HEYDƏR ƏLİYEV - Missiyalı Lider

13:45 10-05-2020 | icon 350 | Kürsü
HEYDƏR ƏLİYEV - Missiyalı Lider

Yüz ildə bir dəfə doğulanlar

ƏLİSAHİB HÜSEYNOV
/DADP sədri/

 

Bu gün Ulu Öndərimiz Heydər Əliyevin anadan olmasının 97-ci ilini qeyd edirik. Hesab edirəm ki, Heydər Əliyevin ömür yolunu, siyasi fəaliyyətini, liderlik keyfiyyətlərini öyrənmək və bu təcrübədən, bu irsdən öz gündəlik işində istifadə etmək hər bir siyasətçi üçün faydalı olar.

 
 
Mən bunu qəti əminliklə deyirəm ki, Heydər Əliyev siyasi düşərgəsindən, ideoloji mövqeyindən asılı olmayaraq hər bir siyasətçi, ictimai xadim üçün məktəbdir, xəzinədir.
 
 
Tarixdə adları qalan və ya unudulan liderlər çox olub. Heydər Əliyev tarixdə adı qalan, tarixdə iz qoymuş liderlərdəndir. Unudulub tarixdən silinən liderlərdən fərqli olaraq Heydər Əliyev kimi liderlər missiyalı liderlərdir. Onlar öz xalqları, bütövlükdə insanlıq üçün mühüm missiyaların yerinə yetirilməsindən ötrü doğulurlar.
 
 
Heydər Əliyev kimi nəhəng siyasi şəxsiyyətlər yüz ildə bir dəfə doğulurlar. Onun Missiyası tariximizin ən mürəkkəb məqamlarından birində - ötən əsrin 90-cı illərində xalqımızın varlığını qoruyub saxlamaq, dövlətçiliyimizi yaşatmaq və Türk Dünyasının siyasi-iqtisadi birlik halına gəlməsi üçün gərəkən addımları atmaq idi. Heydər Əliyev usta siyasətçi, müdrik dövlət adamı kimi bu vəzifələrin hər birinin öhdəsindən layiqincə gəldi.
 
 
Heydər Əliyevin müstəqil Azərbaycanın lideri kimi hakimiyyətdə olduğu on illik dönəm (1993-2003-cü illər) mənim nəzərlərimdə tariximizin ən parlaq, qızıl dövrlərindən biridir. O, müasir tariximizin olduqca kritik bir məqamında – 1993-cü ildə Azərbaycanın böyük siyasət səhnəsinə qayıtmaqla ölkəmizi parçalanmaqdan qorudu. Mən həmin dövrü yaxşı xatırlayıram. Bu tarixi əsla unutmaq olmaz. Həmin məqamda tamamilə ümidsiz vəziyyətə düşmüş, vətəndaş müharibəsi həddinə gəlib çatmış və separatçıların bölücülük planları ilə baş-başa qalmış bir ölkəni ayaqda saxlamaq, onu qorumaq və xalqı böhrandan çıxarmaq həqiqətən də böyük tarixi Missiya idi. Xilaskarlıq Missiyası idi.
 
 
Elə təkcə bu Missiyasına görə ölməz liderimiz Heydər Əliyevi hər zaman böyük minnətdarlıq hissi ilə xatırlamağa, yad etməyə dəyər.
 
Doğum günün mübarək olsun, Ulu Öndər!
 

Xəbər lenti

InvestAZ

Ən çox oxunan xəbərlər

“Bu xəstəlik istənilən yaşda hər kəsi yaxalaya bilər”

Pandemiya ilə bağlı ən faciəvi görüntü - VİDEO

Son 10 ildə ən yaxşı penalti vuran futbolçular

Hava XƏBƏRDARLIĞI

Sədərək Ticarət Mərkəzi açılır

“Barselona”nın baş məşqçisi beş əvəzetməni şərh edib

Dünya kubokunun azərbaycanlı qalibi Ramil Səfərova şahmat əsəri YAZDI

Vətənin və Ramil Səfərovun haqqı

“Türk dünyası həqiqətlərinin daha geniş yayılmasında aydınların rolu” - onlayn KONFRANS

Maska taxmamağa görə tətbiq olunacaq cərimə məbləğləri açıqlandı

İyunun 15-i saat 00.00-dək uzadıldı

Ramil Səfərovla bağlı iddiaları qitə məhkəməsi qəbul etmədi

Komitə sədri qədim Azərbaycan-türk yurdu İrəvanın mədəniyyət tarixi ilə bağlı çıxış edib

Azərbaycanla Türkmənistan arasında səfirlikər üçün torpaq sahəsi ilə bağlı saziş TƏSTİQLƏNDİ

“Beşiktaş” “Mançester Yunayted”in müdafiəçisini istəyir