Daha 2 futbolçu ilə yollar ayrıldı

17:01 31-05-2018 | icon 81 | İdman
Daha 2 futbolçu ilə yollar ayrıldı

“Qəbələ” daha iki futbolçu - Vitali Vernidub və Famussa Kone ilə yollarını ayırıb.

 

Versus.Az klubun saytına istinadən məlumat verir ki, futbolçuların 2017-2018-ci illər mövsümünün ardından başa çatan müqavilələrinin uzadılmamasına qərar verilib.

 

2015-2016-cı illər mövsümündən öncə “qırmızı-qaralar”a qoşulan V.Vernidub komandanın heyətində 78 oyun keçirib. 3 qol vuran ukraynalı müdafiəçi Premyer Liqada 45, UEFA Avropa Liqasında 26, Azərbaycan kubokunda isə 7 oyuna çıxıb. O, Premyer Liqada 2, avrokuboklarda 1 dəfə fərqlənib. Arxa xətt oyunçusu “Qəbələ” ilə Premyer Liqanın iki gümüş və bir bürünc mükafatını qazanıb, iki dəfə UEFA Avropa Liqasının qrup mərhələsinə yüksəlib və iki dəfə ölkə kubokunun finalçısı olub.

 

Ötən yaydan “Qəbələ”də çıxış edən F.Kone 33 matçda 7 qol vurub. Malili hücumçu çempionatda 23 oyunda 6 dəfə fərqlənibsə, kubokda 6 matça 1 qol vurub, avrokubokda isə 4 görüşə çıxıb. O, komanda ilə Premyer Liqanın gümüş medalını əldə edib və kubokun finalçısı olub.

"Qəbələ" bundan əvvəl Ruslan Qurbanovla da yollarını ayırıb.

 

2016-cı ilin yayından “qırmızı-qara” forma geyinən R.Qurbanov komandada ümumilikdə 59 oyun keçirib, 11 qol vurub. Yarımmüdafiəçi çempionatda 45 (6 qol), kubokda 8 (3 qol), avrokuboklarda 6 (2 qol) oyuna çıxıb. O, Premyer Liqada iki gümüş medal əldə edib, iki dəfə kubokun finalına yüksəlib və UEFA Avropa Liqasının qrup mərhələsinin iştirakçısı olub.

Xəbər lenti

InvestAZ

Ən çox oxunan xəbərlər

Millət vəkili Boluda Türk dünyasına önəmli çağırışlar edib

Millət vəkili milli məclisdə iki mühüm çağırış edib

“Yeni bir Çanaqqaladan keçirik”

Pensiyalar artıb

Onlar "hər zaman Azərbaycanın yanındayıq" dedilər

"Bu, bütün müxalifətin çarəsiz etirafıdır"

Onları cərimələyəcəklər

"Bu suala cavab verməyə çətinlik çəkirəm"

ALDP sədrindən müstəqillik təbriki

Tıxaca səbəb olan sürücülərə müraciət edildi

"Hər kəs eyni qaydada dəfn mərasimi keçirəcək"

Akif Nağı sədrlik vəzifəsini İlham İsmayıla təhvil verib

Bu məhkumlarla bağlı qanun dəyişir

""Camaat nə deyər?!" prinsipi..."

"Müstəqilliyimizi necə qazandıq?" - AXCP-də MÜZAKİRƏ