Laçın təkcə laçınlıların deyil...

17:34 17-05-2020 | icon 1101 | Kürsü
Laçın təkcə laçınlıların deyil...

Hələlik döyüş meydanlarına atıla bilmiriksə...

NƏSİMİ MƏMMƏDLİ

 

Laçın təkcə laçınlıların deyil hər birimizin heç bir halda düşmənə güzəştə getməyəcəyimiz qədim yurdumuzdur. Bu yurdumuz uğrunda bir gün mütləq çox amansız döyüşə atılacağımıza kimsənin şübhəsi olmasın.

 

Kiçik istisnalar olsa da bu, təslimçi atəşkəsi xalqımızın əksəriyyəti həzm edə bilmir və illərdir hakimiyyətdən siyasi iradə gözləyir. Bu mühüm strateji əhəmiyyətli yurdumuzun 28 ildir işğalda qalması xalqımıza töhmət olmaqla yanaşı, sülh danışıqlarında Laçının “koridor” kimi müzakirəyə çıxarılması da ulu əcdadlarımızın ruhuna təhqirdir.

 

Belə bir alçaldıcı sülhlə heç bir halda barışmayacağımızı hər kəsin bilməsində fayda var.
Son dövrlər vətəndaşlarımız məqsədyönlü şəkildə elə bir duruma salınıb ki, nə özləri, nə də vətəni haqqında düşünür. Hətta ən təsirli çağırışlara belə reaksiya verməyə mənəvi gücü qalmayıb.


Hələlik döyüş meydanlarına atıla bilmiriksə, heç olmasa işğal altındakı torpaqlarımızı unutmadığımızı, bu işğalla barışmadığımızı hər fürsətdə ifadə etməyə çalışaq. Hər bir laçınlı, qarabağlı, azərbaycanlı bir status yazmaqla sosial şəbəkələrdə gündəm yaradaq. Əlimizdə olan resursları hədəfə ardıcıl və düzgün istiqamətləndirək.

 

Əziz həmvətənlər, biz getdikcə çox təhlükəli biganəliyə, acizliyə yuvarlanırıq. Son vaxtlar Şuşanın işğal günündə Ermənistan rəhbərliyinin saymazyana şəkildə işğal bölgəsinə gəlməsinə, “DQR”-in “prezident” andiçmə mərasimini 21 mayda məhz Şuşada keçirməyə hazırlaşmasına Azərbaycan cəmiyyətindən sərt reaksiyalar görünmür. Sanki acı taleyimizlə barışmışıq. Dədə-babalarımızın bizə miras qoyduğu yurdlarımızdan vaz keçmişik.


Biz cəmiyyətin fəal şəxsləri qətiyyən ruhdan düşməməliyik, usanmamalıyıq, düşməni sevindirməməliyik. Bu çətin sınaqdan alnıaçıq çıxmaq üçün xalqımızın önündə addımlamalıyıq.

Şəhidlərimizə Allahdan rəhmət diləyir, qazilərimizə sağlıqlı uzun ömür arzulayıram.

Xəbər lenti

InvestAZ

Ən çox oxunan xəbərlər

“Milli Məclisin ayrıca bir ittihamçı BƏYANATına ehtiyac var”

“Azərbaycan ultimatumla danışmağı məqbul saymır” - MÜSAHİBƏ

Bu tələbələrin təhsil haqqının ödənilməsi üçün yeni sistem istifadəyə verilib

Magistraturaya ayrılan yerlərin sayı məlum olub

Şəhidlərin nahaq qanı bizi bağışlamasın

Rüstəm Usubovla bağlı daha bir SƏRƏNCAM

Havadan XƏBƏR var

Kolleclərə sənəd verən abituriyentlərin sayı açıqlanıb

Hanı diplomatik bombalar?

İşğalçı ölkənin riyakarlığının son həddi

“Zəli ilə müalicə heç bir mənfi təsir vermir”

Sabahdan 8 günlük bayram tətili başlayır

“Müdafiə naziri Paşinyanın vertalyotunu vurmalıydı” - MÜSAHİBƏ

Prezident Ramazan bayramı münasibətilə Azərbaycan xalqını təbrik edib

Müəllimlərin onlayn müsahibələrinin nəticələri məlum olub