DEPUTAT: Gömrük rüsumlarına edilən dəyişiklik geri çağırılsın

08:51 04-09-2020 | icon 87 | İqtisadiyyat
DEPUTAT: Gömrük rüsumlarına edilən dəyişiklik geri çağırılsın
 

Razi Nurullayev: “İndi həmrəyliyə, inteqrasiyaya, əməkdaşlığa və konkret nəticəyə nail olmağa ehtiyac var

 

“Nazirlər kabinetinin poçt daşımaları üçün gömrük rüsumlarına edilən dəyişiklik geri çağırılmalıdır”.

 
 
Bunu Milli Cəbhə Partiyasının (MCP) sədri, deputat Razi Nurullayev deyib. Millət vəkili vurğulayıb ki, indi həmrəyliyə, inteqrasiyaya, əməkdaşlığa və konkret nəticəyə nail olmağa ehtiyac var:
 
“Nazirlər kabinetinin poçt daşımaları üçün gömrük rüsumlarına edilən dəyişiklik geri çağırılmalıdır. Bunun üçün bütün vətəndaşlardan, dövlət orqanlarından, deputatlardan və sahibkarlardan dəstək istəyirəm. Biz sübut etməliyik ki, müzakirə, ictimai rəy və dialoqla məsələləri həll edə bilərik. Bu ölkəmiz, hakimiyyət nümayəndələrinin sevdiyi ifadə olan dövlətçiliyimiz (hərçənd ki, bəziləri bu sözü maskalanmaq və pərdələnmək üçün istifadə edir) üçündür”.
 
 
Deputat qeyd edib ki, büdcəni doldurmağın başqa yolları var:
 
“Dövlət satınalmalarına cidid nəzarət lazımdır, dövlətdən pul alıb cibinə qoyanların, xaricdən dövlət zəmanəti ilə kredit götürüb iş görənlərin və sonra da o kreditləri dövlətə ödətdirənlərin yaxasından tutub silkələmək və məsuliyyətə cəlb etməklə büdcəni doldurmaq olar. İqtisadiyyatın bütün sahələrində qanunun diktaturasını yaratmaqla indikindən ən azı 2-3 dəfə büdcə artımına nail olmaq olar. Gömrük komitəsi və rəhbərliyi şəffaflığı və büdcə artımını öz həyatları və fəaliyətlərində yaratsın, sonra sadə vətəndaşların cibində olan qəpik-quruşa göz diksin”.
 
 
Razi Nurullayev hər kəsi bu çağırışa qoşulmağa dəvət edib:
 
“Hörmətli Baş nazir Əli müəllimdən xahiş edk ki, Nazirlər kabinetinin qərarına yenidən baxsın və onu ləğv etsin. İndiki sosial şəraitin ağır, kiçik və fərdi sahibkarların çətin bir durumda olmasını, sadə vətəndaşların ehtiyaclarını nəzərə alaraq bu qərarın ləğv olunmasına ehtiyac var. İnanmaq istərdim ki, bu qərarın sadə vətəndaşların yaşayış səviyyəsinin düşməsınə səbəb olacağı Azərbaycan Prezidentinə dürüst olaraq məruzə olunacaq. Yadınıza gəlirsə, 2014-cü ildə Prezident bu məbləğin hətta 10,000 manata qaldırılması ilə bağlı sərancam da imzalamışdı. İki ay sonra isə manatın dəyərdən düşməsi səbəbindən həmin sərancam ləğv edildi”.
 
 
Deputat sonda bir daha hər kəsdən dəstək gözlədiyini vurğulayıb.
 
 
PƏRİ
Versus.Az

Xəbər lenti

InvestAZ

Ən çox oxunan xəbərlər

“Erməni arvadını əsir götürüb neynəyəcəyik, bizə torpaqlarımız lazımdır”

Kuzey Kıbrıs Türk Cümhuriyətinin tanınması siyasi məsələdir - MÜSAHİBƏ

Müəllim şagirdi döyərək öldürdü

Aysberq hər kəsin gözü qarşısında çevrildi - VİDEO

QAFAR İSKƏNDƏROV YAZIR: Prezidentin fərman və çıxışlarını bu kimi hakimlər saymırlar

Universitetləri və diplomları bütün dünyada tanınan ölkə - MÜSAHİBƏ

İtmiş oğullarına 38 ildən sonra qovuşdular - VİDEO

Koronavirusla bağlı SON STATİSTİKA

Prezidentin və I Vitse-prezidentin Azərbaycan elminin inkişafı ilə bağlı siyasəti uğurlu nəticələrini verməkdədir

Eldar Mahmudovun oğluna Rusiyadan şübhəli pul köçürmələri aşkarlanıb

Azərbaycan tarixində müstəsna rolu olan iki MÜQAVİLƏ

Yağış yağacaq, dolu düşəcək

Azərbaycanda ehtiyatda olan hərbi vəzifəlilər təlimlərə ÇAĞIRILIR

XİN şəhid hərbçimizlə bağlı məlumat YAYDI

"Emmi" mükafatının QALİBLƏRİ