“İcra başçıları həbs olunmayan rayonlarda da problem qalır”

20:57 19-05-2020 | icon 258 | Sosial
“İcra başçıları həbs olunmayan rayonlarda da problem qalır”

“Ünvanlı sosial yardımın verilməsində insan amilinin aradan qaldırılması istənilən səviyyədə deyil".

 

Versus.Az xəbər verir ki, bunu Milli Məclisin bu gün keçirilən iclasında “Ünvanlı dövlət sosial yardımı haqqında” qanuna təklif edilən dəyişikliyin müzakirəsi zamanı millət vəkili Zahid Oruc deyib.

 

O bildirib ki, ünvanlı sosial yardımın verilməsindənsə sahibkarlığı inkişaf etdirmək daha yaxşı olardı:

"5 rayonda icra hakimiyyəti rəhbərlərinin həbsi sübut etdi ki, biz bu problemdən qurtulmaq üçün sahibkarlığı inkişaf etdirməliyik. İcra başçıları həbs olunmayan rayonlarda da bu problem qalmaqdadır. Yaşam şəraitinin yaxşılaşdırmaq və bu problemlərdən qurtulmaq üçün sahibkarlığı inkişaf etdirməliyik”.

 

Oruc bildirib ki, Azərbaycan dövlətinin sosial siyasəti fədakarlıq nümunəsidir və pandemiya dövrü bunun ən yüksək nümayişi olub:

“Ötən illər hər hansı fəaliyyətintəftiş etmədən yardımlar bir sıra halda ünvansız olub. Kasıb ailələr əvəzinə imkanlı şəxslər həmin yardımdan bəhrələniblər. Bu da haqlı narazılıqlar yaradır. Bu sahədə qəyyumluq, ələbaxımlığın aradan qaldırılmasından qabaq bir çox suallara cavab vermək lazımdır. Məsələn, mənim təmsil etdiyim Bərdə rayonunda yardım alan ailələrin sayı Masallı ilə müqayisədə az qala 4 dəfə geri qalır. Qarabağın ən ağır humanitar yükünü üzərində daşıyan Bərdədə həmin ailələrin sayı 1200, Masallıda isə 6000 ailə təşkil edir. İşsizlik statusunun alınması üçün reallıqda baş verən sıra neqativ hallar burada başlıca rol oynayıb. Digər mühüm məsələ alternativ siyasətlə yardım alanları normal iş rejiminə qaytarmaqdır. Söhbət ondan gedir ki, özünüməşğulluq proqramı və ya ictimai işlər həmin yardım alanları daimi və normal məşğulluq fəaliyyətinə cəlb edilməsinin effektivliyini dəyərləndirməyə çalışmalıyıq. 7800 ailə əvəzinə 12000, yaxud 50 min ailə üzərinə 90 minə çatan dövlət sosial siyasət proqramlarını məhz ölkə rəhbəri irəli sürüb. İndi isə Nazirliyin təqdim etdiyi hesabatdan görünür ki, ictimai işlərə cəmi 61 min insan müraciət edib. Bu necə ola bilər, həqiqətənmi insanlar işləmək istəmir?”

 

Oruc vurğulayıb ki, icra hakimiyyəti başçılarının həbsləri göstərdi ki, həmin ictimai işlərə can atılması nə üçün aşağı səviyyədədir:

“Digər rayonlarda da vəziyyət eynidir. Halbuki yardım siyasətinin alternativi insanlara iş yerini özünün açması şəraitini təmin etməkdir. İş yerini vətəndaş özü rahat bir şəkildə açanda dövlətin yükü azalacaq”.

Xəbər lenti

InvestAZ

Ən çox oxunan xəbərlər

Bu dərman ölüm riskini artırır

“Biz birlikdə güclüyük” layihəsi çərçivəsində aztəminatlı tovuzlulara edilən yardıma görə TƏŞƏKKÜR

Çempionlar Liqasının 10 ən yaxşı baş məşqçisi kimlərdi?

Əli Həsənov, Vüqar Səfərli və Əflatun Amaşov həbs edilir?

"Spartak" azərbaycanlı futbolçunu qovdu

Küçə itinə hücum edən pitbulu yalnız təzyiqli su sakitləşdirə bildi - VİDEO

Acun Ilıcalı “Instagram”da dünya rekordunu yenilədi - FOTO

Tovuzda “Tariximizi və mədəniyyətimizi dərindən öyrənək” adlı aksiya keçirilib

Naxçıvan istiqamətində GƏRGİNLİK

"Cümhuriyyət tariximizlə qürur duyuruq"

102 yaşın mübarək, Azərbaycan!

"Əminəm ki, bizim müstəqillik inkişafımız davamlı olacaq"

Mehriban Əliyeva Azərbaycan xalqını təbrik edib

"Dövlətimiz əbədi, milətimiz uca olsun hər zaman"

"Cumhuriyyət günün mübarək, Azərbaycan!"