UNEC-də “Məzun Günü”

16:33 29-06-2018 | icon 79 | Təhsil
UNEC-də “Məzun Günü”

UNEC-in “Məzun Günü” keçirilib. Özünəməxsus təhsil ənənələri ilə seçilən UNEC-in möhtəşəm “Məzun Günü” bir çox yeniliklərlə yadda qalıb.

 

UNEC-dən Versus.Az-a verilən məlumata görə, “İnter Arena” stadionunda keçirilən təntənəli mərasim dövlət himninin səsləndirilməsi ilə başlayıb. Tədbirdə universitetin rəhbərliyi, professor-müəllim heyəti, məzunlar və valideynlərlə yanaşı, dövlət rəsmiləri, millət vəkilləri, xarici qonaqlar, ictimaiyyət nümayəndələri, UNEC-in fəxri məzunları və II ixtisas qrupu üzrə 700 bal toplayan abituriyentlər iştirak edib.

Məzunları təbrik edən UNEC-in rektoru, professor Ədalət Muradov bu günü hesabat anı adlandırıb:

 

“Bu gün ölkə başçısı, təhsil naziri, iş dünyası, valideynlər və bütövlükdə cəmiyyət qarşısında bizə əmanət edilən 3468 gəncin gələcəyə hazırlığı barədə hesabat veririk. Məzunlarımızın iş dünyasında peşəkar mütəxəssis kimi önəmli yer tutacağına, Azərbaycanın sosial-iqtisadi həyatında fəal rol oynayacağına, ölkənin hərtərəfli inkişafına öz töhfələrini verəcəyinə və Vətən qarşısında vəzifələrini layiqincə yerinə yetirəcəyinə əminik”.

 

Ə.Muradov UNEC-in məzunlara qazandırdığı bilik və dəyərlərin onlar üçün uğura aparan yol göstəricisi olacağını bildirib:

“UNEC ailəsi olaraq digər məzunlarımız kimi sizin də naliyyətlərinizi qürurla izləyəcəyik!”

 

25 il öncə təhsil aldığı ali məktəbin bu önəmli gününə fəxri məzun kimi dəvət olunmaqdan məmnunluğunu ifadə edən Hesablama Palatasının sədri Vüqar Gülməmmədov Cənubi Qafqazın ən böyük iqtisadyönümlü universitetinin məzunu olmaları münasibətilə gəncləri təbrik edib. Ölkənin bilikli və bacarıqlı gənclərə, iqtisadçılara daim ehtiyacı olduğunu, UNEC-in bu tələbləri layiqincə yerinə yetirdiyini diqqətə çatdıran V.Gülməmmədov UNEC-in son dövrdəki uğurlarını, beynəlxalq reytinqlərdə yer almasını və dünyanın nüfuzlu universitetləri ilə əməkdaşlığını qürurla izlədiyini bildirib:

“Sevindirici haldır ki, bu gün məzunlar arasında UNEC ilə Fransanın Monpelye Universitetinin ikili diplom proqramının ilk məzunları da var”.

 

“Məzun Günü”ndə iştirak etmək üçün Azərbaycana gələn Fransanın Monpelye Universitetinin Beynəlxalq Əlaqələr Ofisinin rəhbəri, “Beynəlxalq Biznes Mühəndisliyi” Magistr Proqramının və “Beynəlxalq Menecment və Biznes” Bakalavr Proqramlarının rəhbəri, professor Gilles Sere de Lanauze Azərbaycanla Fransa arasında təhsil sahəsindəki uğurlu əməkdaşlığı təqdirəlayiq adlandırıb. UNEC ilə Monpelye Universitetinin ikili diplom proqramının əhəmiyyətindən söz açan qonaq bu əməkdaşlıqdan məmnunluğunu ifadə edib. O, Monpelye Universitetinin UNEC ilə uğurlu əməkdaşlığını digər sahələrdə də inkişaf etdirməkdə maraqlı olduğunu bildirib.

Sonra proqramın ilk məzunlarına Monpelye Universitetinin diplomları təqdim edilib.

 

Universitetin ənənəsinə uyğun olaraq, ən yüksək bal (98.53) topladığına görə adı UNEC-in fəxri daşına həkk edilən Beynəlxalq İqtisadiyyat Məktəbinin məzunu Səbinə Nəcəfzadə UNEC tələbəsi olmağın üstünlüklərindən danışıb. Bildirib ki, UNEC-də tələbələrin beynəlxalq standartlara cavab verən ali təhsil alması üçün hər şərait yaradılıb. Adını universitetin tarixinə uğurlu tələbə kimi yazdıran S.Nəcəfzadə UNEC məzunu olmağı ilə fəxr etdiyini bildirib.

