SSRİ pasportu ilə yaşayan şəxslər müəyyənləşdirilir

14:59 11-02-2020 | icon 322 | Cəmiyyət
SSRİ pasportu ilə yaşayan şəxslər müəyyənləşdirilir

Dövlət Miqrasiya Xidməti (DMX) SSRİ pasportu ilə yaşayan və ya vətəndaşlığını təsdiq edən hər hansı sənədi olmayan şəxslərin müəyyən edilməsi, müvafiq qaydada sənədləşdirilməsi istiqamətində işlər aparır.

 

Versus.Az xəbər verir ki, Dövlət Miqrasiya Xidmətinin əsas fəaliyyət istiqamətlərindən biri də vətəndaşlıq məsələləri ilə bağlıdır. Xidmət tərəfindən Azərbaycan vətəndaşlığına qəbul, bərpa, xitam, habelə, şəxsin Azərbaycan Respublikasının vətəndaşlığına mənsubiyyətinin müəyyənləşdirilməsi ilə bağlı şəxslərdən və müxtəlif təşkilatlardan daxil olmuş sorğular araşdırılır. 

 

Eyni zamanda, vətəndaşsızlıq hallarının qarşısının alınması və sayının azaldılması, o cümlədən vətəndaşsızlıq vəziyyətində olan şəxslərin aşkar edilərək sənədləşdirilməsi istiqamətində mütəmadi tədbirlər həyata keçirilir. Bu insanlar arasında məlumatlılığın artırılması, onların hüquqi statusunun müəyyənləşdirilməsi, yaranan problemlərin həll edilməsi, o cümlədən onların hüquqlarının səmərəli müdafiəsi naminə əməkdaşlığın gücləndirilməsi məqsədilə Azərbaycan Respublikası BMT-nin Qaçqınlar üzrə Ali Komissarlığının “10 ilə vətəndaşsızlığa son” kampaniyasına qoşulub. Vətəndaşsızlıq hallarının qısa bir zamanda aradan qaldırılması üçün Dövlət Miqrasiya Xidməti tərəfindən Xidmətin regional miqrasiya idarələrinin iştirakı ilə yerli icra hakimiyyətləri ilə birgə ölkənin şəhər və rayonlarında geniş maarifləndirmə tədbirləri həyata keçirilmiş, çoxsaylı görüşlər təşkil edilmiş, sənədsiz yaşayan şəxslərin aşkar olunması istiqamətində müvafiq işlər görülüb.

 

Görülmüş tədbirlər nəticəsində 2008-2019-cu illər ərzində 1744 nəfər vətəndaşlığı olmayan şəxs Azərbaycan Prezidentinin müvafiq sərəncamları ilə Azərbaycan vətəndaşlığına qəbul olunub. Hazırda isə heç bir ölkənin vətəndaşlığına mənsub olmayan, ölkə ərazisində keçmiş SSRİ pasportu ilə yaşayan və ya vətəndaşlığını təsdiq edən hər hansı sənədi olmayan şəxslərin Xidmət tərəfindən müəyyən edilməsi və  müvafiq qaydada sənədləşdirilməsi istiqamətində işlər davam etdirilir. /APA/

 

Versus.Az

Xəbər lenti

InvestAZ

Ən çox oxunan xəbərlər

“Azərbaycanda radikalizmə meyilli kifayət qədər məmur ordusu var” - MÜSAHİBƏ

“Nizami təkcə Azərbaycan xalqı ilə deyil, dünyayladır” - MÜSAHİBƏ

“Qazi var ki, Vətən Müharibəsindən sonra yaradılan fondların diqqətindən kənarda qalıb”

İlahi xəlqetmə, “Böyük Partlayış” və kimyəvi elementlərin transmutasiyası

"Ruslarla ermənilər əllərindən gələni edəcəklər ki, bu baş verməsin"

"Uşaqpulu mütləq verilməlidir"

"Hər bir vətəndaşımız bu bərpa işində dövlətə dəstək verməlidir"

“Torpaqlarımızı azad etdik, büdcəmizi isə bu məmurlardan azad edə bilməmişik”

“İlqar Məmmədov özünü Qərbə təslim etmiş bir adamdır”

Qripin müalicəsi və qorunma yolları

"30 il ərzində kimin kim olduğunu gördük"

Düşünülmüş və planlı şəkildə aparılan siyasətin nəticəsi - ARAŞDIRMA

JARA MUSIC AWARDS 2021

“Lazım olsa Milli Şuranın, Müsavatın qarşısına çıxarıq” - MÜSAHİBƏ

“Şuşada 17 məhəllə var idisə, bəlkə bərpadan sonra 20-25 olacaq” - MÜSAHİBƏ