“Bu, hökumətin dəstək verdiyi bir mitinq olmalıdır”

15:05 14-05-2018 | icon 179 | Siyasət
“Bu, hökumətin dəstək verdiyi bir mitinq olmalıdır”

 

Razi Nurullayev: “Bakı Şəhər İcra Hakimiyyəti məsuliyyət daşıyır və məhkəmədə uduza bilər”

 

“Qarabağla bağlı fəallığın olmasının, mitinqlərin keçirilməsinin tərəfdarıyam. Lakin bu, 10-15 nəfərin yığılıb keçirəcəyi mitinq olmalı deyil. Bu, hökumətin dəstək verdiyi bir mitinq olmalıdır”.

 

Bunu Versus.Az-a AXCP sədri Razi Nurullayev Qarabağ həqiqətlərinin dünya ictimaiyyətinə çatdırılması baxımından mitinqlərin zəruriliyi ilə bağlı açıqlamasında bildirib.

 

AXCP sədri bildirib ki, bu mitinqlər xalqın birliyini, gücünü göstərmək üçün çox vacibdir. Ona görə də burda tək QAT və ona dəstək olan təşkilatlar yox, həm də bütün ictimai-siyasi təşkilatlar və hökumət iştirak etməlidir.

 

R.Nurullayev eyni zamanda bildirib ki, Qarabağla bağlı keçirilən icazəsiz  mitinqlər Azərbaycan xalqının maraqlarına uyğun olmaya bilər:

 

“Belə məsələlərdə zorakılıq olmaz. Qarabağla bağlı mitinqdə polis zorakılığı olarsa, dünya ictimaiyyətinə özümüz haqqında çox mənfi bir  mesaj vermiş olarıq. Bundan sonra isə mitinqi keçirənlərlə, ona icazə verməyənlərin məsuliyyəti eyni olacaq”.

 

AXCP sədri bildirib ki, siyasi və ictimai təşkilatlar haqqında qanuna əsasən BŞİH 5 iş günü ərzində mitinqlə bağlı müraciətə rəsmi cavab verməlidir:

 

“Əgər cavab verməyibsə, əlbəttə ki, məhkəmə yolu və yaxud da adi bir qaydada görüş tələb edib məsələnin məğzini aydınlaşdırmaq olar. İstənilən halda  mitinqçilərin bütün müraciət qaydaları qanunla tənzimlənibsə, BŞİH buna cavab vermədiyinə görə məsuliyyət daşıyır və məhkəmədə uduza bilər”.

 

Ləman
Versus.Az

Xəbər lenti

InvestAZ

Ən çox oxunan xəbərlər

Qənirə Paşayeva Hatay vilayətində türk dünyası gəncliyinə çağırış edib

Versus.Az Talk TV kollektivini təbrik edir

““Yeni” dediyiniz qüvvələr artıq özləri “köhnə”lərə qarmaq atırlar” - MÜSAHİBƏ

“Müxalifətin içərisinə 30 illik minalar basdırılıb” - MÜSAHİBƏ

“Və yaxud, “o kimdir ki, onunla bir yerdə olaq, o, hakimiyyətin əlaltısıdır...”” - MÜSAHİBƏ

İlyas İsmayılovun oğlu öldürüldü

Xərçəngin yayılmasının ağlagəlməz səbəbləri

Restoranlar barəsində tədbirlər görülməyə başlanıldı

APA-nın əməkdaşı prezidentdən kömək istədi - MÜRACİƏT

AXCP Oğuz rayon şöbəsinin sədrinə və üzvlərinə təzyiqlər davam edir

ALDP-də yağışdan sonra yaranan vəziyyət müzakirə edilib

Azərbaycanda müəllimlərin sertifikatlaşdırılmasına başlanacaq

"At qripi"

Əlil arabasında hərəkət edənlər də istifadə edə biləcək

"Rəhbər vəzifələrə maraq azalıb"