S.Nəcəfzadə UNEC-in bayrağını III kurs üzrə ən yüksək nəticə göstərən tələbəyə təhvil verərək, 3468 məzun adından təntənəli and içib.

UNEC-in himninin sədaları altında dekanlar fakültə üzrə ən yüksək bal toplayan məzunları təltif edib. Sonra ənənəvi “papaqatma” mərasimi keçirilib.

 

Azərbaycanın xalq artisti Murad Dadaşov aparıcılıq etdiyi tədbirdə tələbələri məzun olmaları münasibətilə əməkdar artist Röya Ayxan təbrik edib. Populyar ifaçı Rauf və DJ Chına dinamik mahnıları ilə “Məzun Günü”nü gənclər üçün unudulmaz anlar yaşadıb.

Qeyd edək ki, 2017/18-ci tədris ilində UNEC-dən 3468 gənc məzun olub. Onlardan 2770-i bakalavr, 698-u isə magistrdir. Məzunların 226 nəfəri UNEC-i fərqlənmə diplomu ilə bitirib.

Xəbər lenti

APA-nın əməkdaşı prezidentdən kömək istədi - MÜRACİƏT

"Bu müraciətə APA-nın bütün əməkdaşlarını, Mətbuat Şurası başda olmaqla bütün dəyərli media mənsublarını, dəyərli ziyalıları, o cümlədən millət vəkillərinı qoşulmağa çağırıram"

““Yeni” dediyiniz qüvvələr artıq özləri “köhnə”lərə qarmaq atırlar” - MÜSAHİBƏ

ALDP-də yağışdan sonra yaranan vəziyyət müzakirə edilib

Hatayda Yayladağında Azərbaycan küçəsi və Qarabağ parkı açılacaq

Versus.Az Talk TV kollektivini təbrik edir

Məktəblərdə dünyanın 60-a yaxın ölkəsinin qoşulduğu “Sülh göyərçini” tədbiri keçirilib

"Dağlıq Qarabağ münaqişəsi qısa müddətdə həll olunmalıdır"

Cüdo üzrə dünya çempionatının açılış mərasimi keçirilib

Restoranlar barəsində tədbirlər görülməyə başlanıldı

AXCP Oğuz rayon şöbəsinin sədrinə və üzvlərinə təzyiqlər davam edir

Nazir Ramin Quluzadə Qazaxda vətəndaşlarla görüşüb

Beynəlxalq Teatr Festivalı keçiriləcək

Bu, ölkədə əlillik faizinin azaldılması ilə nəticələnə bilər

"Dağlıq Qarabağ münaqişəsinin nizamlanması üçün..."

Məktəblərdə İLK DƏFƏ

“Mənəvi quruculuq: gümrahlığın texnologiyaları”

İrəli
InvestAZ

Ən çox oxunan xəbərlər

Qənirə Paşayeva Hatay vilayətində türk dünyası gəncliyinə çağırış edib

Ruhən "xəstə" olan insanlara meydan oxuyan xanım

Versus.Az Talk TV kollektivini təbrik edir

““Yeni” dediyiniz qüvvələr artıq özləri “köhnə”lərə qarmaq atırlar” - MÜSAHİBƏ

“Mənim üçün şeir yazmaq Tanrıyla, kağızla ehtiraslanmaqdır”

İlyas İsmayılovun oğlu öldürüldü

Xərçəngin yayılmasının ağlagəlməz səbəbləri

Restoranlar barəsində tədbirlər görülməyə başlanıldı

AXCP Oğuz rayon şöbəsinin sədrinə və üzvlərinə təzyiqlər davam edir

ALDP-də yağışdan sonra yaranan vəziyyət müzakirə edilib

APA-nın əməkdaşı prezidentdən kömək istədi - MÜRACİƏT

"Rəhbər vəzifələrə maraq azalıb"

Qardaş Türkiyənin Şəhid ailələri, Qazilər, Hərbçilər Cəmiyyətləri millət vəkili ilə görüşüb

Dünyanın ən ölümcül infeksiyası

Facebook messencerinin işində problemlər yaranıb