Bir sıra vacib qərarlar qəbul olunub

09:30 02-01-2020 | icon 119 | Mədəniyyət
Bir sıra vacib qərarlar qəbul olunub

Ötən il milli kinematoqrafiyamızın inkişafı ilə bağlı...

 

Ötən il kinematoqrafiya sahəsində bir sıra mühüm işlər görülüb. Azərbaycan Respublikasının Prezidenti İlham Əliyev “Azərbaycan kinematoqrafiyasının inkişafı ilə bağlı bəzi tədbirlər haqqında” 1 mart 2019-cu il tarixli Sərəncam imzalayıb. Sərəncamda Mədəniyyət Nazirliyinə Azərbaycan Respublikası Kinematoqrafçılar İttifaqının və digər aidiyyəti qurumların təkliflərini nəzərə almaqla “Azərbaycan kinematoqrafiyasının inkişaf Konsepsiyası”nın hazırlanması tapşırılıb.

 

Versus.Az-ın məlumatına görə, bu məqsədlə tanınmış kino mütəxəssislərindən, bu sahədə fəaliyyət göstərən ictimai təşkilatların və müstəqil prodüser mərkəzlərinin nümayəndələrindən, dövlətin kino sahəsinə məsul şəxslərindən ibarət İşçi Qrupu yaradılıb. Ölkədə kinematoqrafiya sahəsində uğurlu fəaliyyət göstərən dövlət və özəl kino istehsalı, eləcə də nümayişi müəssisələrinə, bu sahədəki ictimai təşkilatlara müvafiq məktublar göndərilərək sözügedən Konsepsiya ilə bağlı təkliflərini nazirliyə təqdim etmək xahiş olunub. Təqdim olunan təkliflər vaxtaşırı olaraq müəlliflərin iştirakı ilə İşçi Qrupu tərəfindən müzakirə edilib. Bundan əlavə, Konsepsiyanın hazırlanmasında beynəlxalq təcrübənin öyrənilməsi məqsədilə İşçi Qrupunun üzvləri Litva, Macarıstan və Gürcüstanda səfərlərdə olub, bu ölkələrin kino sənayesinin iştirakçıları ilə görüşlər keçirib, kinematoqrafiya sahəsindəki vergi, gömrük və digər imtiyazlarla bağlı təcrübələrini təhlil edib. Bütün təkliflər nəzərə alınmaqla hazırlanan “Azərbaycan kinematoqrafiyasının inkişaf Konsepsiyası”nın layihəsi ölkə başçısına təqdim olunub. Daha sonra Nazirlər Kabinetinin müvafiq tapşırığı ilə Konsepsiya layihəsinə aidiyyəti dövlət qurumlarında baxılıb, rəy və təkliflər verilib. Sözügedən rəy və təkliflər nəzərə alınaraq aidiyyəti qurumlarla razılaşdırılmış “Azərbaycan kinematoqrafiyasının inkişaf Konsepsiyası” layihəsi Nazirlər Kabinetinə təqdim edilib.

 

Sözügedən Sərəncamın 2-ci bəndinə əsasən dövlət sifarişi ilə film istehsalını həyata keçirmək, həmçinin milli kinematoqrafiya sahəsində fəaliyyət göstərən şəxslərə dəstək olmaq, onların yaradıcılığını stimullaşdırmaq və yeni yaradıcı qüvvələri kinodramaturgiya sahəsinə cəlb etmək məqsədilə martın 20-dən iyunun 20-dək bədii, sənədli və animasiya filmi ssenariləri müsabiqəsi keçirilib, müsabiqəyə hər hansı janr məhdudiyyəti olmadan vətənpərvərlik, milli-mənəvi və ümumbəşəri dəyərlər, uşaq və gənclər, eləcə də müasir həyatın digər prioritet mövzularında ssenarilər qəbul edilib. Hazırda müsabiqəyə təqdim olunan 200-dək film layihəsindən münsiflər heyəti tərəfindən seçilmiş qalib ssenarilər əsasında filmlərin istehsalına başlanılıb.

 

Noyabrın 1-dən isə növbəti bədii və animasiya film ssenariləri müsabiqəsi elan olunub. Müsabiqəyə ssenari qəbulu başa çatıb və təqdim edilən 80-dək layihənin qiymətləndirilməsi üzərində işlər davam etdirilir.

 

Hesabat dövründə Cəfər Cabbarlı adına “Azərbaycanfilm” kinostudiyasında “Daxildəki ada” tammetrajlı, “Rəqs”, “Soraq” (“Salam”), “Estakada”, “Naməlum dahi”, “Dan yeli” (“Protez”) qısametrajlı bədii filmlərinin, “Yadelli nağıllar” (“Azərbaycan musiqisi və erməni plagiatı”) sənədli filminin, “Salnaməfilm” studiyasında “20 Yanvar” (“Silahdaşlar”), “Memar” (“Azərbaycan memarı Elbay Qasımzadə”), “Şəki” və “Saxurlar” sənədli filmlərinin, 3D formatda olan “Cırtdan və Sehrli xalat” cizgi filminin, “Mozalan” studiyasında isə “Əlvida, Şmidt!” tammetrajlı bədii filminin istehsalı başa çatdırılıb.

 

“Azərbaycanfilm”də “Quyu”, “Titrəmə” və “Sizə məktub var” qısametrajlı bədii filmlərinin, “Salnaməfilm” studiyasında “Köç” sənədli filminin, “Azərbaycanın Milli qəhrəmanları” sənədli filmlər silsiləsindən növbəti filmlərin istehsalı davam etdirilib.

