GUAM-ı necə dirçəltmək olar?

16:22 18-06-2020 | icon 139 | Siyasət
GUAM-ı necə dirçəltmək olar?

Deputat və eks-nazir eyni hədəfi göstərdi

 

Ötən il uzun müddətdən sonra GUAM-ın (Demokratiya və iqtisadi inkişaf üzrə təşkilat) yenidən aktiv mərhələyə daxil olması müşahidə edildi. Təşkilata üzv olan 4 ölkənin - Gürcüstan, Ukrayna, Moldova və Azərbaycanın hakimiyyət orqanları arasında hər hansı bir ticarət sərhədi və baryerinin olmaması barədə razılığa gəlindi. Azad ticarət zonasının isə artıq 2020-ci ildə yaradıla biləcəyi haqqında fikirlər ortaya atıldı. Lakin bu müzakirələrdən sonra GUAM-ın fəaliyyətində yenidən durğunluq müşahidə olunur.

 

Maraqlıdır, GUAM-ın hazırkı fəaliyyəti necə qiymətləndirilir və bu təşkilatın gələcək perspektivi hansı şəkildə mövcuddur?

 

Sabiq xarici işlər naziri Tofiq Zülfüqarov hesab edir ki, təşkilatın potensialı hələ sona qədər istifadə olunmayıb:

“İstiqamətlərdən biri kimi Avropa İttifaqı ilə əlaqələri daha da gücləndirmək formatı əlverişli ola bilər. Çünki “Şərq Tərəfdaşlığı”nın tərkibində müxtəlif vəziyyətdə olan dövlətlər cəmləşib. GUAM-ın bu təsisatdan fərqi isə eyni problemlər yaşayan ölkələrin bir araya gəlməsidir. Əsas problemi olan ərazi bütövlüyünün pozulması GUAM ölkələrinin hamısında mövcuddur. Bu fərqi istifadə edərək təşkilata yeni fəallıq impulsu vermək hesab edirəm ki, çox vacib məsələ olardı. Avropa İttifaqının, Avropa Parlamentinin, həmçinin komissiyanın nəzdində elə GUAM ölkələrinin dostları şəklində lobbiçilik, əlaqələrin inkişafı ilə məşğul olan qurum olsaydı, bu dövlətlərin hamısı faydasını görəcəkdi”.

 

Deputat Asim Mollazadə isə GUAM-ın ən əsas fəaliyyətində canlılığın bu təşkilatı təbliğ edən ölkənin istəkləri ilə bağlı olduğunu bildirib:

“Bu təşkilatda birləşən ölkələri ortaq tarix, qarşılıqlı maraqlar, xüsusi layihələr birləşdirir. Mənə elə gəlir ki, bu təşkilatı daha da inkişaf etdirmək olar. GUAM-ın böyük potensialı var. Burada birləşən ölkələrin ortaq tarixi, bir sıra sahələrdə qarşılıqlı maraqları var. Bütün bu ölkələr ərazisinin işğalına məruz qalıblar. Ona görə, münaqişələrin həlli, beynəlxalq hüququn aliliyi, bütün beynəlxalq təşkilatlarda baxımından bu ölkələr birlikdə olsa, onlara qarşı olan haqsızlığın qarşısı alına bilər”. /modern.az/

 

Versus.Az

Xəbər lenti

InvestAZ

Ən çox oxunan xəbərlər

Qənirə Paşayevadan tükürpədici ÇAĞIRIŞ

Söz cilalayıcılarından biri - MİRBAĞIR BÜNYADOV

“Hafiz Hacıyev danışanda Fəzail Ağamalı və digərləri harda idi?!” - MÜSAHİBƏ /FOTO/

“Müalicə uyuşmanın səbəbindən asılı olaraq dəyişir”

Kiyevdə yerli gənclər Azərbaycan rəqsinə oynadılar - VİDEO

Narkoz altında dəstəmaz aldı - VİDEO

Koronavirusu aşkar edən “ağıllı” üzük yaradıldı

Prezident Xarici Kəşfiyyat Xidmətinin strukturunda dəyişiklik etdi

İspaniya klubu baş məşqçi və idman direktorunu qovdu

NATO Əfqanıstanla bağlı Rusiyaya çağırış etdi

ABŞ Türkiyədən “S-400” ləri ala bilər

Sevgilisinin meyitini itlərə yedirən keçmiş futolçunun paylaşımı diqqət çəkdi - FOTO

Azərbaycanlı aparıcı birnəfəsə litryarımlıq suyu içdi - VİDEO

Azərbaycan idmançısına 144 aylıq cəza verildi

Futbolçular himni dizi üstə və göz yaşları ilə dinlədi - VİDEO