Laçın sevdası ilə ABŞ-da yaşayan azərbaycanlı

05:50 09-02-2020 | icon 796 | Cəmiyyət
Laçın sevdası ilə ABŞ-da yaşayan azərbaycanlı

Xeyli vaxtdır ki, ABŞ-ın Miçiqan ştatının East Lansing şəhərində yaşayır. Əslən Laçın rayonunun Turşsu kəndindəndir. Orada doğulub, boya-başa çatıb. Laçının müdafiəsində döyüşlərdə iştirak edib. Uzun illər keçsə də hələ də Laçını unuda bilmir. Yurd həsrəti bitib tükənmir ki, tükənmir. Gözünün ağı-qarası, yeganə övladı Nihada da Laçın sevgisini, azərbaycançılığı aşılayıb...

 

Sözümü qəribliyə salmayın, Amerikada elə soydaşlarımız var ki, övladları azərbaycan dilində bircə söz belə bilmirlər, öz dədə-baba dilində danışmağı bacarmırlar. Nihad isə tam başqadır, ana dili ilə yanaşı bir neçə dil bilir. Azərbaycan, türk, rus, ingilis dillərində mükəmməl danışır. Necə deyərlər, çox ağıllı yeniyetmədir. Artıq neçə vaxtdır ki, futbolla məşğul olur. Maraqlısı odur ki, Nihad təmsil etdiyi komandada üzərində 41 rəqəmi əks olunan libasla oynayır. 41 rəqəmi isə Laçının poçt indeksi və avtomobil dövlət qeydiyyat nişanıdır. Evlərində ona ayrılan otağa girəndə adama elə gəlir ki, uzaq Amerikada deyil, doğma Azərbaycandasan. Otaqda Azərbaycan Respublikasının simvolları göz oxşayır, adama xüsusi zövq verir...

 

Haqqında söhbət açdığım Aydın Abbasov çox vətənpərvər insandır. Amerikada yaşayan azərbaycanlı kimi buraya gələn hər bir soydaşımıza qardaş münasibəti göstərir.

 

Deyir ki,- “Qəribliyin nə olduğunu yaxşı bilirəm. Amerikada məskunlaşdığım ilk vaxtlarda çox əziyyət çəkmişəm. İstəmərəm ki, yeni gələn həmvətənlilərim də bu ağrı-acını yaşasınlar”...

 

Ömür-gün yoldaşı Elmira xanım da həmçinin, bir ana, bir bacı sayğısı ilə azərbaycanlılara yanaşır, onların qayğısını cəkir..

 

Amerikalılar evdə yemək hazırlamağı xoşlamırlar. Süfrələrində yarımfabrikat məhsullara daha çox yer ayırırlar. Elmira xanımın süfrəsində isə yalnız Azərbaycan təamlarını dadmaq olar. Çox mehriban, qayğıkeş, qonaqpərvər xanımdır...

 

Aydın heç də ömür-gün yoldaşından geri qalmır. Azərbaycanın adı gələndə gözləri gülür, sevincindən yerə-göyə sığmır.

 

Deyir ki,- "Miçiqana gələn hər kəs bilsin ki, burada Aydın adında bir qardaşı var. Hər zaman xidmət göstərməyə hazıram"...

 

Sonuncu dəfə ondan ayrılanda gözləri yaşardı. "Kaş biləydin, sizdən ayrılmaq mənə necə çətindir"- söylədi...

 

Bəli, ABŞ-ın Miçiqan ştatının East Lansing şəhərində Aydın adında bir soydaşımız var. Laçının dağları kimi vüqarlı, çeşmələri qədər saf. Qapısı həmişə azərbaycanlıların üzünə açıqdır...

Elman Eldaroğlu
Versus.Az

Xəbər lenti

InvestAZ

Ən çox oxunan xəbərlər

Səni bu günə kim salıb, Yardımlı?..

“Zəiflik, tənginəfəslik, sinədə ağrı…”

"Bakıda "Xocalı şəhərciyi" yaradılsın"

Üç ildir soyqırımla bağlı bu təklifi edirəm

HANI BU QANIN YİYƏSİ?!

"ZİRVƏ"DƏN TƏQDİM OLUNAN "PRAVDA"DA "YARDIMLININ SƏSİ"

“Xəyalımda o 12 pilləkəni ağ gəlinlik paltarda düşürdüm...”

SABİR RÜSTƏMXANLI yazır: Seçkinin ədəbiyyat havası

Gürcüstan azərbaycanlıları ana dilindən uzaqlaşdıran məqam - MÜSAHİBƏ

Ailənin tək oğlu, Şəhid qardaşı cəbhə bölgəsinə göndərilməsin - TƏKLİF

“Onlar ali təhsil almışlardan daha uğurlu karyera qura bilərlər”

Xocalı soyqırımının 28-ci ili və səbəblər... - MÜSAHİBƏ

AVMVİB rəhbərliyi və 713 nömrəli hərbi hissənin döyüşçüləri Xocalı soyqırımı abidəsini ziyarət etdilər

Sabah Bakıda hava çiskin olacaq

İrana gündəlik istiqamətlər üzrə heç bir dəyişiklik edilməyib