 

Bundan əlavə, “Azərbaycanfilm” kinostudiyasında “Manpası qutusu”, “Yüksəliş. Yaradanın adı ilə... “Xoş sonluqlu faciə”, “Məryəm”, “Molla Nəsrəddin – çətin günlərimin dostu”, “Kariatida”, “Görmə qüsuru” adlı tammetrajlı bədii filmlər, “Salnaməfilm” studiyasında “Mirzə Cəlilin Azərbaycanı”, “Yaradanlar”, “Malakanlar”, “Ləzgilər”, “Ulduzların keşikçiləri” (Rusiya ilə birgə), “Ada” sənədli filmləri, “Azanfilm” studiyasında “Oğurlanmış Bahar”, “Tıq-tıq və dostları möcüzələr axtarışında” animasiya filmləri, “Debüt” studiyasında isə “Ailəvi şəkil” qısametrajlı bədii filmi istehsala buraxılıb. Həmçinin Azərbaycan Dövlət Film Fondunda mayın 24-də Xan Babayevin 100, iyunun 14-də Məlik Dadaşovun 95, iyunun 21-də Amaliya Pənahovanın 74, sentyabrın 10-da Niyazi Bədəlovun 110, oktyabrın 11-də Şamil Mahmudbəyovun 95, dekabrın 16-da Fikrət Əliyevin 80 illiyi ilə əlaqədar anım tədbirləri keçirilib.

 

Nazirliyin dəstəyi ilə müstəqil ictimai təşkilatlar tərəfindən sentyabrın 2-dən 5-dək “Salam” Beynəlxalq Yeniyetmə Film Festivalı, noyabrın 6-dan 9-dək 10-cu Bakı Beynəlxalq Qısa Filmlər Festivalı, noyabrın 18-dən 20-dək II Animafilm Beynəlxalq Animasiya Festivalı təşkil olunub.

 

Kinomuzun beynəlxalq əlaqələrinin inkişaf etdirilməsi istiqamətində də müvafiq işlər görülüb, sentyabrın 21-dən 28-dək Özbəkistanda Azərbaycan Kinosu Günləri təşkil olunub, son illər çəkilən bədii, sənədli və animasiya filmlərimiz beynəlxalq kinofestivallarda ölkəmizi təmsil edib.

Xəbər lenti

"Dezinformasiyalar ictimai fikri çaşdırmağa xidmət edir"

Əlisahib Hüseynov: "İndi mübarizə təkcə real cəbhədə yox, həm də informasiya məkanında gedir"

"Paşinyan növbəti dəfə Azərbaycan prezidentinin qarşısında məğlub duruma düşdü"

Azərbaycan Prezidentinin “60 dəqiqə”dəki möhtəşəm müsahibəsi

Ermənilər Bərdənin kəndlərini ağır artilleriyadan atəşə tutdu

Ermənilər cəbhə bölgəsində yanğın törədiblər

Erməni təcavüzü nəticəsində 14 mükli sakin ölüb, 46 nəfər yaralanıb

Tonaşendə düşmənin iki tankı məhv edildi - VİDEO

“ASAN xidmət”in 36 əməkdaşı könüllü olaraq ordu sıralarına QOŞULDU

Azərbaycanın tanınmış idmançısı orduya qoşuldu - FOTO

Ordumuzun ələ keçirdiyi düşmən texnikaları ilk dəfə görüntüləndi - VİDEO

Qənirə Paşayeva deputatları maaşlarını orduya bağışlamağa ÇAĞIRDI

Şəhid generalın anasından əsgərlərə ÇAĞIRIŞ

İlham Əliyev və Mehriban Əliyeva yaralı hərbçilərə baş çəkdilər

İrəvanın mərkəzində İlham Əliyevin çıxışı yayımlandı - VİDEO

Fuad Əliyevdən “Bizim Qarabağ” təşviqat xarakterli video-çarx

Azərbaycanlı iş adamı Silahlı Qüvvələrə Yardım Fonduna 20 000 manat vəsait köçürüb

İrəli
InvestAZ

Ən çox oxunan xəbərlər

“Erməni arvadını əsir götürüb neynəyəcəyik, bizə torpaqlarımız lazımdır”

“Rusiya əvvəlcə Ermənistanı “başa salmalıdır”

“Azərbaycan Bayrağı” ordenli şəhid Cəbrayıl Cəbrayılovun şəhadət günüdür

Qüdrət Həsənquliyevi qınayanlar da, haqq qazandıranlar oldu

MMP təşkilat sədri müharibə başlayarsa, döyüşə gedəcəyini deyir

"Sərraf və onun bacanağına qarşı məhkəmə prosesi başladı" - VİDEO

Bu gün İlham Əliyev BMT Baş Assambleyasının 75-ci sessiyasında çıxış edəcək

MMP sədri döyüş bölgəsində olub

Narkokuryerlər şəbəkəsinə rəhbərlik edən 90 yaşlı nənə saxlanılıb

ilk dəfə bədənindəki çapığı göstərdi - FOTO

“Hitleri narkotikə otuzduran həkim” 

Onun təbii görünüşü pərəstişkarlarını heyran qoydu - FOTO

Milyonluq villa məşhurları qarşı-qarşıya gətirdi

Türkiyədən Azərbəyacana dəstək, Ermənistana sərt reaksiya

“Azərbaycanla hədə-qorxu dili ilə danışan bundan peşman olacaq”