycanla Türkmənistan arasında səfirlikər üçün torpaq sahəsi ilə bağlı saziş TƏSTİQLƏNDİ

“Beşiktaş” “Mançester Yunayted”in müdafiəçisini istəyir

MƏNİ BAĞIŞLA, ÖVLADIM!

Uşaqlarla bağlı 2020-2030-cu illər üçün Strategiya təsdiqləndi

Sosial şəbəkələrdən zillət çəkən təkcə Tramp deyil

Bakıdan təyyarə biletləri satışa çıxarıldı

Türkiyə viza müddətini 90 günədək uzatdı

Tibbi maskadan məcburi istifadə edilməli yerlər - SİYAHI

Hava pisləşəcək - XƏBƏRDARLIQ

Qarabağın Azərbaycanlı icması təxribatlara çevik reaksiya verir

Nazirlikdən müharibə veteranları ilə bağlı yeni TƏKLİF

İşğal altında olan ərazilərimizdə koronavirusa yoluxanların sayı artıb