"Həmsədrlərin mövqesiz diplomatiyası və dişsiz beynəlxalq hüquqla baş-başa qalmışıq"

18:39 13-05-2020 | icon 234 | Siyasət
"Həmsədrlərin mövqesiz diplomatiyası və dişsiz beynəlxalq hüquqla baş-başa qalmışıq"

Əlisahib Hüseynov: "Məlum "atəşkəs müqaviləsi"ni dayandırmaq və düşmənə ordumuzun gücünü göstərmək lazımdır"

 

""Atəşkəs" sözü ermənilərin əlində həmişə bir bəhanə rolunu oynayıb. Onlar 1994-cü il mayın 12-də atəşkəs haqda "Bişkek protokolu"nu imzaladıqları gündən üzü bəri demək olar ki, hər gün atəşkəs rejimini pozublar. Amma eyni zamanda da görünməmiş həyasızlığa yol verərək həmişə Azərbaycanı beynəlxalq təşkilatlara şikayət ediblər və atəşkəsin pozulmasının günahını hər dəfə məhz bizim üzərimizə yıxmağa çalışıblar".

 

Versus.Az xəbər verir ki, bunu ATƏŞKƏSin 26 illiyi ilə bağlı açıqlamasında DADP sədri Əlisahib Hüseynov bildirib.

 

Partiya sədri vurğulayıb ki, ermənilər bu gün də bu həyasız dezinformasiya, saxtalaşdırma siyasətini davam etdirirlər:

"Ötən gün Ermənistan Respublikasının silahlı qüvvələri Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimizi növbəti dəfə atəşə tutublar. Eləcə də, Tərtər rayonunun işğal altında olan Göyarx, Ağdam rayonunun Yusifcanlı, Füzuli rayonunun Aşağı Veysəlli, Qərvənd, Qaraxanbəyli, Qorqan, Horadiz kəndləri yaxınlığında, həmçinin Goranboy, Tərtər və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub. Oxşar vəziyyət demək olar ki, hər gün təkrarlanır. İşğalçı ölkə ya cəbhənin təmas xəttində atəşkəsi pozur, yaxud Ermənistan-Azərbaycan dövlət sərhədinin Qazax rayonundakı hissəsində vaxtaşırı təxribatlar törədir. Azərbaycan tərəfi isə heç şübhəsiz ki, hər dəfə düşməni cavab atəşi ilə susdurmaq məcburiyyətində qalır".

 

Həmsədr ölkələrin isə bu duruma göz yumduğunu, Ermənistandan məsuliyyətli davranmağı və işğalçılıq siyasətinə son qoymağı tələb edə bilmədiyini qeyd edən Ə.Hüseynovun sözlərinə görə, bu gün həmsədrlərin mövqesiz diplomatiyası və dişsiz beynəlxalq hüquqla baş-başa qalmışıq:

"Odur ki, zənnimizcə, Birinci Qarabağ Müharibəsi vaxtı Ermənistan-Azərbaycan cəbhə bölgəsində atəşkəsi nəzərdə tutan, lakin heç bir hüquqi xarakter daşımayan məlum "atəşkəs müqaviləsi"ni dayandırmaq və düşmənə ordumuzun gücünü göstərmək lazımdır. Əks halda, Ermənistan tərəfindən atəşkəs rejiminin pozulması halları bundan sonra da eyni qaydada davam edəcək".

 

LƏMAN
Versus.Az

Xəbər lenti

InvestAZ

Ən çox oxunan xəbərlər

“Mən istədim, Elçibəy prezident oldu” deyən Surət Hüseynova sərt REAKSİYA

“Milli Məclisin ayrıca bir ittihamçı BƏYANATına ehtiyac var”

“Azərbaycan ultimatumla danışmağı məqbul saymır” - MÜSAHİBƏ

Bu tələbələrin təhsil haqqının ödənilməsi üçün yeni sistem istifadəyə verilib

Magistraturaya ayrılan yerlərin sayı məlum olub

Şəhidlərin nahaq qanı bizi bağışlamasın

Rüstəm Usubovla bağlı daha bir SƏRƏNCAM

Havadan XƏBƏR var

Kolleclərə sənəd verən abituriyentlərin sayı açıqlanıb

Hanı diplomatik bombalar?

İşğalçı ölkənin riyakarlığının son həddi

“Zəli ilə müalicə heç bir mənfi təsir vermir”

Sabahdan 8 günlük bayram tətili başlayır

Prezident Ramazan bayramı münasibətilə Azərbaycan xalqını təbrik edib

“Müdafiə naziri Paşinyanın vertalyotunu vurmalıydı” - MÜSAHİBƏ