“Bundan sonrası XİN, səfirlik və hüquq mühafizə orqanlarının işidir”

09:45 24-07-2020 | icon 208 | Siyasət
“Bundan sonrası XİN, səfirlik və hüquq mühafizə orqanlarının işidir”

Könül İsmayılova: “Dünya dövlətləri xaricdə vətəndaşlarımıza qarşı olan zorakılığa bu dəfə də kor olacaqsa...”

 

“Günahsız insanlarımıza qarşı təxribat hazırlayan, zorakılıq edən ermənilər hüquqi müstəvidə cəzalarını almalıdırlar. Amma burdan soydaşlarımıza səslənirəm ki, gəlin biz eyni vəhşiliyi etməyək. Çünkü bu çarə deyil”.

 

Bu sözləri Versus.Az-a xaricdə erməni vətəndaşların təxribatına, zorakılığına məruz qalan dinc aksiyaçılarımızın düşdükləri vəziyyətdən narahat olan Müasir Müsavat Partiyasının sədr müavini Könül İsmayılova deyib.

 

 

Siyasətçi xanım erməni vandallarının qan donduran bu addımını təkrarlamağın bizə heç nə qazandırmayacağını vurğulayıb:

 

“Bu günlərdə erməni vandalizmi dünyanın dörd bir yanında vəhşiliklərindən qalmırlar. Dünya da gördü ki, Belçikada Azərbaycan səfirliyinun qarşısında şərəfsiz ermənilərlə bizimkilər arasında insident yaşanıb. Düşmən öz təxribatlarından əl çəkmək istəmir. Jurnalistimiz - “Real tv”-nin əməkdaşı Xatirə Sərdarqızı da digər həmvətənlərimiz kimi döyülüb, xəsarət alıb. Qəriblikdə yaşayan əziz həmvətənlərimiz, dualarımız sizinlədir”.

 

Könül İsmayılova vurğuladı ki, bütün dünya görür ki, ASALA yazılı köynəkləri geyinib günahsız Azərbaycan gənclərini vəhşicəsinə döyənlər erməni gənclərdir:

 

“Dünya dövlətləri özlərini bu dəfə də korluğa qoya bilməzlər. Çox istərdim ki, bizim xaricdə yaşayan gənclərimiz düşmən təxribatlarına uyub eyni vandallıqla düşmənə cavab verməsinlər. Qarabağ müharibəsi Azərbaycandadır, o ölkələrdə deyil. Biz bu torpaqlarda düşmənlərimizlə döyüşməliyik. Zatən beynəlxalq təşkilatlara da bir bəhanə lazımdır ki, Azərbaycanı günahkar çıxarsın. Gəlin onlara fürsət verməyək”.

 

MMP sədr müavini bildirib ki, ermənilərin həmvətənlərimizə qarşı vandallığını görmək hamımız üçün çətindir. Amma yaxşı olardı ki, heç kəs hisslərinə və emosiyalarına qapılmasın:

 

“Bu məqamda eyniləşmək ucalmaq demək deyil. Bildiyimiz kimi, Avropa ölkələrində hər şey həmşə hüquqi müstəvidə təhlil edilib, həll edilir. Odur ki, kənardan qızışdırıcı, təhrikedici hərəkətlərə uymayın. Ən yaxşı taktika budur ki, yaşadığınız ölkədə sizə qarşı olan bu cür zorakılıq halları olsa xəstəxanalara gedib tibbi raporlar alaraq, hüquq mühafizə orqanlarına yaxınlaşıb hüquqi müstəvidə həll yolu axtarın. Bundan sonrası isə Xarici İşlər Nazirliyi, səfirliklər və hüquq mühafizə orqanlarının işidir”.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Şimşək, külək, yağış, leysan…

Azərbaycan - Türkiyə birgə genişmiqyaslı taktiki təlimləri davam edir - FOTO

Qənirə Paşayevanın vətənpərvərliyini yox, qolunu müzakirə obyektinə çevirənlər…

Operativ Qərargah rayonlara gediş-gəliş qadağası ilə bağlı qərar verdi

Azərbaycanda karantin rejimi yumşaldılır

Avqustun 31-dək qüvvədə qalacaq -Sərt karantin

Azərbaycanda daha 647 nəfər COVID-19-dan sağaldı, 241 nəfər yoluxdu

“Kökəlmələr, artıq cəkilər uşaqlıqdan başlayır”

“Ximioterapiya xroniki toksaplazmozun müalicəsində effektli deyil”

"Məktəblər 3 növbə sisteminə keçməlidir"

Şəhid Xəyyam Məmmədovun ata ocağı ziyarət edilib

Çılpaq ekstrim həvəskarı çaya baş vurmağa cəhd etdi - VİDEO

DİM rezidentura imtahanında iştirak edəcək şəxslərə müraciət edib

Xaricdə doktorantura təhsili ilə bağlı sənəd qəbulunun müddəti uzadıldı

Çinin aparıcı həkimləri Bakıda