Cərimələnən iş adamı etiraz edir

13:44 18-07-2020 | icon 429 | Cəmiyyət
Cərimələnən iş adamı etiraz edir

Mürvət Həsənli: “Restoranda əylənmək olar, amma kədərlənmək olmazdı?”

 

Bakı Şəhər Baş Polis İdarəsindən verilən məlumata görə, Nizami RPİ və 24-cü Polis Polis Bölməsi əməkdaşlarının keçirdiyi müvafiq tədbirlərlə bu gün rayonun Naxçıvanski küçəsində keçirilən 40 mərasiminin təşkilatçıları və iştirakçıları barəsində qanunvericiliyə uyğun tədbir görülüb.

 

Onlarla profilaktik və izahedici söhbətlərdə diqqətə çatdırılıb ki, hər bir şəxs tətbiq olunan qaydalara, sosial məsuliyyətdən irəli gələrək özünü, yaxınlarını və digər şəxsləri qorumaq üçün mövcud sanitar-gigiyenik qayda və tələblərə ciddi riayət etməli, başqalarını da buna çağırmalıdır.

 

Məlumatda həmçinin bildirilib ki, iyunun 8-də 450 nəfərin iştirakı ilə “Xəmsə” restoranında təşkil olunun mərhumun 3 mərasiminin qarşısı polis tərəfindən alınaraq, mərasimin təşkilatçısı, mərhumun qardaşı, restoranın sahibi M.Həsənli İnzibati Xətalar Məcəlləsinin 211-ci maddəsinə uyğun olaraq, 5000 manat cərimə olunub.

 

Versus.Az xəbər verir ki, Mürvət Həsənli bu məlumatla bağlı “AzPolitika.info”-ya açıqlama verib.

 

İş adamı bildirib ki, bu gün mərhum qardaşının 40-ı olub, bu səbəbdən ən yaxın qohumları, təxminən 25 nəfər bir yerə yığışıb:

“Bu, yayılan məlumatda iddia olunduğu kimi, böyük mərasim olmayıb. Əlbəttə, ölkədə karantin rejimi var, hamımız mümkün qədər karantin qaydalarına əməl etməliyik. Amma həyat da davam edir... Bizim ailəmiz isə bu ağır günlərdə ikiqat zərbə aldı - gənc qardaşım dünyasını dəyişdi. Bu gün onun 40-ı günü idi. Ən yaxın qohumlar təsəlli üçün bir yerə yığışmışdı. Gələnlərə gəlmə demək də olmur axı..."

 

450 nəfərin iştirakilə 3 mərasimi keçirilməsinə gəlincə, M.Həsənli bu məlumatın da şişirdildiyini vurğulayıb:

 

"İyunun 8-də qardaşımın dəfnindən sonra başsağlığına gələnləri əyləşdirmək üçün sahibi olduğum restoranın həyətində, yəni açıq havada mövcud olan “besedkalarda” təxminən 100 nəfərlik stol hazırlatdım. Nəzərinizə çatdırım ki, iyunun 8-də ölkədə sərt karantin rejimi mövcud deyildi. Səhər 8-dən axşam saat 22:00-a dək restoranların fəaliyyətinə icazə verilmişdi. Buna baxmayaraq əksər yaxınlar, dostlar da vəziyyəti nəzərə alaraq çox oturmur, 5-10 dəqiqə əyləşir, başsağlığı verib gedirdilər. Bu zaman 100-dən artıq polis əməkdaşı əraziyə gəldi, vəziyyətimizin, aldığımız zərbənin ağırlığına məhəl qoymadan, eyni zamanda karantin qaydalarına əməl olunduğuna, masaların 8 nəfərlik olduğuna, sosial məsafənin qorunduğuna əhəmiyyət vermədən müdaxilə etdilər və məni 5 min manat cərimə edərək getdilər".

 

İş adamı bir daha vurğulayıb ki, həmin gün Bakıda indiki kimi sərt karantin rejimi mövcud deyildi. Yəni 10 nəfərdən çox olmayan qruplar halında axşam saat 10-a dək restoranlara getmək olardı:

 

"Mən isə ara məsafəni də gözləməklə 8 nəfərlik stollar hazırlatmışdım. Polis əraziyə gələndə uzağı 100 nəfər adam var idi və bunlar bir-biri arasında xeyli məsafə olan ayrı-ayrı masalarda əyləşmişdilər. Masaların üzərinə maska, dezinfeksiyaedici məhlullar qoyulmuşdu. İndi mən sual edirəm: necə ola bilər ki, restoranda bir masada 10 nəfərlik qrupla əyləşib, yeyib-içmək, əylənmək, şənlənmək olardı, amma elə həmin restoranda ən çoxu 8 nəfərlik masada 5-10 dəqiqə əyləşib kədərlənmək olmazdı? Bu qədər böyük məntiqsizlik təsəvvür edirsinizmi? Demək belə çıxır ki, kimsə qohum-qardaşını başına yığıb, məsələn, uşağına ad günü keçirə bilərdi, amma mən gənc qardaşımın vəfatı ilə bağlı kədərimi bölüşməyə gələnlərin qarşısına bir stəkan çay qoya bilməzdim? Mən videogürüntülərlə də sübut edə bilərəm ki, 450 nəfər söhbəti tamamilə əsassızdır və həmin gün orda karantin qaydalarına tam əməl olunmaqla qohumların, dostların başsağlığı diləklərini qəbul edərək evimə getmişəm. İndi bu söhbəti 40 gündən sonra bu formada şişirdərək, mediaya yaymaq kimə lazımdır? Mənim, ailəmizin vəziyyətini başa düşmək bu qədərmi çətin idi? Restorana yığışıb yeyib-içmək olar, amma kədərlənmək olmaz məntiqsizliyini görməzdən gəlmək bu qədərmi asan idi?!”

 

Versus.Az

Xəbər lenti

InvestAZ

Ən çox oxunan xəbərlər

Azərbaycanda Qurban bayramı qeyd olunur

"Ermənistan yenidən təxribatlara əl atarsa, cavabı layiqincə veriləcək"

Köhnə nazirlər - Kimlər gedib, kimlər qalıb...

Azərbaycan və Türkmənistan prezidentləri arasında telefon danışığı olub

İlham Əliyevdən Qurban Bayramı ilə bağlı paylaşım - FOTO

Rayonlara gediş-gəliş bərpa edilir?

Birgə təlimlərdə iştirak edən hərbi qulluqçular üçün Qurban bayramı tədbiri təşkil olunub - VİDEO

Şimşək, külək, yağış, leysan…

Azərbaycan - Türkiyə birgə genişmiqyaslı taktiki təlimləri davam edir - FOTO

Qənirə Paşayevanın vətənpərvərliyini yox, qolunu müzakirə obyektinə çevirənlər…

Operativ Qərargah rayonlara gediş-gəliş qadağası ilə bağlı qərar verdi

Avqustun 31-dək qüvvədə qalacaq -Sərt karantin

Azərbaycanda karantin rejimi yumşaldılır

Azərbaycanda daha 647 nəfər COVID-19-dan sağaldı, 241 nəfər yoluxdu

Koronavirusdan sağalanların sayı 11 milyonu keçdi