Paşayevadan güllələnmiş abidələrlə bağlı TƏKİLF

18:54 08-05-2020 | icon 189 | Siyasət
Paşayevadan güllələnmiş abidələrlə bağlı TƏKİLF

DEPUTAT: "Yaxşı olardı ki, bu heykəllər Şəhidlər Xiyabanına və ya Dənizkənarı Bulvara qoyulsun"

 

Millət vəkili Qənirə Paşayeva Milli Məclisin bu gün keçirilən iclasında təklif edib ki, güllələnmiş abidələr Şəhidlər Xiyabanına qoyulsun.

 

 
 
Versus.Az xəbər verir ki, millət vəkili, Mədəniyyət Komitəsinin sədri Qənirə Paşayeva Milli Məclisin iclasında işğalçı Ermənistan vandalizminin qurbanı olan Xurşudbanu Natavan, dahi Üzeyir Hacıbəyli, böyük Bülbülün heykəlləri barədə danışıb və abidələrin daha çox insan tərəfindən görülməsi üçün bir sıra təkliflərini bildirib.
 
 
Çıxışına 28 ildir işğal altında olan Şuşa haqqında danışaraq başlayan millət vəkili şəhidlərimizi rəhmət, sevgi və sayğı ilə anıb. O bildirib ki, bizi Şuşaya aparan yol daha da güclənən Azərbaycandan keçir. "Artıq uzun illərdir ki, bu ağrı ilə yaşayırıq. İnanırıq ki, Ali Baş Komandanımızın rəhbərliyi ilə torpaqlarımızı işğaldan azad edəcəyik" deyən Qənirə Paşayeva vurğulayıb ki, hər kəs bu istiqamətdə məsuliyyətini dərk etməli və Prezidentin ətrafında sıx birləşməli, birliyimizi, həmrəyliyimizi daha da gücləndirməliyik.
 
 
Q.Paşayeva güllələnmiş abidələrin şəhidlər xiyabanına qoyulması təklifi ilə Nazirlər Kabinetinə müraciət edib:
 
“Şuşanın simvolu olan Xurşudbanu Natavan, dahi Üzeyir bəy Hacıbəyli və böyük Bülbülün heykəlləri işğalçı Ermənistan vandalizminin qurbanıdır. Heykəllərin hər 3-ü indi İncəsənət Muzeyinin həyətində saxlanılır. Amma ölkəmizə gələn rəsmi qonaqlar, xarici turistlər, o cümlədən vətəndaşlarımız bu muzeyi az hallarda ziyarət etdikləri üçün muzeyin həyətində olan heykəlləri də görə bilmirlər. Çox yaxşı olardı ki, Şuşanı və işğalçı Ermənistanın vandalizmini anlatan bu heykəllər Şəhidlər Xiyabanına və ya Dənizkənarı Bulvara qoyulsun. Çünki Şəhidlər Xiyabanına və ya Dənizkənarı Bulvara qoyularsa ölkəmizə gələn rəsmi qonaqlar, çoxlu sayda turistlər və vətəndaşlarımız bu heykəlləri görüb vəhşi erməni vandalizminin dəhşətlərinin yaxından şahidi ola biləcəklər.”
 
 
Mədəniyyət komitəsinin sədri Nazirlər Kabinetinin bu təklifə müsbət reaksiya verəcəyinə və məsələnin yaxın zamanlarda öz həllini tapacağına inandığını deyib.

 

PƏRİ
Versus.Az

Xəbər lenti

InvestAZ

Ən çox oxunan xəbərlər

“Mən istədim, Elçibəy prezident oldu” deyən Surət Hüseynova sərt REAKSİYA

Bu gündən bu bölmələr üzrə uşaqlar onlayn müsahibədə iştirak edəcək

Şuşa inauqurasiyası, mən, qarğalar…

Kanadanın ABŞ-la olan sərhədlərin açılmasının daha 30 gün uzadılmasına razılıq verilib

“Milli Məclisin ayrıca bir ittihamçı BƏYANATına ehtiyac var”

Ukrayna tərəfinin "qeyri-diplomatik addım"ı kimi dəyərləndirildi

Poroşenko dövlətə xəyanətdə ittiham olunur

“Azərbaycan ultimatumla danışmağı məqbul saymır” - MÜSAHİBƏ

Bu tələbələrin təhsil haqqının ödənilməsi üçün yeni sistem istifadəyə verilib

Magistraturaya ayrılan yerlərin sayı məlum olub

Şəhidlərin nahaq qanı bizi bağışlamasın

Rüstəm Usubovla bağlı daha bir SƏRƏNCAM

Havadan XƏBƏR var

Kolleclərə sənəd verən abituriyentlərin sayı açıqlanıb

Hanı diplomatik bombalar?