“İnsanları qorxudurlar ki, heç kimə imza verməyin sizin millət vəkiliniz var”

22:41 02-01-2020 | icon 719 | Siyasət
“İnsanları qorxudurlar ki, heç kimə imza verməyin sizin millət vəkiliniz var”

Könül İsmayılova: “Milləti düşünməyən millət vəkilləri daha nə qədər o kresloda oturacaq?”

 

“Yanvarın 1-də 10 saylı Binəqədi üçüncü dairə seçki komissiyasından Müasir Müsavat Partiyasının səlahiyyətli nümayəndəsi imza vərəqələrini götürdü və elə həmin tarixdən də imzatoplama kompaniyasına başladıq”.

 

Versus.Az-ın məlumatına görə, bunu sosial media üzərindəki paylaşımında MMP-nin sədr müavini Könül İsmayılova yazıb.

 

Könül xanım iki gündür özünün iştirakı ilə Biləcəri qəsəbəsində 130 ailədə olduğunu və onların imzalarını aldığını bildirib:

 

“Hər bir seçicini şəxsən dinləmişəm. Söhbətlərdən belə məlum olub ki, onlar Biləcəri qəsəbəsindən seçilən keçmiş millət vəkillərinin üzünü də görməyiblər, sadəcə adını eşidiblər.

Seçicilərin sosial problemləri o qədər çoxdur ki, insan onları dinlədikcə, cox məyus olur. 5 illiklərdi o postu tutan millət vəkili qəsəbədə onu “seçən” seçicilərinin problemlərini həll etmək üçün cəhd də etməyib. Dəhşətdir! Əgər millətə qayğı göstərə bilmirdisə, niyə millət vəkili adını daşıyır və bu postu indiyə qədər “zanit” saxlayıb, üstəlik yenidən namizədliyini verib? Daha nə qədər öz cibinə işləyənlər o kürsülərdə əyləşəcək? Axı cənab Prezident jurnalistlərlə görüşündə də bildirdi ki, millət vəkili olmaq istəyən, dairəsini tanısın. Yəni seçiciləri ilə tanış olsun. Amma mən qapı-qapı gəzdiyim küçələrdə eks deputat heç imza toplamağa da gəlməyib, ümumiyyətlə seçicilərini tanımır, eləcə də seçicilər onu tanımır”.


Könül İsmayılova bildirib ki, imzatoplama kompaniyasında partiyanın 2-ci qrupu Binəqədi qəsəbəsi ilə işləyir. Orada isə vəziyyət ürəkaçan deyil:

 

İnsanları qorxudurlar ki, heç kimə imza verməyin sizin millət vəkiliniz var. 3-cü qrupumuz 9 mk/r işləyir. Orda isə əhalinin bir hissəsindən şəxsiyyət vəsiqələri yığılıb və əraziyə baxan uçaskovu şəxsiyyət vəsiqəsinin surətin yığıb. Görəsən niyə bu qədər narahatdırlar? Niyə imkan vermirlər ki, real, düzgün seçki keçirilsin? Milləti düşünməyən millət vəkilləri daha nə qədər o kresloda oturacaq? Dincəlmək üçün o kresloda yox, gedib dəbdəbəli villalarında dincəlsələr yaxşıdır... Axı seçicilər sizləri istəmir, sizləri tanımır...

 

Keçmiş millət vəkilləri, pensiya yaşı ötmüş millət vəkilləri, həqiqətən yenidən o kresloda oturmaq istəyirsinizsə, xalqın içində olun, evlərə gedin ki, sizi həqiqətən tanısınlar. Çünki o tanımadığınız insanlardan səs olaraq, say olaraq istifadə edirsiniz”.

 

SEVDA
Versus.Az

Xəbər lenti

InvestAZ

Ən çox oxunan xəbərlər

Şimşək, külək, yağış, leysan…

Azərbaycan - Türkiyə birgə genişmiqyaslı taktiki təlimləri davam edir - FOTO

Qənirə Paşayevanın vətənpərvərliyini yox, qolunu müzakirə obyektinə çevirənlər…

Operativ Qərargah rayonlara gediş-gəliş qadağası ilə bağlı qərar verdi

Azərbaycanda karantin rejimi yumşaldılır

Avqustun 31-dək qüvvədə qalacaq -Sərt karantin

Azərbaycanda daha 647 nəfər COVID-19-dan sağaldı, 241 nəfər yoluxdu

“Kökəlmələr, artıq cəkilər uşaqlıqdan başlayır”

“Ximioterapiya xroniki toksaplazmozun müalicəsində effektli deyil”

"Məktəblər 3 növbə sisteminə keçməlidir"

Şəhid Xəyyam Məmmədovun ata ocağı ziyarət edilib

Çılpaq ekstrim həvəskarı çaya baş vurmağa cəhd etdi - VİDEO

DİM rezidentura imtahanında iştirak edəcək şəxslərə müraciət edib

Xaricdə doktorantura təhsili ilə bağlı sənəd qəbulunun müddəti uzadıldı

Çinin aparıcı həkimləri Bakıda